JISAYA 24:5 - Tanou Moonsoi Timugon

⁵ Tana' ti majamol sabap ra ulun minanggal ra ukum-ukum ri Aki Kapuuno' am liminungkang ra nabantuan ondo' binaal ri Aki Kapuuno' am ilo ra sabuoi-buoi no.

JISAYA 24:5 ပူးပေါင်းရင်းမြစ်များ

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 9:1

Nabantuan kasaa' i mokoondo' kaulayan sambayang am mokoondo' niayuk ra Kim Sambayangan ondo' binaal ru ulun.

DANIL 7:25

Manggal io ri Aki Kapuuno' Ondo' Masawat Kaga' am mangimbolo' ra ulun ri Aki Kapuuno'. Mangkinam io mangulau ra ukum am pangiantakan ru ugama nilo am ulun ri Aki Kapuuno' kuasaan no buoi talu ngambilor am maintanga'.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

MIKA 2:10

Karat no am ugar no intor ragiti. Kolondo' boo intok ondo' mamimio. Tula min naparatong ra karaat ondo' makalalaa' ra intok ti.

DANIL 9:10

Kalo mangkirongog akai Rirun, iou Tuhan, i Aki Kapuuno' mai, paat ra Okou nanusub ramon maayag sumugut ra ukum ondo' tinaakan Muno ramon ondo' pinabala' galing ra nabi-nabi, ulipon-ulipon Muno.

YEHEZKIEL 20:24

Binaal Ku ginio sabap ra nangimpai ilo ra susuban Kuno, minanggal ra ukum Kuno, nampajamol ra orou Sabat am siminamba ra sinungkalalaing ondo' sambaan ru kinamatuaan nilo.

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

JIRIMIA 50:5

Mangkuot ilo ra ralan mongoi ra Sion, am sumuku' ra giu' no. Mambaal ilo ra rondo' nabantuan mantilayun Raki', am kalo lumungkang raginio saboi ra sabubuoi no.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

MAZMUR 105:10

am pinarayus No ri Jakub, nasauk ra nabantuan mantilayun ra tayar ru ulun ru Israil.

MAZMUR 55:5

Malaa' aku kaga', ruol ru kapatayan malarom.

2 TUNUNG RU BANSA' ISRAIL 33:9

Raja' Manasi nangkinibit ra mamagun ru Jiuda makatula poyo intor ra bansa'-bansa' ondo' pinagiru' ru Tuhan intor ra pagun no paat ra ulun Nano siminubol ra pagun no.

2 SAMUIL 23:5

Koon raginio noyo i Aki Kapuuno' mambarakat ra papag kuno, sabap ra Io nambaal ra nabantuan ondo' mantilayun raki', nabantuan ondo' kalo masulang, bantu' ondo' kalo makulau. Ginio noyo guangon ayuk ru guang kuno; ginio noyo ondo' masauk ra kamanangan kuno, am maaru' i Aki Kapuuno' manugut raginio.

JOSUA 24:25

Paat orou raginio niayuk, nambaal i Josua rondo' nabantuan koson ulun raginio giu' ra Sikgim. Nanaak io risilo ra ukum am aturan ondo' musiti' gagayaan.

SAGULION 32:20

‘Kalo boo masaga' aku mangindangan risilo,’ ragu Nano, ‘Masaga' aku magilong ra atan ondo' masauk risilo, ulun ondo' bambalingatan am kalo gumagaya'.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

IMAMAT 20:22

Indagu Tuhan, “Gagaya' no ra ngaangai' ukum am susuban Kuno, maa' raginio kalo pagiruon kau intor ra pagun ru Kanaan, intok pagibitan Kuno ramuyun ra raino ti.

DANIL 9:5

“Makatula akai noyo. Nambaal akai noyo ra kalaatan. Nambaal akai noyo ra kasalaan. Minanggal akai noyo ra susuban Muno, am siminiang intor ra aturan Muno.

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JISAYA 30:9

Masalok ilo manggal ri Aki Kapuuno', masalok magabau, am marara' manugut ra pangilaan-pangilaan ru Tuhan.

JISAYA 33:8

Ralan-ralan masauk ra makalalaa' saboi kolondo' osoi-osoi pana mugar raginio. Nabantuan kalo sinugut am nangiawan kalo binaya'. Kolondo' boo ulun lioon.

YEHEZKIEL 16:59

Indagu Tuhan Raja', “Kalo namimii' pamakuan Kuno rirun, sabap ra liminungkang kou ra bantu'-bantu' muno am niayuk inanggal mu nabantuan ondo' binaal Kuno rirun.

JOSUA 23:16

Amon ru manggal kau ra nabantuan ondo' nanusuban ru Tuhan i Aki Kapuuno' min koson gagayaan, am amon mangandoi am niayuk sumambayang ra dewa-dewa, sumangit am mangukum Tuhan ramuyun. Sangkinolor ayuk am akau ngai' no maliom intor ra tana' ondo' moonsoi ti, ondo' tinaakan ru Tuhan ramuyun.”

2 RAJA'-RAJA' 21:12

Ginio ra Aku, Tuhan, i Aki Kapuuno' ru Israil, maparatong ra karaat ondo' makalalaa' ra Jirusalim am Jiuda, saboi moonong ulun ondo' mangkirongog no makatigog.

2 RAJA'-RAJA' 21:15

Baalon Ku ginio ra ulun Kuno sabap ra makatula ilo noyo Raki', am napasingkual ra sangit Kuno intor ra kinamatuaan nilo miningkual intor ra Misir saboi raino.”

JIRIMIA 11:10

Nambaal ilo ra tula ondo' binaal ru kinamatuaan nilai ondo' marara' gumagaya' Raki'; sinamba nilo tuhan-tuhan ra bokon. Israil am poyo Jiuda minanggal ra nabantuan ondo' binaal Kuno ra kinamatuaan nilai.

GOSIA 6:7

Kaa' pakaayan kau ayuk ra tana' giu' ra Adam, liminungkang kau ra nabantuan Kuli ramuyun.