JISAYA 24:1 - Tanou Moonsoi Timugon

¹ Tana' ti pusoon ru Tuhan saboi masauk lumata' am masiluk. Lapiaton No ralimbou ru tana' ti am pantutuliaron No namagun no.

JISAYA 24:1 ပူးပေါင်းရင်းမြစ်များ

NAGUM 2:10

Napuso noyo Niniwi, nokoloso am masiluk. Sabap ra malaa', nagiru' ambiluo ru ulun; atur monontol, kalo maikang; ngaangai' ulun mabula' bulos.

JISAYA 2:19

Ulun mansibuni ra ralalom ru luang batu giu' ra kabatuan bulur, kapoam mangkali ra luang giu' ra tana' koson tumuliar ra sangit ru Tuhan, am mansibuni intor ra kuasa' am katulayan Nano bulintok ra Io matong manguyog ra tana' ti.

JISAYA 42:15

Gunung am bulur saukon Ku mapua', am mopolonot ra nansalinut tutuu' am sakot. Kulawon Ku sungoi giu' ra limayak masauk ra tana' kaagisan, am mapalasak ra kulam-kulam ru timug.

JISAYA 24:20

Tana' ti makasiling koson ra ulun nagauk, am mauyog koson ra kalukub natiu' ru bagiu'. Tana' ti maluyu' sabap tula nano maagat, am matutuk boo am kalo boo tumirong saguli'.

YEHEZKIEL 35:14

Indagu Tuhan Raja', “Saukon Ku pagun min kolondo' tutuu' am masiluk saboi titikop ru tana' ti maansayan ra akau maratu',

YEHEZKIEL 12:20

Bandar-bandar ondo' raino nososok ra ulun mangapuso, am pagun no masauk ra tana' kaagisan. Paat raginio noyo bagu no makaliman ilo ra Aku noyo Tuhan.”

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

YEHEZKIEL 6:6

Ngaangai' bandar giu' ra Israil pusoon maa' raginio altar am sinungkalalaing nilo mopopol toojo, intok panalaban ra kaminyan nilo matutuk, am ngaangai' ondo' binaal nilo lumiot.

YEHEZKIEL 5:14

Moonong ulun intor ra pagun-pagun ra paginggaar ondo' mansail rirun magasab am minggalur rirun.

YEHEZKIEL 5:2

Solobo' sampitalu ra abuk no giu' ra ralalom ru bandar mopongo' pagawangan maampus. Ondo' sampitalu poyo musiti' totokon mu ra ilang muno liliwa' lumiput ra bandar no. Sampitalu ondo' pupus musiti' pasiabon mu, am ilowon Ku ginio ra ilang Kuno.

JIRIMIA 9:16

Pantutuliaron Ku ilo ra bansa'-bansa' ondo' kalo nauligan nilo kapoam kinamatuaan nilai. Mangator Aku ra saujor koson mamulunsar risilo saboi ra Aku mamuso risilo ra malingon.”

JISAYA 33:9

Pagun nokoloso am masiluk. Kataunan ra Libanon nasauk liminonot; limayak Saron ra malabung nasauk koson ra tana' kaagisan; giu' ra Basan am Gunung Karmil raun-raun nangatutu'.

JISAYA 29:16

Ngaangai' no pansalulangon nilo. Atan kia ondo' maatang toojo? Ulun manukang ra pagangan kia kapoam tana' bandulan? Makaindagu kia kuliamos ra binaal no ra ulun mambabaal no, ‘Sala' kia ka okou nambaal raki'’? Kapoam makaindagu kia kuliamos no riso, ‘Kalo napandayan mu atan binaal muno’?

JISAYA 27:10

Bandar ra makakubu no masiluk boo am tinatang boo saboi kolondo' namagun koson ra tana' kaagisan. Sampanon ru sapi' mongkotop am tumangus ra giu' no liliwa' mangai' ra raun intor ra raan-raan ru puun.

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

MAZMUR 146:9

Sindungin No ulun suai ondo' minayan ra pagun takau; ngaangai' napuor am ilo ondo' nailusan ra matuo no indanganon No, kaa' pusoon No atangon ru ulun malaat.

NIGIMIA 1:8

Iou Tuhan, karaa' noyo ragu Muno ri Musa ragili, ‘Amon ru akau, ulun ru Israil, kalo gumagaya' Raki', pantutuliaron Takamin ra bansa'-bansa' ra bokon.

2 RAJA'-RAJA' 21:13

Mangukum Aku ra Jirusalim koson ra Aku nangukum ra Samaria am Raja' Agab, panguasa' ru Israil, am niayuk papag nano. Pusoon Ku mamagun ru Jirusalim koson ra ulun mampaliung ra pinggan am palapiaton no.

