JISAYA 22:12 - Tanou Moonsoi Timugon

¹² Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JISAYA 22:12 ပူးပေါင်းရင်းမြစ်များ

JOIL 2:17

Imam-imam ondo' mangandoi ayuk ra Tuhan giu' ra lolot ru altar am langgar ra tingganai Baloi ru Tuhan, musiti' mantangi' am makiasi' koson ragitio, “Pakaasi' no ra ulun Muno, iou Tuhan. Pai' polosoo' bansa' ra bokon magasab am mangiis ramon am mindagu, ‘Ati kia i Aki Kapuuno' min?’ ”

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

JAKUBUS 5:1

Am raino, ulun langkaya' kau ngai', rongogo' min gitio! Pantangi' am pangiluk kano sabap ra mokoondo' kapaganan maagat matuum min.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

JUNUS 3:6

Pokorongog raja' Niniwi ra tanou no, tuun io intor ra panturungan nano. Inalus no sukub nano am bayango' no konoon karung, am turung io ra rasawat ru kaau.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

MAMPATANOU 3:11

Io noyo nangaru' ra paat ondo' motopot toojo ra ngaangai' baal. Io niayuk ondo' nangani' ritakau ra kasagaan koson makapandai ra paat orou rumatong, kaa' kalo nangani' Io ra karatian intor ra ngaangai' binaal Nano intor ra talimpuun saboi ra pupus.

MAMPATANOU 3:4

Io nangaru' ra paat koson mantangi' am paat ra makakurit, paat ra mangulir am paat ra lumigo',

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

NIGIMIA 9:9

“Nakakito Kou ra kinamatuaan mai naimbolo' giu' ra Misir; Nokorongog Kou ra piau nilo makiindangan giu' ra Raat Galaga.

IJRA 9:3

Pokorongog aku ra baal raginio, rinilak ku bayang sabap ra mangiluk toojo guang. Kinaur ku abuk am jangut, am panturung ra guang natutuk.

2 TUNUNG RU BANSA' ISRAIL 35:25

Nabi Jirimia nanulis rondo' rimbai sulaboi ra Raja' Josia. Giu' ra Israil saboi raino, rimbai no rinimbai ru ulun-ulun maririmbai, ondo' ungkuyon am poyo ruandu', ralalom pangkaraan ra panguliran ra Raja' Josia. Rimbai no pinasimpung ra ralalom ru pulalai rimbai ru sulaboi.

JISAYA 3:24

Ragino nagumau ilo ra umau maamis owou, kaa' maagu no moonsor. Abot nilo ra malumis aligin ra abot makalas. Ulu nilo ra makaabuk moonsoi masauk mambulut. Bayang nilo ra mongoonsoi aligin ra konoon mangalaat ondo' makauyuyu'!

JISAYA 26:10

Kabalu' pana moonsoi pamakuan ra ulun malaat, kaa' kalo niayuk mambaal ilo ra matimpok. Giu' pana ra pagun ru ulun mabanis guang, lumapau ilo niayuk, am kalo mangiou ra katulayan Muno.

JISAYA 29:1

Aibui boo ra Jirusalim ondo' sabiton ra Altar ri Aki Kapuuno'! Aibui boo ra bandar intok nangkiman ru Raja' Daut! Sambilor ayuk kapoam ruo ngambilor poyo pangiantakan-pangiantakan nano baalon,

JISAYA 32:11

Moonsoi noyo kinaayag-ayag min, nakalabus intor ra pagalabaan, kaa' ragino ponontol noyo ra malaa'! Labas noyo am pansabuk ra konoon karung ra awak mino.

JISAYA 58:3

Mangkuot bansa' raginio, “Atan pakuan mampali amon ru Tuhan kalo magilong? Atan pakuan itakau minggana' guang amon ru Io kalo mampalio?” Mindagu Tuhan, “Sotopot no, liliwa' akau mampali, maguyum kau ra kaatangan galama' am mangimbolo' ra ulun-ulun mangandoi mino.

JIRIMIA 4:8

Ginio ra pantangi' no am panulaboi no, pambayang no ra konoon karung tatandu' ra mangiluk guang, sabap ra sangit ru Tuhan ondo' bibilak ra Jiuda kalo poyo nakalinos.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 16:8

Pai' umpos ra baloi ru ulun ondo' munsag ra maayo. Pai' panturung am mangakan manginum mabaya' risilo.

YEHEZKIEL 27:31

Binulutan nilo abuk sabap ra akau, am nambayang ra konoon karung tatandu' mangiluk guang. Manulaboi ilo ra guang mangiluk.

DANIL 5:1

Paat ra sangarawan, nampiau Raja' Bilsyajar ra saribu ngaulun ulun mangaatang nano mongoi ra bunsag ondo' maayo am nagiginum ilo wain.

GOSIA 9:1

Akau ulun ru Israil, longgo' kano mangiantak ra pangiantakan koson ra bansa'-bansa' ra bokon. Iniruanan min noyo i Aki Kapuuno' min am kalo giminagaya' Riso. Giu' ra moonong intok pangagikan ra gandum, tinalan min inan koson ra ulun mantalan ra inan ra Dewa Baal. Masaga' kau mangapu ra gandum ondo' karaan min koson ra gaji' ru dewa no ramuyun.

JOIL 1:8

Akau ngaangai' ulun, pantangi' kano, koson ra ralaa ondo' nanulaboi ra pinatayan ru tamung nano.

JISAYA 37:1

Paat nokorongog ra nambalaan nilo, rinilak ru Raja' Gijkia bayang nano sabap ra mangiluk guang. Nambayang io ra konoon karung am minongoi ra Baloi ru Tuhan.

JISAYA 37:2

Nanusub io ri Iliakim, tingganai ru pagawai istana, am i Sibna, mamamatik ru istana, am niayuk imam-imam ondo' matutuo koson mongoi uma' ri Nabi Jisaya anak ri Amos. Ilo pana nambayang ra konoon karung.

JOIL 2:12

Indagu Tuhan, “Kaa' raino talikur kano intor ra tula ra totopot am saguli' kano Raki' am mampali, mantangi' am manulaboi.