JISAYA 26:1 - Tanou Moonsoi Timugon

¹ Masuku' bulintok no rimbayon ru ulun rimbai ragitio giu' ra tana' Jiuda: Bandar takau ti maikang! I Aki Kapuuno' mangampin ra timbok Nano!

JISAYA 26:1 ပူးပေါင်းရင်းမြစ်များ

IJRA 3:11

Narimbai ilo ra pangamparan ra Tuhan, am sinaguli' tayar ra rimbai ra pupus toojo, ondo' bolos no koon ragitio: “Tuhan no moonsoi, togom Nano ra Israil mantilayun.” Mamagun maya' magilakup am mongompor ra Tuhan sabap ra batu maatang ru Baloi ru Tuhan pinabanta' noyo.

MAZMUR 31:21

Pinasibuni Mu ilo ra intok ratangan Muno, ondo' kalo majajou ra paguguuman ru ulun; pinasibuni Mu ilo ra intok mapiot ondo' kalo boo maasaban ilo ru pantula' nilono.

MAZMUR 48:12

Polosoon noyo minayan ra Sion am Jiuda maansukan, sabap ra natimpok nangakiman Muno.

MAZMUR 48:4

Ralalom ru bandar Nano ra makakubu makapamayagan, sabap ri Aki Kapuuno' soroi ra giu' no.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 14:31

Pompogolok no am pampiau no makiindangan, alii ra mamagun ru ngaangai' bandar ru Palistin! Musiti' monontol kau ngaangai' malaa', sabap ra kulampun ru kaau makapal masiob ru angin makito ra ralayo, tatandu' ratangan ru sampulalai ondo' maikang kaga'; kolondo' matalou ra sampulalai raginio.

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

JISAYA 31:5

Ati kulaan ra sanginan susuit mansiab ra libung ru bunsut nano koson mangampin ra anak-anak nano, ginio niayuk Raki', Tuhan Ondo' Maayo Kaga' Kuasa', mangampin, manungka', am mamamayag ra Jirusalim.”

JISAYA 31:9

Raja' nilono magiru' ra malaa', am nasuangan tingganai ru saujor nilono malaa' kaga' saboi bandira' ru pangayawan tinatang nilo.” Tuhan minindagu – Tuhan ondo' sambaan am urumaton am monolob ra taak simbalui giu' ra Jirusalim.

JISAYA 33:5

Tuhan matulai kaga'! Ngaangai' no kinuasa' No. Pinaundok No katimpakan am kabanisan ru guang giu' ra Jirusalim,

JISAYA 33:6

am manaak ra kaansayan ra ulun Nano. Magail Io manindung ra ulun Nano, am niayuk manaak risilo ra kapintaran am kapandayan. Rapu' nilo ra mokologo ioginio urumat am malaa' ra Tuhan.

JISAYA 4:2

Bulintok no matong amon Tuhan mampatuu' ra moonong tutuu' am puun ru tataun ra pagun ti ra masawat am moonsoi pagilayan. Ngaangai' ulun ru Israil ondo' naayag maansukan am maringkuanang ra ampos ru tana' ru pagun no.

JISAYA 5:1

Rongogo' noyo rimbai kutu, tunung koson ra rangan kuno am umo ru anggur nano: Rangan kuno mokoondo' sampila' umo ru anggur giu' ra bulur ondo' malabung.

JISAYA 56:5

inggalan muno pana karaan ra ralalom ru Baloi Kuno am ginio ngai' ru bansa' Kuno. Ginio moonsoi poyo ka makaanak ra ungkuyon am ruandu'. Inggalanin Takamin ra mantilayun ondo' kalo lilianin.”

JISAYA 60:18

Kalaatan kalo boo maining, pagun muno kalo boo makaliman ra kapusaan. Koson ra timbok, manindung Aku am manungka' rirun; omporon mu Aku sabap ra Aku mamamayag rirun.

JISAYA 62:10

Akau namagun ru Jirusalim, ingkual no intor ra bandar, am pambaal ra ralan ondo' bayaan ru ulun mino ondo' minuli' intor ra pamatiran. Baalo' noyo santaun sangkul; patiri' noyo batu-batu! Pabigoro' noyo bandira' maa' raginio bansa'-bansa' makapandai

JISAYA 62:11

ra Tuhan mapabala' ra baal raginio ra titikop ru tana' ti, “Balai' noyo namagun ru Jirusalim, Tuhan matong koson mamayag ramuyun. Ulun ondo' binayag Nano inibit No mababaya' Riso.”

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

YEHEZKIEL 40:5

Nakakito aku ra Baloi ru Tuhan ondo' liniputan ru timbok. Tinuku' ru ungkuyon no timbok no ra tataun panuku' ondo' gawar nano 3 ngamito. Sawat nano 3 ngamito, am kapal nano pana 3 ngamito.

JAKARIA 2:5

Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

JAKARIA 2:9

“Tuhan galama' manggal ramuyun. Takawin kau ru ulun ondo' ragili ulipon min galama'.” Paat ra baal raginio masauk, ngaangai' ulun makapandai ra Tuhan Ondo' Maayo' Kaga' Kuasa' nanusub noyo raki'.

UNTABAN 21:17

Paat raginio marimbai ulun ru Israil ra rimbai ragitio: “Akau tulubong, pabuluako' timug mino, mangkaang akai raginio ra rimbai.

MATIUS 16:18

Ginio ra balain Tokou: okou no i Pitrus, koson ra batu maikang, am tampak ru batu ti mampabigor Aku ra pasimpungan Kuno. Kuasa' ru kapatayan pana kalo makagula' raginio.