JISAYA 24:3 - Tanou Moonsoi Timugon

³ Tana' ti matutuk am mapuso. Tuhan minindagu noyo am baal raginio musiti' masauk.

JISAYA 24:3 ပူးပေါင်းရင်းမြစ်များ

2 TUNUNG RU BANSA' ISRAIL 36:21

Koon raginio noyo nasauk atan ondo' rinagu ru Tuhan ondo' pinabala' galing ra Nabi Jirimia, “Pagun ragitio mokoloso buoi tulu' ngoopor ngambilor koson papaliton ra bilor-bilor Sabat ondo' kalo linio.”

JISAYA 21:17

Ulun-ulun mamanah nilono iono ulun mangaikang kaga' ra ilo ngai' ulun ru Kidar, kaa' kalo kukula' ulun nilono matatang. Aku Tuhan, i Aki Kapuuno' ru Israil minindagu noyo.”

JISAYA 22:25

Paat raginio papasangutan ondo' pinopopok mapiot no maratu'. Ginio noyo boo pupus ru atan-atan pana pinasangut riso.” Tuhan minindagu noyo.

JISAYA 24:1

Tana' ti pusoon ru Tuhan saboi masauk lumata' am masiluk. Lapiaton No ralimbou ru tana' ti am pantutuliaron No namagun no.

JISAYA 24:2

Moonong ulun makatuum ra pupus nano ra mogondo' – imam-imam am mamagun, ulipon am tuan, mambabali am mantatalan, mapaira' ra ruit am magira' ra ruit, langkaya' am musikin.

JISAYA 24:4

Tana' ti mapua' am lumonot; titikop ru tana' ti masauk malawo; limbowon am tana' ti maaru' maimbolo'.

JISAYA 42:22

Kaa' ragino ulun Nano ginaawan, pinasubol ilo ra pangaputan ralalom tana', am inaput ra pangaputan. Tinakawan ilo am ginaawan, kolondo' sangulun pana mangindangan risilo.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JIRIMIA 13:15

Ulun kau ru Israil, Tuhan nakaindagu noyo! Paingganaa' guang muno am rongogo' ragu Nano.

YEHEZKIEL 36:4

Ginio ra alii ramuyun gunung am bulur ru Israil, sungoi boborok am limayak, intok ra nalunsai-lunsai, am bandar ondo' iniruanan ru mamagun nano am niayuk tinakawan am inasaban ru bansa'-bansa' giu' ra libung no, rongogo' atan ondo' paraguon Kuno, Tuhan Raja' ramuyun.

MIKA 2:4

Paat ra rumatong ginio, alapon ru ulun tunung intor ramuyun no koson ra pangiisan. Maririmbai ilo ra rimbai panguliran ragitio: Napuso akai noyo ra nalingon! Tuhan nangalap noyo ra pagun mai am tinaakan no ra ulun ondo' namparakop ramon.”

MIKA 4:4

Ngaangai' ulun maayag ra kaansayan giu' ra umo ru anggur am umo ru ara nilo; kolondo' sangulun pana mampakalalaa' risilo. Ginio noyo baal ondo' binantu' ru Tuhan Ondo' Maayo Kaga' Kuasa'.

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

SAGULION 29:28

Sangit ru Tuhan no moporos kaga' saboi bubulon No ulun ru Israil intor ra pagun nilo, am patirin ilo ra tana' ru bansa' ru bokon saboi ra orou raiti'.’