JISAYA 32:6 - Tanou Moonsoi Timugon

⁶ Ulun sasambungon mindagu ra ragu-ragu sasambungon am mangatang ra baal malaat. Binaal am raguon nilono magasab ra Tuhan. Kalo igondo' ilo panaak ra akanon ra ulun maitilan kapoam manaak ra inumon ra ulun pinaason.

JISAYA 32:6 ပူးပေါင်းရင်းမြစ်များ

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

JISAYA 3:15

Kolondo' kuasa' min mangimbolo' ra ulun Kuno am niayuk mamparuung ra ulun musikin. Aku, Tuhan Raja' Ondo' Maayo Kaga' Kuasa' minindagu noyo.”

1 SAMUIL 24:13

Gama' ru mamatas Tuhan no ra osoi ondo' makasala, aku kapoam okou. Amon ru mambalos Tuhan no ra binaal muno raki', kaa' kalo rualin tokou ra sanganu pana.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

AMOS 8:6

Talanon takau gandum ondo' naapu' ra logo masawat. Uyumon takau sangulun musikin ondo' kalo makatanggang mambayar ra utang, kabalu' pana utang no koson ra logo ru satuop salipar ayuk, am balion takau ulun no koson ra ulipon.”

JIRIMIA 13:23

Makakulau kia ulun maitom ra batik ru kungkung nano, kapoam ampunguon makairu' ra gumutitikan nano? Maaru' kalo! Koson niayuk ramuyun ondo' maindalom mambaal ra malaat, kalo lair mambaal ra moonsoi.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

AMSAL 19:3

Mokoondo' ulun mangimbolo' ra inan galama' sabap ra sambung galama', am mononsol piboo ra Tuhan.

MAZMUR 141:4

Painggaluro' aku no ra gogot ru guang mambaal ra malaat, am lumatok ra ulun masaga' mambaal ra tula. Pai' aku polosoo' maya' akan ra bunsagan nilo.

AMSAL 24:7

Ulun sasambungon kalo makarati' ra ragu-ragu mapintar. Kalo makaindagu ilo ra atan-atan bulintok ra baal-baal maatang sunuron.

JISAYA 10:2

Ginio noyo namakuan min mongompong ra ulun musikin mangalap ra matanda' risilo am katimpakan, am niayuk mampagaau ra longgom ru ulun napuor am anak nailusan ra matuo.

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

JISAYA 26:10

Kabalu' pana moonsoi pamakuan ra ulun malaat, kaa' kalo niayuk mambaal ilo ra matimpok. Giu' pana ra pagun ru ulun mabanis guang, lumapau ilo niayuk, am kalo mangiou ra katulayan Muno.

JISAYA 31:2

Tuhan no mapintar am makapandai ra atan baalon Nano. Maparatong Io ra karaat, am mapaugar ra pomololob Nano koson mangukum ra ulun malaat am ulun ra mangindangan risilo.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JISAYA 59:13

Lumungkang akai am gumuor ra Tuhan, am kalo masaga' maya' ri Aki Kapuuno' mai. Nangimbolo' akai ra ulun bokon am liminayau; pangkaraan mai nakalayau, am ragu-ragu mai abau ayuk.

DANIL 12:10

Masuang ulun kinamin am kapasawon. Ulun malaat kalo makarati'; rumayus ilo mambaal ra kalaatan nilo. Ulun mapintar ayuk makarati'.

YEHEZKIEL 34:18

Ra akau ngai' no mokoondo' ondo' manguang ra mangakan ayuk ra sakot ondo' moonsoi kaga', kaa' niayuk manginjang-nginjang ra sakot ondo' inakan nilo! Manginum ilo ra timug maniol, kaa' mampalutok ra timug ondo' kalo inumon nilo.