JISAYA 27:6 - Tanou Moonsoi Timugon

⁶ Orou ra tauli no, ulun ru Israil ioginio papag ri Jakub manambakat koson ra sampuun tataun, am manalantar ilo am niayuk mambusak. Tana' ti mapapak ra kawa'-kawa' nilono.

JISAYA 27:6 ပူးပေါင်းရင်းမြစ်များ

JISAYA 37:31

Namagun ru Jiuda ondo' nabayag lumangkaya' koson ra tatanom ondo' nanangasi am mangkawa'.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

JISAYA 60:22

Io pana pongkotob mino ra kalo masuang am asasabin masauk ra bansa' maikang. Bulintok raginio ra tauli no, Aku, Tuhan, mambaal raginio ra mataki'.”

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

GALATIA 3:29

Kaa' amon ru longgom kau noyo ri Kristus, papag kau ri Abragam, am niayuk makaapu kau ra atan ondo' binantu' ri Aki Kapuuno'.

JIRIMIA 30:19

Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

AYUP 37:12

Gaun minsir-insir ra titikop ru tana' ti, am mambaal ra ngaangai' susuban ri Aki Kapuuno'.

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 35:1

Tana' kaagisan no maansukan, am busak no mungkalar giu' ra tana' kataunan.

JISAYA 35:2

Tana' kaagisan no marimbai am magitapap makaansuk, am masauk koson ra kaantakan ru kagunungan Libanon am niayuk koson ra kinalabung ru umo giu' ra Karmil am Saron. Moonong ulun makakito ra katulayan ru Tuhan, magilong ra katulayan am kuasa' Nano.

YEHEZKIEL 36:8

Kaa' puun-puun tataun giu' ra kagunungan ru Israil makaraun am makakawa' saguli' ra tayar min, Israil kau, ulun Kuno. Kalo boo mabuoi makauli' kau.

YEHEZKIEL 36:10

Ruangin Ku suang min. Mayan kau giu' ra bandar-bandar am manambaloi saguli' ra ngaangai' ondo' nalunsai.