JISAYA 19:3 - Tanou Moonsoi Timugon

³ Ampangin Ku inatangan ru ulun ru Misir am polowoon Ku guang nilono. Makiindangan ilo ra ngaangai' sinungkalalaing nilono, makibilin am makitulu' ilo ra babalian am ambiluo ru ulun namagatoi.

JISAYA 19:3 ပူးပေါင်းရင်းမြစ်များ

2 SAMUIL 15:31

Paat ra Raja' Daut binalaan ra i Agitopil niayuk minaya' gumuor ri Absalom, pakiasi' Raja' Daut, “Iou Tuhan, sulango' bilin ri Agitopil!”

2 SAMUIL 17:14

Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

2 RAJA'-RAJA' 1:2

Paat ra sangarawan, Raja' Agajia intor ra Israil no naratu' intor ra langgar giu' ra tingkat rasawat ru istana nano giu' ra Samaria saboi napilatan raja' no ra masaran. Ginio ra nangator io ra kukula' ngaulun sinusub koson mangkuot ra Baal-Jibub, dewa ru ulun ru Palistin giu' ra bandar Ikron, mangimumui ru mapali' io kia kapoam kalo.

1 TUNUNG RU BANSA' ISRAIL 10:13

Raja' Saul minatoi sabap ra kalo giminagaya' io ra Tuhan, am kalo siminugut ra susuban ru Tuhan. Nakitulu' Raja' Saul intor ra ambiluo ru ulun namagatoi,

MAZMUR 107:27

Kasumpil-kasumpil nilo ayuk koson ra ulun nagauk; nansalinut kapandayan nilo kolondo' boo onong.

MAZMUR 33:10

Inatangan ru bansa'-bansa' ampangin ru Tuhan; pinuso no atan ondo' gogoton nilono.

MAZMUR 76:12

Suguto' noyo atan ondo' binantu' muli' ra Tuhan, i Aki Kapuuno' muno; maaru' ngaangai' bansa' ondo' nakapaginggaar magibit ra taak, koson pataakon Riso ondo' kalaanin.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

JISAYA 14:27

Tuhan Ondo' Maayo Kaga' Kuasa' namatas noyo mambaal koson raginio. Mangukum Io risilo, am kolondo' sangulun pana makapanginga' Riso.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

JISAYA 47:12

Rayusi' noyo pakuan ra nansalinut sihir muno, ondo' pinakai mu intor poyo ra kinamuloko' muno. Magu' nansalinut sasampui muno makaindangan rirun, am mampakalalaa' ra pantula' muno.

JISAYA 57:16

Aku noyo napaayag ra ulun Kuno. Kalo rayusin Ku manguu' risilo, am kalo masalok sumangit risilo.

JISAYA 8:19

Kaa' ulun manusub ramuyun makitulu' intor ra ulun mangilong am babalian ondo' konos-konos am kuniam-kuniam. Mindagu ulun, “Sala' ka kia musiti' takau makitulu' intor ra ulun namagatoi koson kaatangan ru ulun lakat poyo maayag?”

JIRIMIA 46:15

Kua kia ri Apis, dewa min ra maikang no naratu'? Linamba' ru Tuhan dewa no!’

YEHEZKIEL 21:7

Paat ra ilo mangkuot kua pampalaa kou, raguo' ra mangiluk guang muno sabap ra tanou ra matong no. Tanou no mambaal ra guang nilo malaa', kalindu' nilo malawo, mansiab ambiluo nilo am atur nilo monontol. Paat nano masaboi, am ngaangai' no masauk!” Tuhan Raja' nakaindagu noyo.

YEHEZKIEL 22:14

Lakat poyo kia baani kau kapoam lakat poyo kia maikang kau mangakat ra kalindu' min malupus ra Aku mangukum ramuyun? Aku, Tuhan minindagu noyo am mambaal Aku ra atan ondo' rinagu Ku noyo.

DANIL 1:20

Moonong raja' mangkuot ra ondo' pataamon no maawar am karaan toojo, makapandai raja' ra pataamon am guangon ru kaapat ngaulun ungkuyon mamulok no inggopor moonsoi poyo intor ra pataamon am guangon ru ngaangai' ulun mangilong am ulun mapandai kaga' ra sihir giu' ra titikop ru pamarintaan nano.

DANIL 2:2

Ginio ra nampiau raja' ra ngaangai' mangilong, ulun mapandai kaga' ra sihir, babalian, am ulun makakapandayan koson mambala' ra arati' ru inupi nano. Bulintok ra ngaangai' ulun no muma',

DANIL 5:7

Golok raja' nampiau ra ulun mapandai kaga' ra sihir, ulun makakapandayan, am ulun mapandai kaga' ra nujum. Paat ra ilo muma', indagu raja' risilo, “Osoi ayuk makabasa' ra tulisan no am niayuk mambala' ra arati' no aniin ra bayang ru raja', iono sukub matanggilung am sisigot mas tatandu' maayo. Ulun no pasaukon ra panguasa' katalu ralalom ru pamarintaan ti.”

1 SAMUIL 25:37

Suabon no ra iosusuab, paat ra natabinaasan i Nabal, nantunung i Abigail ra ngaangai' no ri Nabal. Namulali' i Nabal no narualan ra pusu' saboi ngaangai' ru inan nano minatoi.