JISAYA 30:3 - Tanou Moonsoi Timugon

³ Kaa' raja' ru Misir kolondo' lulu' mangindangan risilo, am pangampinan ondo' lansanin nilo ra Misir kolondo' onong.

JISAYA 30:3 ပူးပေါင်းရင်းမြစ်များ

2 RAJA'-RAJA' 18:21

Malansan kou raja' ra indangan intor ra Misir, kaa' baal raginio koson ra ulun ondo' mamakai ra galaga koson ra jujuga'. Jujuga' no mapandak am manujok ra kalindu' muno galama'. Koson raginio noyo raja' ru Misir ra osoi ondo' malansan riso.’ ”

MAZMUR 108:12

Iou Aki Kapuuno', nanginggalar Kou noyo kia ramon? Kalo kia jumalai Kou mababaya' ra saujor maiti?

AMSAL 25:19

Malansan ra sangulun ondo' kalo maintopot bulintok ra kapaganan koson ayuk mongokot kaa' ripon maunga' kapoam mugar kaa' kimpo'.

JISAYA 20:5

Ulun ondo' lumansan ra Itiopia am mamanggo ra Misir masindualan ra guang. Kalansanan nilono matutuk.

JISAYA 20:6

Bulintok raginio, ulun ondo' minayan ra libung ru nagas pagun ru Palistin no mindagu, ‘Ilai' noyo baal ondo' nasauk ra bansa' ondo' kalansanin takano koson mangampin ritakau intor ra pangayawan ru raja' ru Asyur! Ati kulaan takau maayag?’ ”

JISAYA 36:6

Akau lumansan ayuk ra pangindanganan ru Misir, kaa' ginio koson ayuk ra ulun nangalap santaun tabu binaal ra susukur. Susukur no mapandak am mokotobok ra kalindu' mino galama'. Ginio niayuk ra raja' ru Misir ra osoi-osoi lumansan riso.’ ”

JIRIMIA 2:36

Pinainggana' min kaatangan ru inan sabap minongoi ra dewa ru bansa' bokon. Sindualin kau ru Misir, koson ra akau sinindualan ru Asyur.

JIRIMIA 42:18

Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 42:22

Ginio ra karaa' noyo: matoi kau ralalom pangayawan, kapoam sabap ra bitilan, kapoam maruol tumapik ra pagun ondo' kasagaan min mayan.”

JIRIMIA 46:25

Tuhan Ondo' Maayo Kaga' Kuasa', i Aki Kapuuno' ru Israil minindagu, “Mangukum Aku ra Amon, dewa ru bandar Tibi mababaya' ra Misir am dewa-dewa am niayuk raja'-raja'. Alapon Ku raja' ru Misir am ngaangai' ondo' liminansan riso,

YEHEZKIEL 29:7

Paat ra ilo sumandig ramuyun, mapandak kau am manujok ra pakilok nilo saboi bakulung nilo masilik.

GOSIA 10:6

Sinungkalalaing no ibiton giu' ra Asyur koson pataakon ra raja' ondo' matulai. Israil asabin am tauyuon sabap ra bilin ondo' binaya' nano.

ROMA 10:11

Kon poyo ru Buuk Kitab, “Osoi ayuk mangintopot Riso kalo mangkaus.”

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.