JISAYA 3:1 - Tanou Moonsoi Timugon

¹ Sotopot no, Tuhan Ondo' Maayo Kaga' Kuasa' no mangalap intor ra Jirusalim am Jiuda nansalinut inula' ra akanon am inumon am niayuk ngaangai' ulun ra lansanin nilono,

JISAYA 3:1 ပူးပေါင်းရင်းမြစ်များ

IMAMAT 26:26

Kalo manaak Aku ramuyun ra akanon saboi mopor ngaulun ruandu' makapakuan ra rondo' ayuk intok pangansakan ra ruti' koson mangansak ra ngaangai' ruti' ondo' soroi. Tukuon ruti' no, makaakan kau pana raginio, lakat kau poyo maitilan.

YEHEZKIEL 14:13

“Okou ulun mapandai matoi, amon rondo' bansa' makatula am kalo gumagaya' Raki', ukumin Ku ilo am mamuso ra lutu' ru akanon nilo. Porotongon Ku bitilan am mamatoi ra ulun am niayuk bibiag.

JISAYA 1:24

Ginio ra, ragino rongogo' noyo Tuhan Ondo' Maayo Kaga' Kuasa', i Aki Kapuuno' ru Israil mindagu, “Pantula' Kuno, balasin Takamin. Akau pana kalo boo mantipagon Raki'.

JIRIMIA 38:9

“Raja' kuno, binaal ru pagawai-pagawai no kalo motopot. Pinasubol nilo i Jirimia ra ralalom ru tulubong am maaru' matoi io maitilan ra giu' no sabap ra nakai' noyo akanon ra bandar ti.”

JIRIMIA 37:21

Ginio ra nanusub Raja' Jidikia ra aputon aku giu' ra liliut ru istana. Minayan aku ra giu', am moonong orou aniin aku ra rondo' ruti' maayo intor ra intok ru ulun mambaal ra ruti', saboi ra bandar no nakayaan ra ruti'.

JISAYA 51:22

Gitio noyo ragu ru Tuhan mino, Tuhan i Aki Kapuuno' noyo sumaung ramuyun, “Kaimbalaan ondo' pinataak Kuno ralalom sangit Kuno, alapon Ku sagulio' intor ramuyun. Guang kuno sumalui, am kalo pana boo saanin min.

JISAYA 36:12

Taam pagawai no, “Indoson min kia ra Raja' Asyur manusub raki' mapasaboi ra ngaangai' baal ragitio ramuyun am raja' mino ayuk? Kalo. Posoboyon ku niayuk ngaangai' baal ragitio ra ngaangai' ulun nanturung ra rasawat ru timbok no, sabap ilo pana musiti' mangakan ra tatai' am sasabu nilo galama' koson niayuk ramuyun.”

JISAYA 5:13

Patirin kau koson ra ulun rinakop. Ngaangai' tingganai matoi maitilan am mamagun matoi pinaason.

JISAYA 2:22

Ginio ra, pai' pangintopot ra ulun mapandai matoi sabap kolondo' logo nilo.

MAZMUR 105:16

Bitilan pinaratong ri Aki Kapuuno' ra pagun nilono, am mangalap ra nansalinut akanon nilo.

JISAYA 3:16

Mindagu Tuhan, “Malilimbau kaga' ruandu' ru Jirusalim! Masisinto ilo kaga', masalok ilo mangulurat, am tumpang nilono babaalon ayuk saboi kumurinsil ayuk boo golong ru kalayam nilono.

JISAYA 9:20

Namagun ra Manasi am namagun ra Ipraim mangayou ra rondo' am bokon, am mababaya' ilo mamulunsar ra Jiuda. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JIRIMIA 52:3

Siminangit kaga' Tuhan ra mamagun ru Jirusalim am Jiuda saboi pinagiru' No ilo am kalo boo nanindung risilo. Giminuor Raja' Jidikia ra Raja' Nibukadnijar intor ra Babilonia.

JIRIMIA 52:6

Paat ra orou kasiam, sila' kaapat ra bilor raginio, paat ra bitilan giu' ra bandar no najanjayan kaga' saboi mamagun kolondo' boo akanon,

SULABOI 5:4

Nambali akai kalalaat ra timug inumon am luton koson suruin.

AMOS 4:6

“Aku noyo ondo' namparatong ra bitilan ra ngaangai' ru bandar min, kaa' kalo siminaguli' kau Raki'.

MIKA 4:9

Kua najanjayan tangi' muno? Kua marualan kou koson ra ruandu' ondo' maganak? Sabap nati nua' okou kolondo' raja', am ulun-ulun mambilin muli minatoi noyo?

2 RAJA'-RAJA' 25:3

Paat ra orou kasiam, sila' kaapat ru bilor raginio, bulintok bitilan giu' ra bandar no najanjayan kaga' saboi ra mamagun ru Jirusalim kolondo' boo akanon,