JISAYA 26:6 - Tanou Moonsoi Timugon

⁶ Ulun musikin am naimbolo' mamanjak-manjak riso.

JISAYA 26:6 ပူးပေါင်းရင်းမြစ်များ

2 RAJA'-RAJA' 9:33

Raja' Jigu pana mindagu risilo, “Papatiro' ruandu' no ra ragana'!” Ilo pana nampapatir ra ruandu' no ra ragana' saboi raraa' nano nakatakis ra timbok am ra kukula' ngainan kuda ra giu' no. Jinanjang ru Raja' Jigu no baangkai ri Ijibil ra kuda am kurita' kuda nano,

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

JISAYA 28:3

Pangurumatan ra tingganai-tingganai ondo' nagauk no kikinjangin.

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JISAYA 3:14

Akimin ru Tuhan tingganai-tingganai ru ulun Nano. Gitio noyo nanguwan Nano risilo, “Ginaau min ampos ru umo ru anggur am baloi mino nososok ra kuliamos ondo' ginaau min intor ra ulun musikin.

JISAYA 3:15

Kolondo' kuasa' min mangimbolo' ra ulun Kuno am niayuk mamparuung ra ulun musikin. Aku, Tuhan Raja' Ondo' Maayo Kaga' Kuasa' minindagu noyo.”

JISAYA 37:25

Ragu muno masawat, nangkali kou kunu' ra tulubong am manginum ra timug giu' ra pagun-pagun suai, am saujor muno namamanjak kunu' ra sungoi Nil saboi napua'.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JIRIMIA 50:45

Ginio ra rongogo' inatangan Kuno koson manggal ra bandar Babil, am atan ondo' masaga' Kuno baalon ra mamagun nano. Anak-anak nilo pana ralaaton ra mugar, am ngaangai' ulun mangalaa'.

DANIL 7:27

Kuasa' am kinaayo ru ngaangai' pamarintaan ra tana' ti pataakin ra ulun ri Aki Kapuuno' Ondo' Masawat Kaga'. Kuasa' nilo koson mamarinta kolondo' pupus, am ngaangai' panguasa' ra tana' ti mangandoi ayuk risilo am niayuk gumagaya' risilo.”

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

MALIAKI 4:3

Paat orou raginio mimbuor Aku, am kalaan min ulun malaat. Masauk ilo koson ra kaau ondo' kinjangin min.

LUKAS 10:19

Rongogo' min! Inanian takamin ra kuasa' manginjang ra kukuo makabisa' am lingait am niayuk kuasa' makaanggal ra ikang ru pantula' mino. Kolondo' mampakaruol ramuyun.

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

1 KORINTUS 1:26

Pabukat kau ngaangai', karaa' min ati kulaan baal min paat ra akau piniau ri Aki Kapuuno'. Maya' ra pagilangan ru ulun, kalo masuang intor ramuyun mapintar, makakuasa' kapoam makapangkat.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

JOSUA 10:24

am pinauma' ri Josua. I Josua pana nampiau ra ngaangai' ulun ru Israil timinimung, am nanusub ra panglima ondo' nangayou nabaya' riso, maa' raginio mapabanta' ra kalayam nilo ra liog ru raja'-raja' no. Ilo pana nambaal koson raginio.

PINAINTALANG 2:26

“Osoi ayuk mangala ra kuasa' ru kalaatan am kalo lumonggo' mambaal ra kasagaan Kuno saboi ra pupus no, aniin Ku ilo ra kuasa' mogondo' ra tinaakan Raki' ru Ama' Kuno. Aniin Ku ilo ra kuasa' mamarinta ra ulun ru tana' ti ra kalo makaasi', am mampalunsai ilo risilo koson ra pagangan tana' pipilangon.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.