JISAYA 24:8 - Tanou Moonsoi Timugon

⁸ Bolos ru jitor am rabana kalo boo maining.

JISAYA 24:8 ပူးပေါင်းရင်းမြစ်များ

GOSIA 2:11

Pusoon Ku puun-puun ru anggur am puun-puun ru ara nano ondo' sumugut riso iono gaji' ru binaal nano ra ambai-ambai nano. Kulawon Ku umo ru anggur am umo ru ara nano masauk ra kataunan, am ngaangai' no pusoon ru bibiag masigo.

PINAINTALANG 18:22

Bolos ru jitor, rimbai, tulali am bujung kalo boo rongogon ra intok no. Kolondo' boo sangulun mangandoi ra giu' no am bolos ru batu kinsaran pana kalo boo rongogon.

YEHEZKIEL 26:13

Langgain Ku rimbai muno am miujik jitor muno.

JIRIMIA 7:34

Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

JIRIMIA 25:10

Langgain Ku lakup maansukan am pangiantakan ru paguguatan nilo. Kolondo' ilo ra umau koson ra pilasut, am gandum nilo makai'.

JIRIMIA 16:9

Rongogo' noyo ragu intor Raki', Tuhan Ondo' Maayo Kaga' Kuasa', i Aki Kapuuno' ru Israil. Bolos maansukan am maansayan am niayuk nginonsol ru pangiantakan paguguatan langgain Ku. Baal raginio makito ru ulun ondo' maayag ra bulintok muti.

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

AYUP 30:31

Ragili mangkirongog aku ra miujik ru kaansukan, kaa' raino tangi' ra suloboyon ayuk boo.

MAZMUR 137:2

Ra puun ru gandarusa ra pagun no patairon takau jitor takano.

JISAYA 5:14

Kabang ru intok kapatayan gumaal toojo koson monolon ra ulun paawang giu' ra Jirusalim mababaya' ra nasuangan ulun ondo' mangiantak.

JISAYA 16:10

Ragino kolondo' osoi-osoi pana maansukan ra tana' ondo' malabung no. Kolondo' osoi-osoi pana magitatapap ra longon kapoam marimbai ra umo-umo ru anggur. Kolondo' boo mamaga' ra kawa' ru anggur. Puau ra kaansukan limininos noyo.

SULABOI 5:14

Ulun matutuo kalo boo tumimung giu' ra kulobon garabang ru bandar, kamulakan ungkuyon kalo boo mangkuli ra miujik.

YEHEZKIEL 28:13

Minayan kou giu' ra taman Idin, taman ri Aki Kapuuno'. Bayang muno binungaan ra ngaangai' salinut ru batu mologo: dalima', intan, topaj, biril, sardis, jaspir, nilam, jamrud am garnit. Mokoondo' kou niayuk ra limpor mas ondo' binaal ra tayar muno paat ra okou inangun.

AYUP 3:7

Polosoon rondom raginio matikop ru kalandaman, kolondo' kaansukan, kolondo' bolos magigindii.

AMOS 6:7

Ginio ra akau no kasaa' toojo patirin ra pagun. Bunsag am pagakanan mino pupusin.