JISAYA 26:3 - Tanou Moonsoi Timugon

³ Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JISAYA 26:3 ပူးပေါင်းရင်းမြစ်များ

1 TUNUNG RU BANSA' ISRAIL 5:20

Saujor-saujor no mangintopot ri Aki Kapuuno' am nakiindangan Riso, i Aki Kapuuno' pana nangiou ra kinitaak nilo. Nangani' Io ra kamanangan ra bansa' ru Gagri am paguum nilo ra saujor-saujor no.

2 TUNUNG RU BANSA' ISRAIL 13:18

Koon raginio noyo ulun ru Jiuda nangala ra ulun ru Israil, sabap ra ulun ru Jiuda liminansan ra Tuhan, i Aki Kapuuno' ru kinamatuaan nilo.

2 TUNUNG RU BANSA' ISRAIL 16:8

Sala' ka kia saujor ru Itiopia am Libia ondo' masuang kaga'? Mokoondo' ilo ra kurita' kuda am pulalai mangkuda, kaa' sabap ra okou liminansan ra Tuhan, mangani' Io rirun ra kamanangan manggal risilo.

MAZMUR 119:165

Ulun monogom ra ukum Muno makaalap ra kaansayan; kalo malumpa' ilo ru karaat.

MAZMUR 125:1

Rimbai ru ratangan. Ulun ondo' mangintopot ra Tuhan iono koson ra Bulur Sion, ondo' maikang, kalo mauyog ra sabuoi-buoi no.

MAZMUR 9:10

Tuhan noyo sindungan ru ulun ondo' inimbolo', intok sindungan paat ra makakapaganan.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 26:12

Iou Tuhan, pinasauk Mu akai ra langkaya'; ngaangai' naalap maino ampos intor ra nangindanganan Mu ramon.

JISAYA 27:5

Kaa' amon pantula' ru ulun Kuno makiampin Raki', polosoon ilo mobonsoi Raki'. Iou, polosoon ilo mobonsoi Raki'.”

JISAYA 31:1

Aibui boo ra ulun ondo' mongoi ra Misir koson makiindangan! Lumansan ilo ra kaikangan ru pulalai mangayou ru Misir ondo' kumura' ra kuda am kurita' kuda am saujor. Kaa' kalo lumansan ilo ra Tuhan, i Aki Kapuuno' ru Israil, i Aki Kapuuno' ondo' matulai kapoam makiindangan Riso.

JISAYA 32:17

Pagun raginio kalinuos ayuk am kolondo' sasou ra sabuoi-buoi no sabap ra moonong ulun mambaal ra atan ayuk motopot.

JISAYA 32:18

Ulun ri Aki Kapuuno' kalo pana boo maimamang, am baloi nilono kalinuos ayuk am makakaansayan,

JISAYA 42:19

Mokoondo' poyo kia ulun nobolou poyo ra bokon ka ulipon Kuno, kapoam barat poyo ka ulun sinusub Kuno?

JISAYA 42:6

“Aku, Tuhan nampiau rirun am manaak rirun ra kandoi koson mapaugar ra katimpakan ra tana'. Pinabala' galing Rirun ra Aku mambaal ra nabantuan ra ngaangai' ulun; pinabala' galing rirun ra Aku mampasinda ra bansa'-bansa'.

JISAYA 48:2

Kaa' mangiou am maansukan kau ra akau namagun ra bandar ondo' mapasau, am akau sumingkayut ayuk ri Aki Kapuuno' ru Israil, ondo' sabiton ra Tuhan Ondo' Maayo Kaga' Kuasa'.

JISAYA 49:8

Tuhan mindagu ra ulun Nano, “Bulintok ra Aku mangiou, tumaam Aku; orou ra Aku mamayag, indanganon Takamin. Sindungin am alungin Takamin, am saukon Ku nabantuan ra bansa'-bansa'. Tapulion Ku pagun ra masiluk masauk ra tana' tungkuson ondo' ayanin.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 66:12

Mindagu Tuhan, “Aniin Takamin ra kinalangkayaan ra sabuoi-buoi no. Kinalangkayaan ru pagun-pagun ra bokon tumilis ra pagun muno koson ra sungoi ondo' kalo igondo' kapua'. Masauk kau koson ra anak ondo' patition ru ina' nano, ondo' kubibilon am tagamin.

JIRIMIA 39:18

Okou bayagon Ku, am kalo potoyon kou. Maayag kou sabap ra mangintopot kou Raki'. Aku, Tuhan, nakaindagu noyo.”

DANIL 3:17

Amon ru i Aki Kapuuno' ondo' sambaan maino masaga' mamayag ramon intor ra rapuan ondo' bibilak am intor ra kuasa' muno, bayagon No akai.

DANIL 3:28

Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

DANIL 6:23

Nangator i Aki Kapuuno' ra malaikat Nano koson mangimut ra kabang ru singa'-singa' no saboi kalo nampajamar raki'. Binaal No koson raginio sabap ra nakapandai Io kolondo' sala kuno, ra Io kapoam ra okou.”

MIKA 5:5

Mabaya' ra kaikangan ru kinandoi mangayou, kalaan nilo Asyur, tana' ru Nimrod, am mamayag ilo ritakau intor ra pamulunsaran ru ulun ru Asyur paat ilo namulunsar ra wilayah takau.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

PILIPI 4:7

Bagu raginio mokoondo' kau ra kaansayan intor ri Aki Kapuuno', ondo' maalur intor ra atan ondo' karaan ru ulun. Gitio noyo magalung ra guang am pangkaraan min ralalom nasimpungan min ri Jisus Kristus.