JISAYA 27:4 - Tanou Moonsoi Timugon

⁴ Kalo boo sumangit Aku ra umo no. Amon ru makasulinit am makasakot, koyoon Ku surui' saboi mapuso.

JISAYA 27:4 ပူးပေါင်းရင်းမြစ်များ

2 SAMUIL 23:6

Kaa' ulun ondo' kalo gumagaya' ri Aki Kapuuno' koson ra ruui ondo' pinapatir. Kalindu' ru ulun kalo makaguut raginio;

2 SAMUIL 23:7

kolondo' sangulun pana masaga' mangambong raginio ra kalo mamakai ra basi' kapoam tutura'. Ulun koson raginio solobon koyoo'.

MAZMUR 103:9

Kalo masalok Io sumangit, am kalo masalok Io mansuli'.

MAZMUR 85:3

Inampun Mu tula ru ulun Muno; am ngaangai' sala nilono inampun Mu.

JISAYA 10:17

I Aki Kapuuno' sinda ru Israil, masauk ra apui. I Aki Kapuuno' ru Israil, i Aki Kapuuno' ondo' matulai, masauk ra simbula' ru apui, ondo' songorou no makaumpo ra ngaangai' no, mulu' piboo ru kusingan am alab.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 33:12

Masauk kau koson ra batu karang bulintok solobon masauk ra kapur, am koson ra bulungkut ru sulinit masauk ra kaau bulintok suruin.

JISAYA 9:18

Sabap ra Tuhan Ondo' Maayo Kaga' Kuasa' siminangit toojo, ukuman Nano koson ra apui ondo' nonolob ra titikop ru pagun no am niayuk namagun nano. Moonong ulun mangkara' ayuk ra kaatangan ru inan nano galama'.

JIRIMIA 29:11

Aku galama' nakapandai ra inatangan Kutu koson ramuyun. Inatangan no sala' ka koson mantilubat ramuyun, kaa' koson ra kaansayan min am koson manaak ra orou tauli ondo' lalansanin min.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

MALIAKI 4:3

Paat orou raginio mimbuor Aku, am kalaan min ulun malaat. Masauk ilo koson ra kaau ondo' kinjangin min.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

IBRANI 6:8

Kaa' amon ru sakot am kusingan boo patuwon no, tana' no kolondo' onong am ibatin lair ri Aki Kapuuno' koson ra pusoon solobo'.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;