JISAYA 37:2 - Tanou Moonsoi Timugon

² Nanusub io ri Iliakim, tingganai ru pagawai istana, am i Sibna, mamamatik ru istana, am niayuk imam-imam ondo' matutuo koson mongoi uma' ri Nabi Jisaya anak ri Amos. Ilo pana nambayang ra konoon karung.

JISAYA 37:2 ပူးပေါင်းရင်းမြစ်များ

JISAYA 1:1

Suang ru buuk ragitio napatanou intor ra Jiuda am Jirusalim ondo' pinabala' ri Aki Kapuuno' no ri Jisaya anak ri Amos, bulintok ra Raja' Ujia, Raja' Jotam, Raja' Agas am Raja' Gijkia namarinta ra Jiuda.

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

JISAYA 37:14

Raja' Gijkia nangalap ra surat raginio intor ra ulun-ulun sinusub no, am basaa' no. Kopongo raginio raja' no minongoi ra Baloi ru Tuhan, am basaa' no surat no ra saang ru Tuhan,

JISAYA 36:3

Talu ngaulun intor ra Jiuda minatong minuma' riso, ilo ti i Iliakim anak ri Ilkia, maningganai ra istana; i Sibna, mamamatik ru istana; am i Joa anak ri Asap, mamamatik ru pagun.

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

2 RAJA'-RAJA' 19:2

Nanusub io ri Iliakim, manalingapu ra istana, am i Sibna, mamamatik ru istana, am niayuk imam ondo' mangatutuo koson muma' ra Nabi Jisaya anak ri Amos. Ilo niayuk nambayang ra bayang karung.

2 RAJA'-RAJA' 18:18

Kopongo raginio nampiau ilo ra Raja' Gijkia, kaa' talu ngaulun pagawai nano minatong tuum risilo, iono i Iliakim anak ri Ilkia, manalingapu ra istana; i Sibna, mamamatik ru istana am i Joa anak ri Asap, mamamatik ru pagun.

JISAYA 20:2

Talu ngambilor ra nakapagulu, nanusub Tuhan ri Jisaya anak ri Amos namagus ra kasut am nangalus ra konoon karung ondo' sinulungan nano. Sinugut ri Jisaya nanusuban raginio am minugar io nagibabaang am niayuk kalo nangkasut.

JISAYA 22:15

Tuhan Raja' Ondo' Maayo Kaga' Kuasa' nanusub raki' mongoi ri Sibna, tingganai ru istana, am mindagu riso,

JISAYA 22:20

Indagu Tuhan ri Sibna, “Paat raginio, piawon Ku ulipon kuno, i Iliakim anak ri Ilkia.

JISAYA 37:21

Kopongo raginio i Jisaya napaibit ra bilin no ra Raja' Gijkia, ngaangai' pakiasian rinongog noyo ru Tuhan i Aki Kapuuno' ru Israil.

JISAYA 38:1

Bulintok ragili niayuk Raja' Gijkia nalugu am itik poyo minatoi. Nabi Jisaya am i Amos timinuum ra raja' am minindagu riso, “Sumugut ra ragu ru Tuhan, musiti' mopongo mu ngaangai' kandoi muno, sabap ra okou kalo boo mababas. Matoi kou.”

ESTER 4:1

Pokorongog i Mordikai ra ngaangai' ondo' nasauk noyo, rinilak no bayang nano koson ra tatandu' mangiluk. Nambayang io ra konoon karung, tinaukan ulu nano ra kaau, am minugar-ugar giu' ra bandar liliwa' nantangi' ra matangil am malumpus.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.