JISAYA 27:12 - Tanou Moonsoi Timugon

¹² Bulintok raginio, intor ra Sungoi Iprat saboi ra balitan ru pagun ru Misir, mampalulur Tuhan ra ulun Nano, koson ra ulun mapasuai ra gandum am apol.

JISAYA 27:12 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

1 RAJA'-RAJA' 8:65

Giu' ra Baloi ru Tuhan no niayuk, Raja' Salomo am ngaangai' ru ulun ru Israil mangiantak ra Mangkalukub ra Raun buoi tulu' ngoorou. Masuang kaga' ulun matong mangiantak ra pangiantakan no. Intor ilo ra libung ra kinagalur ru Ginting Gamat giu' ra ralayo am balitan ru pagun ru Misir giu' ra rabugus.

NIGIMIA 1:9

Kaa' amon sumaguli' kau Raki' am mambaal ra susuban Kuno, ibiton Takamin saguli' ra intok ondo' pinili' Ku noyo koson ra intok Aku sambaan, kabalu' pana nakapantutuliar kano ra titikop ru tana' ti.’

MAZMUR 68:22

Ulu ru pantula' no popolon ri Aki Kapuuno', ilo ondo' marayus maayag ralalom ru tula.

MAZMUR 72:8

Karajaan nano liminangka' intor ra raat mongoi ra raat, intor ra sungoi Iprat saboi ra pompor ru tana'.

JISAYA 17:6

Kalo kukula' ulun ondo' mabayag. Bulintok raginio Israil masauk koson ra puun ru jaitun ondo' kawa' nano nakai' kaupu', am soroi kukula' ngaunor ayuk tampilon ra untu kapoam raan ra magana'. Aku, Tuhan, i Aki Kapuuno' ru Israil, minindagu noyo.”

JISAYA 49:5

Ra kalo poyo naanak, piniau aku noyo ru Tuhan masauk ra ulipon Nano, koson mapalulur ra ulun ru Israil, maa' raginio sumaguli' ilo Riso. Tuhan napasauk raki' urumaton toojo. I Aki Kapuuno' noyo kaikangan kuno.

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 44:28

Kaa' santayaran boborok ramuyun ondo' minayan giu' ra Misir maayag am muli' ra Jiuda. Bagu no makapandai ilo ra ragu ri osoi ondo' masauk, ragu Kuno kapoam ragu nilo.

YEHEZKIEL 20:41

Mopongo Takamin ibiton mingkual intor ra pagun-pagun intok nampatuliaran ramuyun, timungon Takamin am mangapu ra taak simbalui ondo' solobon min. Makito boo ru ngaangai' bansa' ra Aku ti matulai.

YEHEZKIEL 39:25

Indagu Tuhan Raja', “Kaa' raino makaasi' Aku ra papag ri Jakub, ulun ru Israil, am pasaukon ilo ra langkaya' saguli'. Alungin Ku inggalan Kuno ondo' matulai.

YEHEZKIEL 47:19

Balitan rabugus mongoi ra tampilon kalasaan rabugus, intor ra Tamar mongoi ra Taur ru Timug Kadis-Miriba, am mongoi ra kalasaan ralayo ra galur ru balitan ra pagun ru Misir, saboi ra Raat Tanga'.

AMOS 9:9

Manusub Aku, am atapin Ku ulun ru Israil koson ra ulun mangatap ra gandum ra atapan. Atapin Ku ilo ra gino ngai' ru bansa' koson mamatir ra ngaangai' ondo' kolondo' onong.

JAKARIA 8:7

Mamayag Aku ra ulun Kuno intor ra pagun-pagun intok ilo pinatiran,

LUKAS 15:4

“Amon ru sangulun intor ramuyun mokoondo' maatus ngainan domba am tumanggau sanginan i, atan baalon ru ulun no? Iruanin no siam ngoopor am siam ngainan no giu' ra pampakatapan, am mongoi paguyum ra sanginan i saboi matuum.

JUANIS 10:16

Mokoondo' Aku poyo ra domba-domba ra bokon ondo' kalo nakaaya' ra tayar ragitio. Ilo pana musiti' Ku ibiton, am mokorongog ilo boo ra bolos Kuno. Ilo ti simpungon Ku am rondo' ayuk magagalung risilo.

JUANIS 6:37

Moonong ulun ondo' taakin ri Ama' Raki', makaratong Raki'. Kalo inggalarin Ku osoi ayuk pana ondo' matong Raki'.

JOSUA 15:4

Intor ra giu' balitan raginio saboi ra Ajmon, am mansusug ra sungoi boborok giu' ra balitan ru Misir saboi ra Raat Tanga'. Ginio noyo balitan tayar rabugus ru pagun Jiuda.