JISAYA 2:11 - Tanou Moonsoi Timugon

¹¹ Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 2:11 ပူးပေါင်းရင်းမြစ်များ

2 SAMUIL 22:28

Mamayag Kou ra ulun ondo' minggana' guang, kaa' mampainggana' Kou ra ulun malilimbau.

MAZMUR 18:27

Pinabala' Mu inan Muno matulai ra ulun ondo' mapasau guang, kaa' makimantula' Kou ra ulun malaat.

MAZMUR 18:28

Mamayag Kou ra ulun ondo' minggana' guang, kaa' paganaan Mu ulun ondo' malilimbau.

MAZMUR 20:8

Mokoondo' niayuk ulun malansan ra kurita' kuda nilono, mokoondo' niayuk bokon lumansan ra kuda nilono, kaa' itakau malansan ra kuasa' ru Tuhan, i Aki Kapuuno' takau.

MAZMUR 46:10

Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 94:2

Okou noyo akim ru ngaangai' ulun; ingkakat no am balasi' noyo ulun malilimbau, gumondo' ra binaal nilo.

AMSAL 16:5

Masisang Tuhan ra ulun malilimbau; kalo polosoon No ilo makalabus intor ra ukuman.

AMSAL 30:13

Mokoondo' ulun mindagu ra ilo no moonsoi kaga' – kalo namimii' bonsoi no!

JISAYA 10:12

Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 12:4

Masuku' niayuk bulintok ra akau marimbai, “Paringkuanang no ra Tuhan, am samba no Riso! Potonowo' noyo binaal Nano ra bansa'-bansa'. Pabalaa' noyo risilo katulayan Nano.

JISAYA 13:11

Mindagu Tuhan, “Ukumin Ku tana' ti sabap ra kalaatan nano, am ngaangai' ulun sabap ra tula nilo. Paingganaan Ku moonong ulun malilimbau, am mangukum ra moonong ulun ondo' masawat guang am niayuk malaat kaga'.

JISAYA 14:15

Kaa' ragino pinatuun kou suku' tayar ondo' ragana' toojo ra tana' ru ulun minatoi.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JISAYA 23:9

Tuhan Ondo' Maayo Kaga' Kuasa' nangatang noyo raginio, maa' raginio malanggaan No limbau nilono ondo' masalok mamanggo ra baalon nilono, am niayuk magasab ra ulun ondo' makainggalan maayo.

JISAYA 24:21

Bulintok nano masuku' paat ra Tuhan mangukum risilo ondo' manguasa' ra limbowon am raja'-raja' ru tana' ti.

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

JISAYA 26:1

Masuku' bulintok no rimbayon ru ulun rimbai ragitio giu' ra tana' Jiuda: Bandar takau ti maikang! I Aki Kapuuno' mangampin ra timbok Nano!

JISAYA 28:5

Masuku' niayuk bulintok paat ra Tuhan Ondo' Maayo Kaga' Kuasa' masauk koson ra sampungu bunga' ondo' maantak ra ilo ondo' naayag.

JISAYA 29:18

Masuku' orou raginio, ulun barat mokorongog ra ulun mambasa' ra kitab, am ulun bolou ondo' naayag ralalom kalandaman, makakito.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

JISAYA 37:23

Osoi kia inulas am inasaban muno? Paliso muno lumimbau Raki', i Aki Kapuuno' ru Israil, i Aki Kapuuno' ondo' matulai.

JISAYA 4:1

Bulintok raginio, tulu' ngaulun ruandu' mampaguut ra sangulun ungkuyon am mindagu, “Akanon am inumon matampilanan mai, kaa' polosoo' akai mindagu ra okou ralaki mai, maa' raginio kalo mauyu' akai ra kalo inuot.”

JISAYA 40:23

Ratuin No pamarinta ra nanguasa', am liomon kuasa' nilo.

JISAYA 52:6

Ginio sabap ra akau mangiou ra Aku i Aki Kapuuno', am bulintok raginio makapandai kau ra Aku noyo minindagu ramuyun.”

