JISAYA 30:2 - Tanou Moonsoi Timugon

² Makiindangan ilo ra Misir kabalu' pana kalo iniou Ku. Sumindung ilo ra ragana' ru pamarintaan ru Misir. Ginio ra, lumansan ilo ra pangampinan ru raja' ru Misir.

JISAYA 30:2 ပူးပေါင်းရင်းမြစ်များ

JISAYA 36:6

Akau lumansan ayuk ra pangindanganan ru Misir, kaa' ginio koson ayuk ra ulun nangalap santaun tabu binaal ra susukur. Susukur no mapandak am mokotobok ra kalindu' mino galama'. Ginio niayuk ra raja' ru Misir ra osoi-osoi lumansan riso.’ ”

JIRIMIA 43:7

Minanggal ilo ra susuban ru Tuhan, am minongoi ra Misir saboi koson ra galur ru bandar Tapanis.

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

JIRIMIA 42:20

ra akau ngaangai' tatanga' mambaal ra kasalaan maayo. Makitaak kau raki' makiasi' ra Tuhan, i Aki Kapuuno' takau, am nambantu' kau koson gumagaya' ra moonong susuban Nano.

JIRIMIA 42:2

Indagu ilo raki', “Pangindangan no ra iowo' kitaakon mai. Pakiasi' no ra Tuhan, i Aki Kapuuno' takau ra bala mai. Pakiasi' no ra bala mai ngaangai' ondo' naayag. Ragili masuang akai, kaa' raino ilai' noyo, kalo boo masuang akai.

JIRIMIA 37:5

Saujor ru Babilonia tatanga' nagawang ra Jirusalim. Kaa' paat ra ilo nokorongog ra saujor ru Misir nakaingkual noyo intor ra Misir koson mangayou, liminugut ilo.

JIRIMIA 21:2

“Pakitulu' no intor ra Tuhan koson ritakau, sabap ra Raja' Nibukadnijar intor ra Babilonia nabaya' ra pulalai nano, tatanga' magawang ra bandar takau. Maaru' lair Tuhan mambaal ra kaimuagan koson ritakau, am mampajajal ra Raja' Nibukadnijar lumugut.”

JISAYA 36:9

Kalo makaanggal kau ramon io pana pagawai ru Asyur ra magana' kaga' no, kaa' malansan kau ra ulun ru Misir mangator ra kurita' kuda am pulalai manangkuda no ramuyun.

JISAYA 18:1

Intor ra sampagunan, giu' ra sandaup ru sungoi-sungoi ru Itiopia morongog binangung ru maningot.

JISAYA 16:3

Mindagu ilo ra namagun ru Jiuda, “Atan kia baalon mai? Sindungi' akaino koson ra puun ru tataun manindung bulintok ra mampayung orou ondo' malasu', am polosoo' akaino sumindung ra saau muno. Akai ti ulun nagigiru'; pasibunio' akaino am pai' kalaat ramon.

2 RAJA'-RAJA' 17:4

Kaa' rondo' bulintok no, nangator Raja' Gosia ra kukula' ngaulun sinusub nano ra Raja' So, raja' ru Misir koson makiindangan riso. Kopongo raginio Raja' Gosia liminonggo' nambayar ra cukai kabilaran ra raja' ru Asyur. Kapandayi' ru Raja' Salmanisir ginio, rokopo' no Raja' Gosia am aputo' no ra lamin pangaputan.

1 RAJA'-RAJA' 22:7

Kaa' pangkuot poyo Raja' Josapat, “Kolondo' kia nabi ra bokon ondo' makapangkuot ra baal ragitio ra Tuhan?”

TINGGANAI RU BANSA' 9:15

Taam bulungkut makaruui no, ‘Amon totopot guang min masaga' ra masauk aku ra raja' min, ibok no sindung ra saau kutu. Kaa' amon ru kalo, mingkual apui intor ra pango-pango kuno ondo' makaruui am monolob ra ngaangai' puun sidar giu' ra Libanon.’ ”

JOSUA 9:14

Inapu ru ulun ru Israil akanon ondo' pinataak nilo, kaa' kalo nakitaak ra panuluan intor ra Tuhan.

SAGULION 28:68

Atarin kau saguli' ru Tuhan ra Misir paayaan ra kapal, kabalu' pana minindagu Io ra kalo boo mongoi ra giu'. Giu' no kuminam kau mantalan ra inan koson ra ulipon ra pantula', kaa' kolondo' sangulun pana ondo' masaga' mambali ramuyun.”

2 RAJA'-RAJA' 18:21

Malansan kou raja' ra indangan intor ra Misir, kaa' baal raginio koson ra ulun ondo' mamakai ra galaga koson ra jujuga'. Jujuga' no mapandak am manujok ra kalindu' muno galama'. Koson raginio noyo raja' ru Misir ra osoi ondo' malansan riso.’ ”

JISAYA 8:19

Kaa' ulun manusub ramuyun makitulu' intor ra ulun mangilong am babalian ondo' konos-konos am kuniam-kuniam. Mindagu ulun, “Sala' ka kia musiti' takau makitulu' intor ra ulun namagatoi koson kaatangan ru ulun lakat poyo maayag?”

JIRIMIA 2:18

Atan kia banang muno minongoi ra Misir am nanginum ra timug ru Sungoi Nil? Atan banang muno minongoi ra Asyur am nanginum ra timug ru Sungoi Iprat?

GOSIA 7:13

“Nangiruan ilo Raki' am giminuor Raki'. Kapaganan lumumpa' risilo. Mapuso ilo. Masaga' Aku mamayag risilo, kaa' sambayang nilo Raki' kalo motopot.

GOSIA 8:9

Ulun ru Israil mokotog guang koson ra kaladai masigo, manugut ilo ra kasagaan nilo galama'. Makiindangan ilo intor ra Asyur. Binayaran noyo ru Israil pagun-pagun ra bokon koson makiampin.

GOSIA 8:10

Kaa' raino timungon Ku ilo am mangukum risilo. Kalo boo mabuoi maimbolo' ilo paat ra raja' ru Asyur mangimbolo' risilo.