JISAYA 3:8 - Tanou Moonsoi Timugon

⁸ Jirusalim naratu' noyo! Jiuda pana napuut! Nansalinut raguon am binaal nilono manggal ayuk ra Tuhan. Kalo boo moopot nilo magasab ri Aki Kapuuno'.

JISAYA 3:8 ပူးပေါင်းရင်းမြစ်များ

2 TUNUNG RU BANSA' ISRAIL 28:18

Liliwa' raginio ulun ru Palistin tatanga' mamulunsar ra bandar-bandar giu' ra libung ru lonson toojo ru bulur giu' ra tampilon kalasaan am giu' ra tampilon rabugus ru Jiuda. Ginaau nilo bandar Bit-Simis, Ayalon am Gidirot, am niayuk bandar Sokgo, Timna am Gomjo am niayuk ngaangai' pekan giu' ra liliut ru bandar-bandar no, am ayan ilo ra giu' no.

2 TUNUNG RU BANSA' ISRAIL 33:11

Ginio ra nompoloso Tuhan ra panglima-panglima ru saujor ru pagun ru Asyur namulunsar ra Jiuda. Rinakop nilo Raja' Manasi ra kaitan, binangkil io, am inibit io ra Babil.

AMSAL 26:27

Ulun mapataan ra jajaling ru ulun bokon, io galama' sumulung ra jajaling no. Ulun mapaluir ra batu maintupan ilo niayuk ru batu no.

JISAYA 1:7

Pagun mino pinuso noyo am bandar-bandar mino nakai' noyo solobo'. Mato mino galama' nakakito, ulun bansa' suai nampagaau ra tana' am ngaangai' no pinuso nilo.

JISAYA 49:19

Pagun muno ondo' mapua' am masiluk, ragino nasauk mapisok kaga' ra ilo ondo' makaguang mayan no. Am ulun-ulun ondo' makaguang mamatoi rirun, minugar noyo maalur intor rirun.

JISAYA 57:4

Osoi kia kulion mino? Akau ulun maabau-abau, osoi kia kakuritan mino?

JISAYA 59:3

Nakasala kau sabap ra magabau am sumaindang, malaat am mamatoi.

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JIRIMIA 23:36

Kalo boo paraguin risilo ragu ra ‘saanin ru Tuhan’. Amon ru mokoondo' ra ulun ondo' lakat poyo mindagu raginio, saukon Ku tanou Kuno topot-topot pasaanin riso. Jinajou noyo ru ulun ragu intor Raki', i Aki Kapuuno' nilo, i Aki Kapuuno' ondo' maayag, Tuhan Ondo' Maayo Kaga' Kuasa'.

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

JIRIMIA 26:6

Amon ru mansang kau ayuk, pamakuan Kuno ra Baloi Kutu koson ra pinamakuan Kuno ra Silo, saboi ngaangai' bansa' ra tana' ti mamakai ra inggalan ru bandar Jirusalim koson ra pagulasan.’ ”

JIRIMIA 4:13

Ilai' pantula' matong koson ra gaun. Kurita' kuda nano koson ra bagiu' puting beliung, am kuda nano maribok poyo intor ra susuit kanui. Nalumpa' takau ru karaat! Maluus takau!

JIRIMIA 44:3

Kapusaan raginio nasauk sabap ra mamagun nano nambaal noyo ra malaat am napasingkual ra sangit Kuno. Nampataak ilo ra taak simbalui ra dewa-dewa, am siminamba ra dewa ondo' kalo igondo' sinamba nilo, akau kapoam kinamatuaan min.

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

YEHEZKIEL 8:12

Pangkuot boo i Aki Kapuuno' raki', “Okou ulun mapandai matoi, nakito mu kia atan ondo' tatanga' baalon ru tingganai ru Israil ra sininok? Ilo ngaangai' sumambayang giu' ra ralalom ru lamin ondo' nososok ra sinungkalalaing am sasaban ra kalo makito Ku ilo am nangiruan Aku noyo ra pagun ti.”

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

GOSIA 5:5

Kinalimbau ru ulun ru Israil makito kaga' am nasauk ra inono' ru kasalaan nilo. Tula nilo nangkinibit risilo nakasaru am naratu', am bansa' ru Jiuda pana naratu' nakaaya' risilo.

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

JUDAS 1:15

Mongoi Io pangukum ra ngaangai' ulun. Mangukum Io ra ulun-ulun makatula sabap ra baal malaat nilo am sabap ra ngaangai' asab nilai Riso!”