JISAYA 2:8 - Tanou Moonsoi Timugon

⁸ Pagun nilono nososok ra sinungkalalaing, am sambaan nilo sinungkalalaing ra binaal nilo galama'.

JISAYA 2:8 ပူးပေါင်းရင်းမြစ်များ

1 RAJA'-RAJA' 16:7

Ragu ru Tuhan intor ra Raja' Baisa am sasambaloi nano ondo' pinasaboi ru Nabi Jigu, sabap ra makatula noyo Raja' Baisa ra Tuhan. Napasingkual Raja' Baisa ra sangit ru Tuhan, sala' ka ayuk sabap ra kalaatan ondo' binaal nano koson ra ondo' binaal ru Raja' Jirobiam ragili, kaa' niayuk sabap ra nampatayan ondo' binaal nano ra ngaangai' sasambaloi ru Raja' Jirobiam.

2 RAJA'-RAJA' 17:10

Giu' ra ngaangai' bulur am giu' ra saau ru moonong puun tataun, nambaal ilo ra lugu'-lugu' batu am sinungkalalaing Dewi Asyira.

2 RAJA'-RAJA' 17:16

Inanggal nilo ngaangai' ukum ru Tuhan, i Aki Kapuuno' nilo, am niayuk nambaal ra ruo sinungkalalaing ru sapi' intor ra basi' koson ra sambaan. Nambaal ilo niayuk ra sinungkalalaing Dewi Asyira, sumamba ra butitin-butitin am Baal.

2 TUNUNG RU BANSA' ISRAIL 27:2

Binaal ru Raja' Jotam atan ondo' kasagain ru Tuhan, koson ra Raja' Ujia ama' nali, kaa' io kalo koson ra ama' nali ondo' makatula ra nonolob ra kaminyan giu' ra Baloi ru Tuhan. Kabalu' pana raginio, mamagun nano narayus ayuk makatula.

JISAYA 17:8

Kalo boo lumansan ilo ra altar-altar binaal nilo galama', kapoam lumansan ra kandoi ru kalindu' nilo galama', ioginio sinungkalalaing Dewi Asyira am altar-altar panalaban ra kaminyan.

JISAYA 26:13

Iou Tuhan, i Aki kapuuno' mai, nakaili' akai kinuasa' ru ulun bokon, kaa' Okou ayuk Tuhan mai.

JISAYA 37:19

am niayuk nonolob ra dewa-dewa nilono. Kaa' dewa-dewa no totopot kolondo' boo kuasa' sabap iono sinungkalalaing intor ra tataun am batu ondo' binaal ru ulun.

JISAYA 40:19

Kalo nogondo' Io ra sinungkalalaing ondo' binaal ru kalindu' ru ulun, ondo' inangkupan ra mas ru ulun manukang ra mas, am inapinan ra pirok.

JISAYA 41:29

Ngaangai' dewa no kolondo' onong, kolondo' atan-atan mabaal. Dewa-dewa no sinungkalalaing ayuk, lamuoi am kolondo' lulu'.”

JISAYA 57:5

Sumamba kau ra dewa-dewa kalabungan am mansawa' ra saau ru puun-puun keramat. Pataakon min anak-anak mino koson ra taak simbalui giu' ra lapak ru bulur batu, giu' ra limayak sungoi.

JIRIMIA 1:16

Mangukum Aku ra ulun Kuno sabap ra tula nilo; mangiruan ilo Raki' am mampataak ra taak simbalui ra tuhan-tuhan ra bokon. Nambaal ilo niayuk am siminamba ra sinungkalalaing no.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 2:28

Ati kia sinungkalalaing dewa ondo' binaal min ni? Paat ra akau makakapaganan, pakibayag kau ra dewa-dewa no, amon ru totopot dewa no masaga'! Okou Jiuda, dewa muno masuang koson ra suang ru bandar mino!

GOSIA 12:11

“Minindagu Aku noyo ra nabi-nabi, am niayuk nangani' risilo ra masuang pinaintalang, am pinabala' galing risilo nangani' Aku ra pampakaraan ra ulun Kuno.

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 8:6

Sangulun manukang giu' ra Israil nambaal rondo' sinungkalalaing; sinungkalalaing no sala' ka i Aki Kapuuno'! Sinungkalalaing ru sapi' mas ondo' sambaan giu' ra Samaria no tutukon.

MIKA 5:12

Pusoon Ku sinungkalalaing min am batu pangkaraan ondo' sambaan min. Kalo boo sumamba kau ra kuliamos-kuliamos ondo' binaal min galama'.

RINALATAN 17:16

Liliwa' i Paulus naginaa ri Silas am i Timotius ra Atina, mangiluk toojo guang nali nakakito ra bandar no masuang sinungkalalaing ondo' sambaan.

SAGULION 4:28

Giu' no sumambayang kau ra tuhan-tuhan ondo' binaal ru kalindu' ru ulun, tuhan intor ra tataun am batu, ondo' kalo makakito kapoam mokorongog, mangakan kapoam mangalok.

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.