JISAYA 19:4 - Tanou Moonsoi Timugon

⁴ Kaa' pataakon Ku ulun ru Misir no ra sangulun raja' ra malaat kaga'. Parintaan ilo ru raja' malaat kaga' no. Aku, Tuhan Ondo' Maayo Kaga' Kuasa' minindagu noyo.”

JISAYA 19:4 ပူးပေါင်းရင်းမြစ်များ

JISAYA 20:4

Rokopon ru raja' ru Asyur ulun intor ra karuruo pagun no am anjungon. Matutuo am mamulok, ngaangai' no magibaang ra mugar am kalo mangkasut, tumbung nilono makito, koson pagasaban ra Misir.

YEHEZKIEL 29:19

Ginio ra Aku, Tuhan Raja' mindagu, ‘Pataakon Ku pagun ru Misir ra Raja' Nibukadnijar. Talingaawon no pagun no am mampagaau ra ngaangai' rapu' ru pagun no koson ra gaji' ru saujor nano.

JIRIMIA 46:26

am pataakon ilo ra ulun ondo' masaga' mamatoi risilo, iono Raja' Nibukadnijar intor ra Babilonia am saujor nano. Kaa' ra orou tauli no, ulun mayan poyo giu' ra Misir, koson ragili. Aku, Tuhan, nakaindagu noyo.”

JISAYA 19:2

Mindagu Tuhan, “Singkualon Ku pangayawan ra gino ngai' ru Misir: pabukat manggal ra pabukat, pasambalayan manggal ra pasambalayan, bandar manggal ra bandar, am raja' manggal ra raja' koson mampagaau ra kuasa'.

MAZMUR 31:8

Maansukan am magitapap aku ra longon, sabap ra Okou noyo monogom raki'. Makito Mu imbolo' kuno; am mapandayan Mu kapaganan kuno.

1 SAMUIL 23:7

Raja' Saul no binalaan ra minongoi noyo i Daut ra Kigila, indagu boo Raja' Saul ralalom ru guang, “Raino napataak noyo i Aki Kapuuno' ri Daut no ra kalindu' kutu. Nalandak noyo i Daut sabap ra minumpos ra ralalom ru bandar ondo' makatimbok am mokoondo' ra kulobon garabang ondo' makaumpok.”

YEHEZKIEL 30:12

Lasakin Ku Sungoi Nil am pataakon Misir ra ralalom kuasa' ru ulun malaat. Ulun bansa' ru bokon mamuso ra titikop pagun no. Aku, Tuhan nakaindagu noyo.”

NAGUM 3:10

Kabalu' pana raginio, mamagun ru Tibi rinakop am pinatiran ra pagun. Giu' ra moonong pisuk ru ralan, anak-anak nilo linamba' saboi minatoi. Tingganai-tingganai nilo rinantai am tinayar-tayar ra gino ngai' ru ulun ondo' namparakop risilo.

JISAYA 20:3

Bulintok ra Asdod pinarinta, mindagu Tuhan, “Jisaya, ulipon Kuno minugar ra nagibabaang am kalo nangkasut buoi talu ngambilor. Tatandu' ragitio koson pulanu masauk giu' ra Misir am Itiopia.