JISAYA 3:9 - Tanou Moonsoi Timugon

⁹ Kinalaat nilono mauligan intor ra bulos nilono. Kalo boo moopot nilo mambaal ra tula koson ra mamagun ru Sodom ra galing i. Alii boo risilo no! Maparatong ilo ra karaat ru inan nilo galama'.

JISAYA 3:9 ပူးပေါင်းရင်းမြစ်များ

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

KASAUKAN 19:34

Paat ra suabon no, indagu anak ruandu' ra katuaan no ra boborok nano, “Rondom i riminulug aku noyo ri ama'! Rondom raiti' gaukon to poyo am okou boo rumulug riso, am sigagama' to boo makaanak intor riso.”

KASAUKAN 4:5

kaa' kalo naansayan Io ri Kain am taak nano. Ginio ra siminangit kaga' i Kain am kiminarus io toojo.

2 RAJA'-RAJA' 9:30

Kopongo raginio nakasaboi Raja' Jigu giu' ra Jijriil. Paat ri Ijibil nokorongog ra atan ondo' nasauk no, saiti' no bingkolot ru mato nano, am busaki' abuk nano, am pagilong ra ragana' intor ra gigimpalan ru istana.

MAZMUR 10:4

Ulun malaat kalo mampalio ra Tuhan; sabap ra ilo malilimbau, pangkaraan nilo i Aki Kapuuno' no kolondo'.

AMSAL 15:32

Ulun ra marara' migigila', kalo mangurumat ra inan nilono. Ulun mangkirongog ra pansawayan, masauk ra mapintar poyo.

AMSAL 30:13

Mokoondo' ulun mindagu ra ilo no moonsoi kaga' – kalo namimii' bonsoi no!

AMSAL 8:36

Osoi kalo makatuum raki' mamungawo io, am ulun masisang raki', gumogot ra kapatayan.”

JISAYA 1:10

Alii ra Jirusalim, tingganai am ulun muno koson boo ra ulun Sodom am Gomora. Rongogo' noyo ragu ru Tuhan no ramuyun. Guango' min pangilaan ri Aki kapuuno' takano.

JISAYA 3:16

Mindagu Tuhan, “Malilimbau kaga' ruandu' ru Jirusalim! Masisinto ilo kaga', masalok ilo mangulurat, am tumpang nilono babaalon ayuk saboi kumurinsil ayuk boo golong ru kalayam nilono.

JISAYA 57:20

Kaa' ulun malaat koson ra raat ondo' makakinulun am kalo igondo' kaliuk; aug no magibit ra ginsamol am losok.

JISAYA 59:12

Masuang kaga' kalaatan mai Rirun; tula-tula mai manguu' ramon. Topot-topot mai malimanan kalaatan mai, am makapandai ra tula-tula mai.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

SULABOI 5:16

Baal ra kaantakan ru guang mai kalio noyo. Raino ukumin akai sabap makatula.

YEHEZKIEL 16:30

Indagu Tuhan Raja', “Ngaangai' binaal muno koson ra binaal ru sangulun ruandu' mantalan ra inan ondo' kalo mapandai mauyu'.

YEHEZKIEL 16:49

Liminimbau Sodom am anak nano sabap ra masuang akanon nilo am maayag ra moonsoi am mamimio. Kaa' kalo nangindangan ilo ra ulun musikin am mapagon.

YEHEZKIEL 23:16

Pakakito ayuk i Ogoliba ra gambar no, guang malaai nano liminanja' am pangator io ra ulun sinusub mongoi risilo giu' ra Babilonia.

DANIL 7:20

Masaga' aku makapandai intor ra mopor sangau ra ulu nano, am intor ra sangau boborok ondo' minujak ra pupus, ondo' nangkinibit ra nabubul talu sangau ra bokon. Sangau boborok no mokoondo' ra mato am kabang ondo' mindagu ra lumimbau. Sangau boborok no makalalaa' poyo intor ra sangau-sangau ra bokon.

GOSIA 13:9

Mamuso Aku ramuyun, ulun ru Israil kau! Osoi kia makapangindangan ramuyun?

GOSIA 5:5

Kinalimbau ru ulun ru Israil makito kaga' am nasauk ra inono' ru kasalaan nilo. Tula nilo nangkinibit risilo nakasaru am naratu', am bansa' ru Jiuda pana naratu' nakaaya' risilo.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

PINAINTALANG 11:8

Baangkai nilono makalampik ra ralan ru bandar maayo, ioginio nanalipan ra Tuhan nilono. Pagabigan ra bandar raginio Sodom kapoam Misir.

1 SAMUIL 15:32

Kopongo raginio nanaak i Samuil ra susuban, “Ibito' min Raja' Agag no ragiti.” Raja' Agag no pinauma' riso, am nonontol Raja' Agag ra nalaa' sabap indoson no, “Mapara' boo kinapait ru kapatayan.”