SAGULION 32:26

Aku musiti' no mamuso risilo ngaangai', maa' raginio kolondo' sangulun pana mangkara' risilo.

SAGULION 28:64

Pantutuliaron kau ru Tuhan ra gino ngai' ru bansa'-bansa' ra titikop ru tana' ti. Giu' no mangandoi kau ra tuhan-tuhan ondo' binaal intor ra tataun am batu, tuhan-tuhan ondo' kalo igondo' kau samba kapoam sinamba ru kinamatuaan min.

SAGULION 4:27

Mapatuliar Tuhan ramuyun ra popolos ru bansa'-bansa' ra bokon, am sanganu ayuk ra gino ngai' min maayag.

YEHEZKIEL 24:11

Iruani' boo pagangan gangsa' ondo' kolondo' suang giu' ra rasawat ru apui saboi malia' kaga'. Mopongo togol nano mosolob, pagangan no mapasau saguli' sumugut ra kaulayan ru ugama.

JIRIMIA 40:15

I Joganan pana mindagu boo riso ra sininok, “Iowo' noyo aku mamatoi ri Ismail. Kolondo' osoi pana nakapandai raginio. Kua kia pinoloso io mamatoi rirun? Baal raginio mangkinibit ra ngaangai' ulun ru Jaudi ondo' timinimung nababaya' rirun nakapantuliar saguli', am karaat ra liminumpa' ra ngaangai' ulun ondo' lakat poyo soroi giu' ra Jiuda.”

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

RINALATAN 17:6

Kaa' kalio natuum nilo i Paulus am Silas. Ginio ra ralaato' nilo boo i Jason ti am kukula' poyo ngaulun Kristian koson paumaan ra tingganai ru bandar i. Nompogolok ilo, “Nakimagabu' ngaangai' ulun ti ra ati ayuk angayan nilo! Raino minongoi ilo poyo ra bandar takau ti

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

JISAYA 13:5

Minatong ilo intor ra pagun ra mangaalur, pompor ru tana' ti. Sabap ra sangit Nano, Tuhan matong koson mamuso ra titikop ru tana' ti.

JISAYA 13:13

Limbowon pasaukon Ku monontol, am tana' ti mauyog intor ra intok nano paat ra orou raginio, Bulintok ra Aku, Tuhan Ondo' Maayo Kaga' Kuasa' mapatalang ra sangit Kuno.

JISAYA 24:19

Tana' ti lumata', mapilang am matutuk.

JISAYA 30:32

Tatanga' ra Tuhan ruruli' mapalamba' risilo, ulun Nano lumigo' maya' ra rantak ru tamburing am jitor. I Aki Kapuuno' galama' mangayou manggal ra ulun ru Asyur.

JISAYA 34:2

Tuhan sumangit kaga' ra ngaangai' bansa' am pulalai ru saujor nilono. Mangukum am mamuso Io risilo.

JISAYA 34:10

Orou rondom simbula' ru apui no kalo malasa' am lisun no mambuun ra sabuoi-buoi no. Pagun no pinoloso tinatang ra naliung-liung am mapua' saboi ra papag ka papag, am kolondo' sangulun pana mansail riso.

JIRIMIA 51:34

Raja' ru Babilonia nongolot-ngolot noyo ra Jirusalim am inakan-akan no. Sinaliir no bandar no koson ra ulun nanaliir ra rarapu'. Koson ra tambuakal, tinolon no bandar no. Inalap no atan ayuk kasagaan nano, am ondo' bokon no patirin no.

NAGUM 1:5

Gunung-gunung muyog giu' ra saang ru Tuhan; bulur-bulur lumuu' ra saang Nano. Tana' ti mogonggon paat ra Tuhan matong; tana' ti am ngaangai' ru mamagun nano monontol.

JISAYA 29:2

am porotongon ri Aki Kapuuno' karaat ra bandar ondo' sabiton ra Altar ri Aki Kapuuno'. Bolos pantangian am manulaboi maining, am titikop ru bandar no masauk koson ra altar ondo' natuba' ru raraa'.

JISAYA 32:12

Tangii' noyo umo-umo mino ra malabung am umo ru anggur mino ra napuso noyo.

YEHEZKIEL 6:14

Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

YEHEZKIEL 7:12

Paat nano mamaar noyo toojo, orou nano mamaar noyo, paat mambali mantalan kolondo' boo arati', sabap ra ukuman ri Aki Kapuuno' lumumpa' ra moonong ulun.

YEHEZKIEL 7:14

Bujung samputin am ngaangai' ulun nakatampos. Kaa' kolondo' sangulun pana mintor mongoi ra intok pangayawan, sabap ra sangit ri Aki Kapuuno' lumumpa' ra moonong ulun.