JISAYA 22:5 - Tanou Moonsoi Timugon

⁵ Gitio noyo bulintok maajag-ajag, kaalaan, am sasou giu' ra Limayak Pinaintalang. Tuhan Raja' Ondo' Maayo Kaga' Kuasa' naparatong ra karaat raginio. Timbok-timbok ru bandar takano nangaaba', am tangi' ru ulun makiindangan mamintanou giu' ra bulur-bulur.

JISAYA 22:5 ပူးပေါင်းရင်းမြစ်များ

LUKAS 23:30

Paat raginio ulun mindagu ra gunung no, ‘Pumpuni' akai!’ am ra bulur poyo, ‘Bunio' akai!’

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.

SULABOI 1:5

Pantula' nakasugut sabap nakapanguasa' ra Jirusalim; Tuhan nambaal riso naimbolo' sabap ra masuang kaga' tula nano. Mamagun nano rinakop am inibit ru pantula'.

JISAYA 37:3

Nanusub Raja' Gijkia risilo mapasaboi ra tanou ragitio ri Jisaya: “Orou raiti' orou kaimbalaan. Inukum takau am tinauyu'. Itakau koson ra ruandu' ondo' matipaganak kaa' naagui kaga'.

JISAYA 10:6

Atarin Ku i Asyur koson mangayou ra bansa' ondo' namatir ra pangintapatan, am ondo' napasingkual ra sangit Kuno. Susubon Ku Asyur mampagaau, mantakou, am manginginjang ra bansa' raginio koson ra losok ru ralan.”

GOSIA 10:8

Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

JISAYA 22:1

Gitio noyo tanou ru Tuhan intor ra Limayak Pinaintalang. Akau namagun ru Jirusalim, kua tampak kau ra pinuusan koson mambaal ra pangiantakan?

MATIUS 24:16

Osoi ayuk pana soroi ra Judia musiti' magiru' ra kabuluran.

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

JISAYA 5:5

Gitio noyo baalon kuno ra umo ru anggur kuno: bubulon ku insor ra liput nano, am mamalunsai ra timbok nakasindung riso, am mopoloso ra bibiag masigo mongkotop riso am manginginjang riso.

ESTER 3:15

Ulun-ulun sinusub mataki' minintor koson mangator ra surat-surat no ra ngaangai' wilayah. Mabaya' ra susuban ru raja', ragu no pinatanou niayuk giu' ra pusor bandar Susan. Raja' am i Gaman nantuturung liliwa' manginum ra wain, kaa' bandar Susan najajou sabap ra tanou raginio.

2 RAJA'-RAJA' 25:10

Napalunsai saujor-saujor nano ra timbok ru bandar.

2 RAJA'-RAJA' 19:3

Nanusub Raja' Gijkia risilo mampasaboi ra tanou ti ri Jisaya, “Orou raiti' orou kaimbalaan. Itakau inukum am tinauyu'. Itakau koson ra ruandu' ondo' matipaganak kaa' naagui kaga'.

JISAYA 63:3

Taam Tuhan, “Nanginjang Aku ra bansa'-bansa' koson ra Aku nanginjang ra kawa' ru anggur. Kolondo' sangulun pana ra ulun Kuno mangindangan Raki'. Nanginjang Aku ra bansa'-bansa' ralalom ru sangit saboi raraa' nilono nampajamol ra bayang Kuno.

JISAYA 63:6

Ralalom ru sangit kikinjangin Ku ngaangai' bansa' am manutuk risilo. Patulukon Ku raraa' nilono ra tana'.”

YEHEZKIEL 7:7

Akau mamagun ru pagun ti, ngaangai' no pupusin noyo ramuyun. Kalo boo mambaal kau ra pangiantakan giu' ra intok sambaan giu' ra rasawat ru gunung; jajajou no ayuk mailian min.

JIPANYA 1:15

Orou raginio orou sangitan, orou kapaganan am pagalabaan, orou karatuan am kapusaan, orou kalandaman am maitom, orou ondo' majuut am masait.

SULABOI 2:8

Namatas noyo Tuhan koson lunsayon timbok ru Sion; Tukuon No timbok no maa' raginio ngaangai' no umokon No. Manara am timbok raino ti nasauk ra totopot nalunsai.