JIRIMIA 12:9

Ulun pinili' Kuno koson ra sanginan susuit ondo' sinumbit ru sanginan kanui intor ra ngaangai' intok. Piawo' bibiag masigo koson maya' manaliir risilo.

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

YEHEZKIEL 38:14

Nanusub boo Tuhan Raja' raki' koson mambala' ri Gog intor ra ragu Nano, “Raino, tatanga' ru Israil, ulun Kuno maayag ra kaansayan, mintor kou

YEHEZKIEL 38:19

Ra totopot sumangit mindagu Aku ra orou raginio tana' mogonggon ondo' makalalaa' masauk giu' ra pagun ru Israil.

YEHEZKIEL 39:11

Indagu Tuhan, “Paat ra ngaangai' no masauk ra tauli no, aniin Ku i Gog rondo' intok giu' ra Israil tayar ru pampalabangan riso, iono giu' ra Limayak Sandaupan tampilon ra sirangon ru Raat Matoi. I Gog am ngaangai' saujor nano lobongon ra giu' no, am limayak no sabiton ra ‘Limayak ru Saujor ri Gog’.

YEHEZKIEL 39:22

Intor raginio boo Israil makapandai ra Aku noyo Tuhan, i Aki Kapuuno' nilo.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

GOSIA 2:16

Kalo boo iowon Ku io manabit ra inggalan ru Baal.

GOSIA 2:18

Okou Israil, saukon Tokou ra andu' Kuno; mabanis guang Kuno am gumagaya'; pakitonon Ku togom am makaasi' rirun, am niayuk saukon kou ra longgom Kuno ra sabuoi-buoi no.

JOIL 3:18

Paat raginio gunung libungin ru umo ru anggur; bibiag tinambiag soroi giu' ra moonong bulur; ngaangai' sungoi giu' ra Jiuda totopon ra timug. Rondo' sungoi tumilis intor ra Baloi ru Tuhan; sungoi no manimug ra Limayak Akasia.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

OBAJA 1:8

Paat ra orou Aku mangukum ra Idom, pusoon Ku ulun no ondo' mapintar, am liomon ngaangai' kapintaran nilo.

MIKA 2:3

Ginio ra mindagu Tuhan, “Nangatang aku koson maparatong ra karaat patiwon ramuyun. Kalo makapagiru' kau intor ra karaat no. Malumpa' kau ra kapaganan, am akau pana kalo boo makapaliso ra malilimbau.

MIKA 4:6

Mindagu Tuhan, “Makasuku' paat ra Aku manimung ra ulun ondo' ukumin Kuno, ilo ondo' naimbolo' ralalom pamatiran.

MIKA 5:10

Pusoon Ku bandar-bandar ra pagun min am tuyason ku pangampinan min.

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

JIPANYA 3:16

Masaboi paat no ra ulun mindagu ra Jirusalim, “Okou Bulur Sion, pai' kalaa' am pai' kalawo guang.

JAKARIA 9:16

Paat orou raginio ra tauli no, bayagon ru Tuhan ulun Nano, koson ra magagalung mamayag ra bibiag tinambiag intor ra makalalaa'. Suminda ilo giu' ra pagun ru Tuhan koson ra intan ra karaun.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

LUKAS 18:14

“Balain takamin: Intor ra ruo ngaulun i, sala' ka ulun-ulun ru Parisi i, kaa' ulun mampalulur ra cukai i ondo' motopot ra pagilangan ri Aki Kapuuno'. Moonong ulun minsawat guang, paingganaan, am moonong ulun minggana' guang, painsawaton.”

2 KORINTUS 10:17

Kaa' koson tinulisan ra Buuk Kitab, “Osoi ayuk masaga' lumimbau, moonsoi mongompor io ayuk ra atan ondo' binaal ru Tuhan.”

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

2 TISALONIKA 1:10

Paat ra Orou ratangan Nano katulayon Io ru ngaangai' ulun Nano, am urumaton Io ru ngaangai' ulun ondo' mangintopot Riso. Akau pana makasimpung risilo, sabap ra nangintopot kano ra tanou ondo' pinasaboi maili.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”