JISAYA 26:12 - Tanou Moonsoi Timugon

¹² Iou Tuhan, pinasauk Mu akai ra langkaya'; ngaangai' naalap maino ampos intor ra nangindanganan Mu ramon.

JISAYA 26:12 ပူးပေါင်းရင်းမြစ်များ

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

MAZMUR 57:2

Pakaasi' no raki', iou Aki Kapuuno', pakaasi' no raki', sabap ra maguyum aku ra pamayagan intor Rirun. Nakaalap aku ra sindungan ra saau ru kawo Muno, saboi nakasail noyo bagiu'.

MAZMUR 29:11

Kaikangon ru Tuhan ulun Nano, am barakaton No ilo ra ralalom ru kaansayan.

YEHEZKIEL 20:14

Kaa' kalo nambaal Aku raginio sabap ra baal raginio mangkinibit ra inggalan Kuno asabin ru gino ngai' bansa' ondo' nakakito Raki' naningganai ra ulun ru Israil miningkual intor ra Misir.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

JIRIMIA 33:6

Kaa' tauli no punaan Ku baal ru bandar ti am mamabas ra mamagun nano. Manaak Aku ra malabaan ra kaansayan am kamiaan risilo.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

YEHEZKIEL 20:22

Kaa' kalo binaal Ku ginio, sabap baal raginio mangkinibit ra inggalan Kuno asabin ru gino ngai' bansa' ondo' nakakito Raki' nagibit ra ulun ru Israil miningkual intor ra Misir.

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

JISAYA 57:10

Maagui kau maguyum ra sinungkalalaing ra bokon, kalo masaga' kau tumangus. Indoson min sinungkalalaing mino makapangikang ramuyun saboi akau kalo maagui.

MAZMUR 68:28

Binjamin, bansa' boborok toojo minugar pagulu, am tingganai-tingganai ru Jiuda siminimpung ra pulalai nilono, miniku' noyo tingganai-tingganai ru Jibulon am Naptali.

MAZMUR 90:17

Iou Tuhan, i Aki Kapuuno' mai, barakato' akai no, am anii' akai ra ampos moonsoi ra atan ayuk kondoyon mai.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JISAYA 26:3

Okou, Tuhan, mangani' ra pababansayan am kaansukan ra ulun ondo' maikang guang, sabap ra mangintopot ilo Rirun.

JISAYA 27:5

Kaa' amon pantula' ru ulun Kuno makiampin Raki', polosoon ilo mobonsoi Raki'. Iou, polosoon ilo mobonsoi Raki'.”

JISAYA 29:23

Bulintok ra akau magilong ra anak-anak ondo' pataakon Kuno ramuyun ra maagu no, iowon min ra Aku ti i Aki Kapuuno' ru Israil, i Aki Kapuuno' ondo' matulai. Mangurumat kau Raki' am niayuk malaa' kau Raki'.

JISAYA 32:18

Ulun ri Aki Kapuuno' kalo pana boo maimamang, am baloi nilono kalinuos ayuk am makakaansayan,

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

UNTABAN 6:26

Gama' ru maansayan Tuhan ramuyun am manaak ramuyun ra kaansayan.

MAZMUR 57:3

Ri Aki Kapuuno' Ondo' Masawat Kaga' piawon ku, Io noyo i Aki Kapuuno' ondo' nakapandai ra kasagaan kuno.