JISAYA 2:21 - Tanou Moonsoi Timugon

²¹ Bulintok Tuhan matong manguyog ra tana' ti, ulun mansibuni ralalom ru luang batu giu' ra kabatuan bulur koson tumuliar intor ra sangit Nano, am mansibuni intor ra kuasa' am niayuk katulayan Nano.

JISAYA 2:21 ပူးပေါင်းရင်းမြစ်များ

2 SAMUIL 22:46

Nariu' kinabaani nilono; monontol ilo am ingkual intor ra kubu ru pangampinan.

AYUP 30:6

Minayan ilo kalalaat giu' ra ralalom ru luang batu, luang-luang giu' ra tobo ru gunung nasauk ra baloi nilo.

AYUP 9:6

Ginonggon ri Aki Kapuuno' tana' ti am pinuyu' tana'; inuyog No lugu' napatampakan ra tana' ti.

KAINGKUALAN 33:22

Paat ra mansail sinda ru Saang Kuno, pasubolon Tokou ralalom silot ru bulur batu am manili ra pagilangan muno ra kalindu' Kuno saboi ra Aku makasail.

RIMBAI PANGAMPARAN 2:14

Koson kou ra susuit asang ondo' mansibuni ra kabatuan. Polosoo' aku no magilong ra bulos muno ra mantalur, polosoo' aku no mangkirongog ra bolos muno ondo' matangil.

JISAYA 2:10

Mansibuni ilo ra ralalom ru luang batu giu' ra kabatuan bulur, kapoam mangkali ra luang giu' ra tana' koson pansibunian maa' raginio makatuliar ilo ra sangit ru Tuhan, mansibuni intor ra kuasa' am niayuk katulayan Nano!

JISAYA 2:19

Ulun mansibuni ra ralalom ru luang batu giu' ra kabatuan bulur, kapoam mangkali ra luang giu' ra tana' koson tumuliar ra sangit ru Tuhan, am mansibuni intor ra kuasa' am katulayan Nano bulintok ra Io matong manguyog ra tana' ti.

JISAYA 24:18

Osoi-osoi kuminam pagiru' intor ra kalaanan no io maratu' ra luang no, am osoi-osoi makalabus intor ra luang makasulung ra jajaling no. Rasam maawas rumatu' intor ra limbowon am lonor ru tana' ti mogonggon.

JISAYA 33:10

Tuhan mindagu ra bansa'-bansa' no, “Ragino mimbuor Aku. Patalangon Ku kinaayo ru kuasa' Kuno.

JISAYA 7:19

Tumimung ilo ra tobo-tobo ondo' mapasuk, lolot-lolot ru kabatuan bulur, am moonong bulungkut makaruui am niayuk limayak masakot.

JIRIMIA 16:16

Indagu Tuhan, “Piawon Ku masuang ulun mangimpait koson mamparakop ra bansa' ragitio. Piawon Ku boo masuang ulun mampalula' koson mampalula' risilo giu' ra moonong gunung am bulur, am niayuk giu' ra luang-luang batu ru bulur batu.

GOSIA 10:8

Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”