JISAYA 18:2 - Tanou Moonsoi Timugon

² Intor ra pagun no minatong duta-duta siminakoi ra parau-parau ondo' binaal intor ra tabu am mansail ra sungoi Nil. Uli' no, alii ra ulun-ulun sinusub ra maikang! Ibito' noyo tanou ra pagun mino ondo' sailin ru sungoi-sungoi, ra bansa'-bansa' mino ondo' maikang am mapanggol, ra ulun mino ra masawat am malumis kungkung, am ondo' kalaanin ra titikop ru tana' ti.

JISAYA 18:2 ပူးပေါင်းရင်းမြစ်များ

2 TUNUNG RU BANSA' ISRAIL 14:9

Rondo' paat ra sangulun bansa' ru Itiopia ininggalanan ri Jirag namulunsar ra Jiuda nabaya' ra saujor ra suang no sajuta' ngaulun am 300 kurita' kuda. Nakasaboi ilo polos ra Marisa.

2 TUNUNG RU BANSA' ISRAIL 16:8

Sala' ka kia saujor ru Itiopia am Libia ondo' masuang kaga'? Mokoondo' ilo ra kurita' kuda am pulalai mangkuda, kaa' sabap ra okou liminansan ra Tuhan, mangani' Io rirun ra kamanangan manggal risilo.

AYUP 9:26

Koson ra parau maribok, kaayagan kuno mansail, koson ra ribok ru kanui mamparakop ra akanon nano.

KAINGKUALAN 2:3

Kaa' kalo mabuni no ra mabuoi poyo. Ginio ra alap io rondo' bakul ondo' binaal intor ra sakot galaga am sinalitan no ra tiir, maa' raginio kalo masubol ru timug. Pabantaa' no lalagang nano ralalom bakul no, am patampako' no ra tatanga' ru sakot galaga ra kiing ru sungoi.

JISAYA 18:7

Bulintok no masuku' paat ra Tuhan Ondo' Maayo Kaga' Kuasa' mangapu ra taak intor ra pagun ondo' pansailan ru sungoi-sungoi, intor ra bansa' ondo' maikang am mapanggol, ulun masawat am makakungkung malumis, am ondo' kalaanin ra titikop ru tana' ti. Matong ilo ra Bulur Sion, intok ru Tuhan Ondo' Maayo Kaga' Kuasa' no sambaan.

JIRIMIA 49:14

Aku, i Jirimia mindagu, “Okou Idom, nakaapu aku ra tanou intor ra Tuhan. Nanusub Io ra sangulun minongoi ra bansa'-bansa' koson mambala' risilo maa' raginio manimung ra saujor nilo am tumampos mamulunsar risilo.

YEHEZKIEL 30:9

“Paat ra orou raginio, paat ra Misir napuso, atarin Ku ulun ra kapal-kapal koson mampatigog ra Itiopia ondo' kalo manantam no saboi ilo malaa'. Orou raginio mamaar noyo!”

OBAJA 1:1

Gitio noyo ragu inala' ri Obaja. Nampasaboi io ra ragu ru Tuhan Raja' intor ra ulun ru Idom. Nangator Tuhan ra ulun sinusub Nano mongoi ra bansa'-bansa', am norongog takau noyo tanou Nano, “Tampos kano! Ibok kano mangayou takau ra Idom!”

ABAKUK 1:7

Mapasingkual ilo ra kalaanan giu' ra ngaangai' intok. Malilimbau ilo kaga' saboi mangkara' ra ngaangai' binaal nilo motopot am iowon ralalom ru undang-undang.

LUKAS 10:19

Rongogo' min! Inanian takamin ra kuasa' manginjang ra kukuo makabisa' am lingait am niayuk kuasa' makaanggal ra ikang ru pantula' mino. Kolondo' mampakaruol ramuyun.