JISAYA 3:13 - Tanou Moonsoi Timugon

¹³ Nakatampos noyo Tuhan mapasingkual ra baal raginio; nakatampos Io noyo mangakim ra ulun Nano.

JISAYA 3:13 ပူးပေါင်းရင်းမြစ်များ

MIKA 6:2

Gunung kau ngai', puun ru tana' ondo' mantilayun, rongogo' noyo ondo' pabalaan ru Tuhan! Tuhan mokoondo' ra baal ra ulun Nano am magibit Io ra panguwan ra Israil.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 74:22

Ingkakat noyo, iou Aki Kapuuno', am misungka' Kou galama' sabap ra monsongorou Okou asabin ru ulun ondo' kalo makaulig Rirun.

MAZMUR 82:1

Mazmur ri Asap. I Aki Kapuuno' maningganai ra pansusunuran maatang ra suruga'; saang ru ngaangai' ondo' maayag ra suruga' manaak Io ra pamatasan Nano,

JISAYA 51:22

Gitio noyo ragu ru Tuhan mino, Tuhan i Aki Kapuuno' noyo sumaung ramuyun, “Kaimbalaan ondo' pinataak Kuno ralalom sangit Kuno, alapon Ku sagulio' intor ramuyun. Guang kuno sumalui, am kalo pana boo saanin min.

JISAYA 66:16

Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

JOIL 3:12

Indagu poyo Tuhan, “Bansa'-bansa' musiti' tumampos am mongoi ra Limayak Pangakiman. Giu' no Aku, Tuhan manturung am mangakim, ra ngaangai' bansa' ra mamaar.

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

MIKA 6:1

Rongogo' noyo atan ondo' panguwan ru Tuhan ra Israil. Kakat noyo, iou Tuhan, am raguo' noyo pabalaan Muno. Polosoo' noyo gunung am bulur mokorongog ra atan ondo' masaga' Muno paraguon.