JISAYA 26:2 - Tanou Moonsoi Timugon

² Ukabi' noyo kulobon-kulobon garabang ru bandar, Maa' raginio bansa'-bansa' ra gumagaya' sumubol, ondo' ulun nano gumagaya' ra kasagaan ri Aki Kapuuno'.

JISAYA 26:2 ပူးပေါင်းရင်းမြစ်များ

MAZMUR 106:5

Gama' ru makakito aku ra ulun Muno lumangkaya' saguli', am gama' ru maansukan aku mababaya' ra ulun Muno, am niayuk marikamo mababaya' risilo ondo' masauk ra longgom Muno.

MAZMUR 118:19

Ukabi' noyo raki' kulobon garabang Baloi ru Tuhan, maa' raginio sumubol am maringkuanang aku ra Tuhan!

MAZMUR 118:20

Gitio noyo kulobon garabang ru Tuhan; ondo' makasubol no ulun ri Aki Kapuuno' ayuk.

MAZMUR 24:7

Ukabo' noyo kapilaa' kulobon ru garabang lair, Raja' ra matulai no sumubol!

KAINGKUALAN 19:6

Masauk kau ra ulun ondo' patimpokon Raki' galama', am mangandoi kau ayuk Raki' koson ra imam.”

JISAYA 45:25

Kaa' papag ri Jakub bayagon, am mongompor ilo Raki', Tuhan.”

JISAYA 54:14

Pinotolorog kou intor ra katimpakan, pinainggalur intor ra kajamaran am pangimpayan.

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

JISAYA 58:8

Sinda pana sumila' rirun koson ra susuab ti, am pipilat muno mapali' mataki'. Masalok Aku mabaya' ramuyun koson mamayag ramuyun. Ratangan Kuno manindung ramuyun intor ra nansalinut linsuk.

JISAYA 60:11

Orou rondom kulobon-kulobon ru garabang muno maukaban, maa' raginio raja'-raja' ru bansa' suai ondo' rinakop magibit ra okou lumangkaya'.

JISAYA 60:18

Kalaatan kalo boo maining, pagun muno kalo boo makaliman ra kapusaan. Koson ra timbok, manindung Aku am manungka' rirun; omporon mu Aku sabap ra Aku mamamayag rirun.

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JISAYA 62:1

Sabap ra Jirusalim mindagu aku; kalo mongkoror aku saboi ra Jirusalim bayagon, am kamanangan no makatampulau koson ra pilasut bulintok molondom.

JISAYA 62:10

Akau namagun ru Jirusalim, ingkual no intor ra bandar, am pambaal ra ralan ondo' bayaan ru ulun mino ondo' minuli' intor ra pamatiran. Baalo' noyo santaun sangkul; patiri' noyo batu-batu! Pabigoro' noyo bandira' maa' raginio bansa'-bansa' makapandai

JISAYA 62:2

Okou Jirusalim, bansa'-bansa' magilong ra kamanangan muno, raja'-raja' magilong ra kaantakan muno! Sabiton kou ra inggalan bagu, inggalan ondo' tinaakan galama' ru Tuhan.

JAKARIA 8:20

Tuhan Ondo' Maayo Kaga' Kuasa' mindagu, “Paat masaboi ra mamagun intor ra masuang bandar matong ra Jirusalim.

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

2 PITRUS 3:13

Kaa' itakau ti maginaa ra atan ondo' binantu' noyo ri Aki Kapuuno'; ioginio limbowon am tana' bagu, ayanan ru ulun mongotopot.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.

PINAINTALANG 21:24

Bansa'-bansa' ra tana' ti mangkiralan ralalom sinda nano am raja'-raja' ru tana' ti pana ibiton nilo kalangkayaan nilono ra bandar no.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.