JISAYA 27:3 - Tanou Moonsoi Timugon

³ “Magalung Aku ra umo no am masalok Ku uasin. Orou rondom Aku mantamung maa' raginio kolondo' sangulun pana mampalipok.

JISAYA 27:3 ပူးပေါင်းရင်းမြစ်များ

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.

YEHEZKIEL 34:11

Indagu Tuhan Raja', “Aku galama' maguyum ra ulun ru Israil, domba-domba Kuno, am magalung risilo,

YEHEZKIEL 37:14

Pasampuyon Ku painawo Kuno ra ralalom nilo koson mamayag risilo saguli'. Aku pana mangiou risilo mayan poyo giu' ra pagun nilo galama'. Makapandai ilo boo ra Aku noyo Tuhan. Binantu' Ku mambaal raginio am maaru' baalon Ku. Aku, Tuhan minindagu noyo.”

YEHEZKIEL 34:24

Aku, Tuhan masauk ri Aki Kapuuno' nilo; am sangulun raja' koson ri Daut, ulipon Kuno masauk ra ulun manguasa' risilo. Aku, Tuhan nakaindagu noyo.

JISAYA 60:16

Bansa'-bansa' am raja'-raja' magalung rirun, koson ra sangulun ina' magalung ra anak nano. Makapandai kou ra Aku, Tuhan, Mamamayag rirun, am ra i Aki Kapuuno' ru Israil, i Aki Kapuuno' Ondo' Maayo Kaga' Kuasa', Mamumuli' rirun.

JISAYA 46:9

Karaa' noyo kasaukan-kasaukan ra galing i; Iowo' noyo ra Aku i Aki Kapuuno', am kolondo' bokon, Aku i Aki Kapuuno' am kolondo' mokogondo' Raki'.

JISAYA 46:4

Aku magulayun i Aki Kapuuno' min saboi akau matutuo; am magulayun magalung ramuyun saboi akau makauan. Aku napasauk ramuyun am magulayun magalung ramuyun, indanganon am bayagon Takamin.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:5

Mokoondo' santaun sungoi ondo' mapabansuk ra bandar ri Aki Kapuuno', intokon ri Aki Kapuuno' Ondo' Masawat Kaga'.

KASAUKAN 6:17

Mopongo raginio porotongon Ku rosob koson mapaluus ra ngaangai' ondo' maayag ra tana' ti,

YEHEZKIEL 37:28

Paat ra paayanon Ku Baloi Kuno giu' ra tatanga' nilo ra sabubuoi no, makapandai ilo boo ra Aku, Tuhan nampili' ra Israil koson ra ulun Kuno galama'.”

KASAUKAN 9:9

“Raino mambaal Aku ra nabantuan ramuyun am papag mino,

JISAYA 31:5

Ati kulaan ra sanginan susuit mansiab ra libung ru bunsut nano koson mangampin ra anak-anak nano, ginio niayuk Raki', Tuhan Ondo' Maayo Kaga' Kuasa', mangampin, manungka', am mamamayag ra Jirusalim.”

JISAYA 42:6

“Aku, Tuhan nampiau rirun am manaak rirun ra kandoi koson mapaugar ra katimpakan ra tana'. Pinabala' galing Rirun ra Aku mambaal ra nabantuan ra ngaangai' ulun; pinabala' galing rirun ra Aku mampasinda ra bansa'-bansa'.

JISAYA 49:8

Tuhan mindagu ra ulun Nano, “Bulintok ra Aku mangiou, tumaam Aku; orou ra Aku mamayag, indanganon Takamin. Sindungin am alungin Takamin, am saukon Ku nabantuan ra bansa'-bansa'. Tapulion Ku pagun ra masiluk masauk ra tana' tungkuson ondo' ayanin.

1 RAJA'-RAJA' 8:59

Gama' ru Tuhan, i Aki Kapuuno' takau, magail makakara' ra pakiasian am kitaakon ondo' posoboyon ku Riso ti. Gama' ru magail Io makaasi' ra ulun Nano Israil am raja' nilo, ra mangani' risilo ra atan ayuk ondo' makapakuan ra moonong orou.

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.