JISAYA 21:2 - Tanou Moonsoi Timugon

² Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 21:2 ပူးပေါင်းရင်းမြစ်များ

KASAUKAN 10:22

Anak-anak ungkuyon ri Siim iono i Ilam, Asyur, Arpaksad, Lud am i Aram, ilo ti noyo kinamatuaan ru ondo' namakai ra inggalan nilo.

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

MAZMUR 119:158

Masisang aku magilong ra ulun-ulun mangalaat no, sabap ra kalo gumagaya' ilo ra panusuban Muno.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 25:3

Kalaan kalo malimanan ru ulun ondo' mangintopot Rirun, kaa' malimanan ru ulun ondo' mataki' manggal Rirun.

MAZMUR 60:3

Iou Aki Kapuuno', inimpayan Mu akai am kinala Mu akai; siminangit Kou kaga' ramon, kaa' raino saguli' no ramon!

MAZMUR 79:11

Rongogo' noyo pagalabaan ru ulun inaput, am ralalom ru kuasa' Muno ra maayo, palabuso' noyo ulun inukum ra potoyon.

AMSAL 13:15

Ulun mapintar makaalap ra urumat, kaa' ulun ra kalo maintopot tumingkuang ra kapatayan.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 14:4

Bulintok ra Tuhan no mambaal koson raginio, asabin nilo raja' Babilonia koson ragitio, “Raja' ra malaat kaga' naratu' noyo! Kalo boo makapangimbolo' io ra osoi-osoi ayuk pana!

JISAYA 14:7

Pupus nano titikop ru tana' ti makaliman ra kaayagan matanda', am ngaangai' ulun marimbai am makaansuk.

JISAYA 22:6

Ulun ru Siria minatong kiminura' ra kuda am kurita' kuda, ulun ru Ilam nananggal ra panah am tanggayan no, am ulun ru Kir tumampos magibit ra ampin.

JISAYA 24:16

Intor ra pagun-pagun maalur kaga' maining rimbai pangamparan ri Aki Kapuuno' Ondo' Matimpok Kaga'. Kaa' aku galama' kolondo' kalansanan! Maimbolo' aku! Ulun-ulun mangalaat no rayusin nilo lumaat raki'; kalaatan nilono najanjayan kaga'.

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 31:25

Paikangon Ku ilo ondo' maagui, am basugon ilo ondo' malawo sabap ra naitilan.

JIRIMIA 45:3

kamu, ‘Malawo aku. Rinuangan ru Tuhan kangilukan mongoi ra kapaganan kuno. Naagui aku no nampalaa'. Kalo noyo mokororo' aku.’

JIRIMIA 49:34

Kalo nabuoi kalupus Raja' Jidikia nasauk ra raja' ru Jiuda, Tuhan Ondo' Maayo Kaga' Kuasa' minindagu intor ru Ilam raki'.

JIRIMIA 49:35

Indagu Io, “Potoyon Ku ngaangai' ulun ru pulalai mamanah ru Ilam, sabap ra ilo noyo ondo' nampasauk ra Ilam maikang kaga'.

JIRIMIA 50:14

“Pulalai kau ru mamanah, pabaniso' barisan ru saujor am pagawangi' Babil. Patumaa' ngaangai' panah min ra Babil, sabap ra Babil makatula noyo Raki', Tuhan.

JIRIMIA 50:34

Kaa' Io ondo' mamayag risilo no maikang; inggalan Nano iono Tuhan Ondo' Maayo Kaga' Kuasa'. Io galama' mirot toojo mangampin ra baal nilo, am magibit ra kaansayan ra tana' ti, kaa' mamparatong ra kapaganan ra ulun ru Babilonia.”

JIRIMIA 51:11

Namuir Tuhan ra guang ru raja'-raja' Midia sabap ra masaga' Io mamuso ra Babilonia. Koon raginio noyo ralan Nano mansuli' sabap ra Baloi Nano pinuso. Nanusub Tuhan, “Koloromo' noyo panah! Tomposo' noyo perisai!

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

JIRIMIA 51:53

Kabalu' pana Babil nakaaloi ra limbowon am nambaal ra rondo' kubu ondo' maikang ra giu' no, lakat Aku poyo manusub ra ulun mamuso riso. Aku, Tuhan, nakaindagu noyo.”

SULABOI 1:22

“Sonsolo' ilo sabap ra ngaangai' kalaatan nilo. Ukumi' ilo koson ra Okou nangukum raki' sabap ra tula kuno. Mampalaa aku sabap ra mangiluk kaga' guang kuno.”

DANIL 5:28

Tayaron arati' no pamarintaan muno matatayar am pataakin ra ulun ru Midia am Pirsia.”

DANIL 5:9

Sabap ra nalaa', bulos ru Raja' Bilsyajar mabula' poyo, am ulun-ulun mangaatang nano kalo makapandai atan musiti' baalon.

DANIL 8:2

Ralalom ru pinaintalang no, pulali' ku nakaliman ra inan ku giu' ra wilayah Ilam, giu' ra Susan, pusor bandar Pirsia. Minigor aku mamaar ra Sungoi Ulai.

DANIL 8:20

Domba gawayan ondo' mokoondo' ruo sangau, ondo' nakito muno tatandu' ru pamarintaan Midia am Pirsia.

PINAINTALANG 13:10

Osoi ayuk inaru' noyo rokopon, maaru' marakop. Osoi ayuk inaru' potoyon ra ilang, maaru' matoi ra ilang. Ginio sabap ra ulun ri Aki Kapuuno' musiti' tumaan ra kaimbalaan am gumagaya'.”

1 SAMUIL 24:13

Gama' ru mamatas Tuhan no ra osoi ondo' makasala, aku kapoam okou. Amon ru mambalos Tuhan no ra binaal muno raki', kaa' kalo rualin tokou ra sanganu pana.