JISAYA 26:11 - Tanou Moonsoi Timugon

¹¹ Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 26:11 ပူးပေါင်းရင်းမြစ်များ

AYUP 34:27

sabap ra kalo boo maya' ilo Riso; am kalo linio nilo ngaangai' susuban Nano.

MAZMUR 10:12

Iou Tuhan, ukumi' noyo ulun mangalaat! Pai' liliani' ulun ra naimbolo'!

MAZMUR 21:8

Malansan raja' no ra Tuhan Ondo' Matulai Kaga'; raja' no masalok maayag sabap ra Tuhan magail motogom riso.

MAZMUR 28:5

Kalo lioon nilo binaal ru Tuhan no, am niayuk ondo' sinauk Nano; ginio ra Tuhan no mangukum risilo am mamuso risilo ra sabuoi-buoi no.

MAZMUR 78:63

Buayoi minatoi bulintok ra mangayou, ralaa kolondo' boo maguot.

MAZMUR 86:17

Iou Tuhan, paintalango' kinoonsoi Muno raki', am ulun ondo' masisang raki' maringkauyu', magilong bulintok ra Okou mapabansuk am mangindangan raki'.

KAINGKUALAN 9:14

Raino ti mangukum Aku sala' ka ayuk ra pagawai muno am mamagun muno, kaa' okou niayuk, maa' raginio makapandai kou ra kolondo' osoi pana ondo' koson Raki' ra titikop ru tana' ti.

JISAYA 1:31

Koson ra rami nosolob ra baa makaapui, koson raginio niayuk ra ulun-ulun makakuasa' ondo' pusoon ru binaal malaat nilo galama', am kolondo' sangulun pana mopolonggo' ra pamusaan raginio.

JISAYA 10:16

Tuhan Ondo' Maayo' Kaga' Kuasa' mamparatong ra maruol koson mangukum ra panglima-panglima ondo' maikang. Matiu' ilo ra maruol ru salom koson ra apui sumolob ra rumalat-ralat.

JISAYA 10:17

I Aki Kapuuno' sinda ru Israil, masauk ra apui. I Aki Kapuuno' ru Israil, i Aki Kapuuno' ondo' matulai, masauk ra simbula' ru apui, ondo' songorou no makaumpo ra ngaangai' no, mulu' piboo ru kusingan am alab.

JISAYA 11:13

Pamarintaan ru Israil kalo boo sumolon ra Jiuda, am Jiuda pana kalo boo makimantula' ra Israil.

JISAYA 18:3

Rongogo' noyo, alii ra ngaangai' namagun ra tana' ti! Inaani' min noyo bandira' ondo' paundokon giu' ra munung ru gunung-gunung! Inaani' min noyo bujung no samputin!

JISAYA 37:32

Giu' ra Jirusalim kapoam giu' ra Bulur Sion mokoondo' ulun nabayag sabap ra Tuhan Ondo' Maayo Kaga' Kuasa' noyo nangaru' ra baal ragitio masauk.

JISAYA 42:13

Mundus Tuhan mangayou koson sangulun tutumula' ondo' nakatampos toojo mongoi pangayou. Gumolok Io koson tatandu' mangayou; Mapakito Io ra kaikangan Nano ra pantula'.

JISAYA 44:18

Ulun koson raginio sasambungon toojo. Kumorom ilo am siliin nilo guang saboi kolondo' atan-atan pangaratian nilo.

JISAYA 44:9

Ngaangai' ulun ondo' nambaal ra sinungkalalaing no kolondo' onong, am dewa-dewa sinamba nilono pana kolondo' onong. Ilo ondo' sumamba ra dewa-dewa no bolou am kolondo' atan-atan napandayan; ginio ra ilo tinauyu'.

JISAYA 5:24

Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JISAYA 63:15

Iou Tuhan, indukui' akai no intor ra suruga', intok inayanan Muno ondo' mapasau am matulai. Ati boo togom am katulayan Muno? Ati boo togom am kaasian Muli? Pai' oroto' ginio ngaangai' ramon.

JISAYA 66:15

Matong Tuhan mabaya' ra apui. Matong Io sumakoi ra bagiu' koson mangukum ra ulun ondo' sangitin Nano.

JISAYA 66:24

Bulintok ra ilo muli', makito nilo baangkai-baangkai ru ulun ondo' giminuor Raki'. Ulor mangakan ra baangkai nilono kalo matoi, am apui monolob risilo no kalo malasa'. Pagilayan raginio makalalaa' kaga' ra ngaangai' ulun.”

JISAYA 66:5

Rongogo' noyo ragu ru Tuhan, akau ngai' ondo' malaa' am gumagaya' Riso: “Sabap ra akau gumagaya' Raki', santayaran intor ra bansa' mino galama' masisang am mangimpai ramuyun. Magasab ilo ramuyun am mindagu, ‘Polosoon noyo Tuhan mapaintalang ra katulayan Nano am mamayag ramuyun, maa' raginio makakito akai ra akau maansukan.’ Kaa' ilo galama' tauyuon.

JISAYA 9:18

Sabap ra Tuhan Ondo' Maayo Kaga' Kuasa' siminangit toojo, ukuman Nano koson ra apui ondo' nonolob ra titikop ru pagun no am niayuk namagun nano. Moonong ulun mangkara' ayuk ra kaatangan ru inan nano galama'.

JISAYA 9:19

Giu' ra titikop ru pagun ulun mamungkayut am mangakan ra atan ayuk maakan, kaa' kalo maasug ilo. Pabukat galama' pana akanon nilo.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

JIRIMIA 44:28

Kaa' santayaran boborok ramuyun ondo' minayan giu' ra Misir maayag am muli' ra Jiuda. Bagu no makapandai ilo ra ragu ri osoi ondo' masauk, ragu Kuno kapoam ragu nilo.

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

MIKA 5:9

Indagu Tuhan, “Paat raginio mampagaau Aku ra kuda min am pusoon Ku kurita' kuda min.

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

MIKA 7:16

Makakito bansa'-bansa' no ra baal raginio am mauyu' sabap malimanan nilo ra kaikangan nilo kolondo' toojo arati'. Ilo kalo boo makaindagu am kalo mokorongog sabap ra kalo makabaal ra atan ayuk.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

LUKAS 16:23

Liliwa' io imboloon giu' ra naraka, nantingaa' io ra rasawat am nakito no intor ra maalur i Abragam am i Lajarus nagumbir.

RINALATAN 28:27

Mokotog toojo guang ru bansa' ragitio, sinilong nilo talingo nilai, am sinilian nilo mato nilai. Sabap ra amon ru kalo, makito nilo tupo, am morongog nilo niayuk, am guang nilo pana matanda', am sumaguli' ilo boo Raki', am babason Ku ilo, kon ri Aki Kapuuno'.’ ”

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

IBRANI 10:27

Ondo' ayuk inaanin takau ioginio pangakiman ri Aki Kapuuno' am apui ra makalalaa' ondo' mampaluus ra pantula' Nano.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

1 SAMUIL 6:9

Ilain min ati angayan ru sapi' no; amon ru Kaban Nabantuan no ibiton mongoi ra pagun toojo nano, giu' ra bandar Bit-Simis, baal ragitio makaarati' ra i Aki Kapuuno' ru ulun ru Israil naparatong noyo ra karaat makalalaa' kaga' ritakau. Kaa' amon ru padati no kalo mongoi ra giu' no, makapandai takau ra baal makalalaa' raginio sala' ka intor ri Aki Kapuuno' ru Israil, kaa' nakainamot ayuk.”