JISAYA 25:3 - Tanou Moonsoi Timugon

³ Ngaangai' bansa' ra maikang mongompor Rirun, am kalaanin giu' ra bandar ru bansa'-bansa' ondo' mangalaat.

JISAYA 25:3 ပူးပေါင်းရင်းမြစ်များ

JAKARIA 14:16

Kopongo raginio ngaangai' ulun intor ra bansa'-bansa' ondo' lakat poyo naayag, ondo' namulunsar ra Jirusalim, matong ra Jirusalim ra moonong bilor koson sumamba ra Raja', Tuhan Ondo' Maayo Kaga' Kuasa', am koson mangiantak ra Pangiantakan Mangkalukub ra Raun.

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

YEHEZKIEL 38:23

Koson noyo raginio ra Aku mampakito ra kinaayo am kinatulai Kuno ra ngaangai' bansa'. Makapandai ilo boo ra Aku noyo Tuhan.”

JISAYA 13:11

Mindagu Tuhan, “Ukumin Ku tana' ti sabap ra kalaatan nano, am ngaangai' ulun sabap ra tula nilo. Paingganaan Ku moonong ulun malilimbau, am mangukum ra moonong ulun ondo' masawat guang am niayuk malaat kaga'.

MAZMUR 66:3

Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

JISAYA 24:15

am ulun tampilon ra sirangon mongompor Riso. Namagun ra libung ru nagas mongompor ra Tuhan, i Aki Kapuuno' ru Israil.

JISAYA 29:5

Okou Jirusalim, ngaangai' ulun suai ondo' malaat kaga' no mapuso koson ra kaau masiob ru angin. Saujor nilono ondo' mangilalaa' no sasiob-siob koson ra apol. Sangkuliop ayuk am kolondo' nakapampaguang,

MIKA 7:17

Mundus ilo koson ra kukuo ra rasawat ru kaau. Mingkual ilo intor ra kubu nilo am monontol, am mabaya' ra laa' matong ilo Rirun, Tuhan, i Aki Kapuuno' mai.