JISAYA 27:9 - Tanou Moonsoi Timugon

⁹ Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

JISAYA 27:9 ပူးပေါင်းရင်းမြစ်များ

2 RAJA'-RAJA' 10:26

am napaingkual ra lugu' sambaan ondo' soroi ra giu' no am nonolob raginio.

2 RAJA'-RAJA' 23:14

Nomopol Raja' Josia ra tatandu' ondo' timpokon ra Dewi Asyira, am nangumok ra lugu'-lugu' batu, am namumpun ra tana' no ra bungul-bungul ru ulun.

2 RAJA'-RAJA' 25:9

Sinolob ri Nibujaradan Baloi ru Tuhan, istana am baloi ru ulun mauligan kaga' giu' ra Jirusalim.

2 TUNUNG RU BANSA' ISRAIL 14:5

Sabap ra pinatiran no intok-intok sambaan ra sinungkalalaing am altar-altar ru kaminyan giu' ra ngaangai' bandar ru Jiuda, pamarintaan no mamimio ragana' ru pamarintaan nano.

2 TUNUNG RU BANSA' ISRAIL 34:4

Ralalom ru susuban ru Raja' Josia, ulun-ulun nano nampalunsai ra altar-altar ru Baal am altar-altar koson monolob ra kaminyan ondo' mokoondo' ra giu' no. Inumok nilo sinungkalalaing ru Dewi Asyira am ngaangai' sinungkalalaing ra bokon, am kaau no pinatias ra rasawat ru kalabangan ru ulun ondo' siminamba ra sinungkalalaing no.

2 TUNUNG RU BANSA' ISRAIL 36:19

Linunsai ru raja' no timbok ra bandar ru Jirusalim am nonolob ra bandar no, nakaaya' Baloi ru Tuhan am ngaangai' istana, nababaya' ra kuliamos mongologo giu' ra ralalom ru istana.

MAZMUR 119:67

Ra kalo poyo ukumin Mu aku, masalok aku manuliar ra panusuban Muno, kaa' ragino ginagaya' ku ragu Muno.

MAZMUR 119:71

Moonsoi noyo ra Okou mangukum raki', maa' raginio makarati' aku ra panusuban Muno.

KAINGKUALAN 34:13

Lunsayo' noyo altar nilono; umoko' lugu'-lugu' karamat nilo am tagaro' tatandu' Asyira, sinungkalalaing nilo.

AMSAL 20:30

Sanganuan kaintutunan ra mapait mampaliom ra kalaatan am mamasau ra guang ru ulun.

JISAYA 1:29

Pansagulian guang mino ra akau sumamba ra puun ra tataun am manusub ra dewa-dewa koson magalung am mambarakat ra umo, maa' raginio makapaingkual ra ampos masuang.

JISAYA 17:8

Kalo boo lumansan ilo ra altar-altar binaal nilo galama', kapoam lumansan ra kandoi ru kalindu' nilo galama', ioginio sinungkalalaing Dewi Asyira am altar-altar panalaban ra kaminyan.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 4:4

Ralalom ru kuasa' Nano Tuhan mangakim am mamasau ra bansa' raginio. Pusoon No kasalaan ru Jirusalim am kapasawon no intor ra raraa' ondo' pinasasar ra giu' no.

JISAYA 40:2

“Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

JISAYA 48:10

Kininaman Takamin noyo ra apui kaimbalaan, koson ra pirok pinalunau ra apui.

YEHEZKIEL 11:18

Paat ra ilo muli', musiti' ilo mamatir ra ngaangai' sinungkalalaing ondo' malaat am makauyuyu' no.

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

YEHEZKIEL 6:4

Altar puuton, am intok panalaban ra kaminyan popolon. Ngaangai' ulun ra giu' no potoyon ra saang ru sinungkalalaing nilo.

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

MIKA 5:11

Pusoon Ku jimat mino am inggion Ku ngaangai' ulun mapandai mangilong min.

JAKARIA 13:2

Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.

ROMA 11:27

Gitio noyo bantu' Kuno risilo paat ra Aku mangampun ra tula nilai.”

1 KORINTUS 11:32

Kaa' amon ru akimin takau pana ri Aki Kapuuno', ginio rondo' pangilaan no ayuk ritakau, maa' raginio kalo boo ukumin takau mabaya' ra ulun ru tana' ti.

SAGULION 12:3

Puuto' altar nilo am popolo' lugu'-lugu' batu karamat. Solobo' tatandu' ru Dewi Asyira am popolo' sinungkalalaing nilo, maa' raginio ngaangai' no kalo boo sambaan giu' ra intok raginio.

IBRANI 12:6

Sabap ra moonong ulun tagamin Nano loposon am ilaan No poyo, am mampakaruol Io niayuk ra moonong ulun ondo' sabiton No ra anak Nano.”