JISAYA 27:7 - Tanou Moonsoi Timugon

⁷ Israil kalo poyo igondo' inukum ru Tuhan koson ra kinaagat mangukum ra pantula' nilono. Kalo potoyon No ulun Nano koson ra Io mamatoi ra pantula' Nano.

JISAYA 27:7 ပူးပေါင်းရင်းမြစ်များ

JISAYA 10:12

Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JISAYA 10:17

I Aki Kapuuno' sinda ru Israil, masauk ra apui. I Aki Kapuuno' ru Israil, i Aki Kapuuno' ondo' matulai, masauk ra simbula' ru apui, ondo' songorou no makaumpo ra ngaangai' no, mulu' piboo ru kusingan am alab.

JISAYA 17:14

Bulintok mamai' lumaat ilo, kaa' suabon no lumiot ilo. Ginio noyo pangaruan ra moonong ulun ondo' mampagaau ra pagun takano.

JISAYA 17:3

Israil matatakan ra panindungan, am Damsyik matatakan ra pampalabusan. Ulun ru Siria ondo' soroi maayag ilo ralalom pagasaban koson ra ulun ru Israil. Aku, Tuhan Ondo' Maayo' Kaga' Kuasa' minindagu noyo.”

JISAYA 30:31

Ulun ru Asyur malaa' bulintok mokorongog ra bolos ru Tuhan, am malimanan ukuman Nano ra maagat.

JISAYA 31:8

Asyur pusoon ra pangayawan, kaa' sala' ka ralalom ikang ru ulun. Ulun ru Asyur magiru' mangiruan ra pangayawan, am nasuangan tuu' bagu nilono saukon ra ulipon.

JISAYA 31:9

Raja' nilono magiru' ra malaa', am nasuangan tingganai ru saujor nilono malaa' kaga' saboi bandira' ru pangayawan tinatang nilo.” Tuhan minindagu – Tuhan ondo' sambaan am urumaton am monolob ra taak simbalui giu' ra Jirusalim.

JIRIMIA 50:40

Koson ra Aku namuso ra Sodom am Gomora nababaya' ra pekan-pekan giu' ra liliut no, koson raginio niayuk Aku mamuso ra Babil. Kolondo' sangulun pana mayan ra giu' no. Aku, Tuhan, nakaindagu noyo.

JIRIMIA 51:24

Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

NAGUM 1:14

Gitio noyo ondo' inaru' ru Tuhan intor ra Asyur, “Kolondo' ilo ra papag koson mamparayus ra bansa' nilo. Tutukon Ku sinungkalalaing ondo' giu' ralalom ru kuil-kuil ru dewa nilo. Tatanga' Ku baalon kalalair lobong ra tayar ru ulun ru Asyur, kalo maaya' ilo maayag!”

NAGUM 3:19

Pilat muno kalo mababas am ruruko-ruruko muno kalo mapali'. Ngaangai' ulun ondo' nokorongog ra tanou katutukan muno magitapap ra longon sabap ra maansukan. Kolondo' sangulun pana makapamayag ra inan intor ra kalaatan muno ondo' kalo lumonggo'-longgo'.