JISAYA 18:7 - Tanou Moonsoi Timugon

⁷ Bulintok no masuku' paat ra Tuhan Ondo' Maayo Kaga' Kuasa' mangapu ra taak intor ra pagun ondo' pansailan ru sungoi-sungoi, intor ra bansa' ondo' maikang am mapanggol, ulun masawat am makakungkung malumis, am ondo' kalaanin ra titikop ru tana' ti. Matong ilo ra Bulur Sion, intok ru Tuhan Ondo' Maayo Kaga' Kuasa' no sambaan.

JISAYA 18:7 ပူးပေါင်းရင်းမြစ်များ

JIPANYA 3:10

Kaa' niayuk intor ra Itiopia ondo' maalur, ulun Kuno ondo' nantutuliar no matong am mampataak ra taak simbalui Raki'.

JISAYA 45:14

Mindagu Tuhan ri Israil, “Gogoto' min kalangkayaan ru tana' ru Misir am Itiopia, Ulun-ulun ru Siba ondo' mangaikang masauk ra longgom muno; nabangkil ilo am mugar ra talikuron muno. Migulatur ilo am mangiou, ‘I Aki Kapuuno' totopot minunor ramuyun; Io no i Aki Kapuuno' rondo'-rondo' ayuk!

JISAYA 18:4

Mindagu Tuhan raki', “Intor ra suruga' kalinuos Ku ayuk manginduku', koson ra bolobou masauk bulintok molondom ondo' malasu' ra bulintok mangkumos, am koson ra sinda mato ru orou bulintok mampayung orou.

2 TUNUNG RU BANSA' ISRAIL 32:23

Masuang ulun minatong ra Jirusalim am nagibit ra taak ra Tuhan am tangguang ra Raja' Gijkia. Intor raginio bansa'-bansa' ra bokon mangurumat ra Raja' Gijkia.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MIKA 4:13

Indagu Tuhan, “Mamagun ru Jirusalim kau ngai', ongoyo' ukumi' pantula' min! Mampasauk Aku ramuyun maikang koson ra sapi' ungkuyon ondo' makasangau basi' am makasalindu ra tambaga'. Masuang bansa' pinuso min, am kalangkayaan nilo ondo' naalap ralalom ru kalaatan masauk ra pataakon min Raki', Tuhan ru limbowon am tana' ti.”

JISAYA 16:1

Intor ra bandar Sila giu' ra tana' kaagisan, namagun ru Moab nangator sanginan domba ra namarinta ra Jirusalim.

MATIUS 2:11

Umpos ilo ra baloi i am pagilong ra Anak no am ina' Nano i Maria. Igulatur ilo am samba ra Anak no. Ilo pana nangukab boo ra kaban ru rapu' nilono am patalango' ra Anak no ioginio; mas, kaminyan am mur, am pinataak ngaangai' taak no Riso.

JISAYA 18:2

Intor ra pagun no minatong duta-duta siminakoi ra parau-parau ondo' binaal intor ra tabu am mansail ra sungoi Nil. Uli' no, alii ra ulun-ulun sinusub ra maikang! Ibito' noyo tanou ra pagun mino ondo' sailin ru sungoi-sungoi, ra bansa'-bansa' mino ondo' maikang am mapanggol, ra ulun mino ra masawat am malumis kungkung, am ondo' kalaanin ra titikop ru tana' ti.

ABAKUK 1:7

Mapasingkual ilo ra kalaanan giu' ra ngaangai' intok. Malilimbau ilo kaga' saboi mangkara' ra ngaangai' binaal nilo motopot am iowon ralalom ru undang-undang.

MAZMUR 68:32

Ngaangai' duta intor ra Misir minatong mapataak ra gangsa'; ulun intor ra Itiopia naringkaagou nagibit ra tangguang pataakon ri Aki Kapuuno'.