JISAYA 26:7 - Tanou Moonsoi Timugon

⁷ Ralan ondo' binayaan ru ulun moonsoi no mabanis, sabap ra Okou, Tuhan, kinabanis Mu ginio risilo.

JISAYA 26:7 ပူးပေါင်းရင်းမြစ်များ

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

AYUP 31:6

Polosoon noyo i Aki Kapuuno' manimbang raki' ra timbangan motopot, am makapandai Io ra kolondo' sala kuno.

MAZMUR 1:6

Ulun ondo' gumagaya' ilaan am ampinin ru Tuhan kaa' ulun ondo' malaat makarapog kapaganan maaja'.

MAZMUR 11:4

Tuhan siminoroi ra baloi Nano ondo' matulai; mokoondo' turungan Nano ra suruga'. Urioon No ngaangai' ulun am mapandayan No atan ayuk pana binaal nilono.

MAZMUR 11:7

Tuhan noyo matimpok am monogom ra ulun ondo' moonsoi binaal; ulun moonsoi guang makakito am makaulig Riso.

MAZMUR 25:4

Ilaa' aku no ra atan kasagaan Muno, iou Tuhan, pabalaa' noyo atan kia sotopot no baalon kuno.

MAZMUR 25:5

Ilaa' aku maa' raginio maayag aku sumugut ra kasagaan Muno, sabap ra Okou mamamayag raki'. Masalok aku lumansan Rirun.

MAZMUR 27:11

Ilaa' aku ra kasagaan Muno, iou Tuhan, am kitango' aku no ra ralan matanda', sabap ra pantula' kuno masuang kaga'.

MAZMUR 5:9

Iou Tuhan, masuang kaga' pantula' kuno; ilaa' aku mambaal ra kasagaan Muno, am tului' aku ra ralan ondo' musiti' no mauma' kuno.

AMSAL 11:5

Ralan kaayagan ru ulun moonsoi guang tandaan ru kabanisan ru guang, kaa' ulun malaat mangkinibit ra inan magagai.

AMSAL 20:7

Pakaansuk noyo anak-anak ondo' mokoondo' ra ama' ondo' mabanis guang am matimpok.

AMSAL 21:8

Ulun ondo' makasala makaaya' ra ralan pagigisuk; ulun ra moonsoi maya' ra ralan mabanis.

AMSAL 3:6

Karaa' noyo Tuhan ralalom nansalinut baalon muno, am manulu' Io rirun ra ralan ru kaayagan moonsoi.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 52:12

Kalo maajag-ajag kau mugar, am sala' ka koson ra ulun ondo' tumangkus ayuk pagiru'. Sabap ra Tuhan no mangitang ramuyun; i Aki Kapuuno' ru Israil manindung ramuyun intor ra nansalinut pisuk.

JISAYA 57:2

Makaalap ilo ra kaansayan am tumangus ra ralalom ru lobong.

JIRIMIA 10:23

Iou Tuhan, makapandai aku ra kolondo' sangulun pana makakuasa' ra kaayagan nano; kolondo' sangulun pana mangaru' ra kiralan ru kaayagan nano.

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

JIPANYA 3:5

Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 JUANIS 3:7

Pabukat kau ngaangai', pai' min polosoo' osoi ayuk pana mamparuung ramuyun. Ulun ondo' mambaal ra kasagaan ri Aki Kapuuno', io ti ulun motopot koson ri Jisus Kristus niayuk motopot.