JISAYA 17:3 - Tanou Moonsoi Timugon

³ Israil matatakan ra panindungan, am Damsyik matatakan ra pampalabusan. Ulun ru Siria ondo' soroi maayag ilo ralalom pagasaban koson ra ulun ru Israil. Aku, Tuhan Ondo' Maayo' Kaga' Kuasa' minindagu noyo.”

JISAYA 17:3 ပူးပေါင်းရင်းမြစ်များ

2 RAJA'-RAJA' 16:9

Nangiou Raja' Pul ra kitaakon ru Raja' Agas. Raja' Pul am saujor nano namulunsar ra Damsyik, nampagaau ra bandar no am namatoi ra Raja' Rijin. Raja' Pul nagibit niayuk ra mamagun ru bandar Damsyik mongoi ra Kir koson ra ulun rinakop.

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

JISAYA 10:9

Kinala ku bandar Kalno am Karkimis, bandar Gamat am Arpad. Kinala ku bandar Samaria am Damsyik.

JISAYA 16:14

kaa' ragino mindagu Tuhan, “Ralalom buoi talu ngambilor, nansalinut kinalangkayaan ondo' anggakon ru Moab no mapuso. Namagun nano ra masuang masauk kalo kukula' am malawo.”

JISAYA 17:4

Mindagu Tuhan, “Bulintok nano masuku' paat ra kuasa' ru Israil no langgain, am kinalangkayaan nilono mapuso.

JISAYA 25:2

Tinuyas Mu bandar-bandar; am nomopol ra kubu-kubu nano. Istana-istana binangun ru pantula' mai napuso ra sabuoi-buoi no.

JISAYA 7:16

Ra iono poyo ra kalo poyo masuku' bulintok no, karuruo pagun ondo' pinarinta ru raja'-raja' ondo' kalaanin muno iruanin ra naliung-liung.

JISAYA 7:8

sabap Siria kalo maikang poyo intor ra Damsyik, pusor bandar nano, am Damsyik pana kalo maikang poyo intor ra Raja' Rijin. Kabalu' pana ralalom buoi onom ngoopor am limo ngambilor, Israil no kalo mogogondo' guang saboi kalo masabayan no koson ra rondo' bansa'.

JISAYA 8:4

Ra kalo poyo makapanabit io ‘ina'’ am ‘ama'’, ngaangai' rapu' ru bandar Damsyik am ngaangai' kuliamos ondo' ginaau ru Samaria ibiton ru raja' ru Asyur.”

GOSIA 1:4

Indagu Tuhan riso, “Inggalani' anak no ri ‘Jijriil’, sabap ra kalo boo mabuoi mangukum Aku ra raja' ru Israil koson mambalos ra pamatayan ondo' binaal ru kinamatuaan nano, i Jigu, giu' ra Jijriil Pupusin Ku pamarintaan ru papag ri Jigu giu' ra Israil.

GOSIA 1:6

I Gomir pana maapang poyo am naganak sangulun anak ruandu'. Indagu Tuhan ri Gosia, “Inggalani' anak raginio ‘Kalo Tagamin’, sabap ra kalo boo makaasi' Aku kapoam mangampun ra bansa' ru Israil.

GOSIA 10:14

am akau pana malumpa' ru pangayawan am ngaangai' kubu min pusoon. Baal nano masauk koson ra orou ru Raja' Salman namuso ra bandar Bit-Arbil ralalom pangayawan, am nampaluus ra ina'-ina' nababaya' ra anak-anak nilo.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

GOSIA 8:8

Ulun ru Israil nasauk noyo koson ra bansa'-bansa' ra bokon ondo' kolondo' boo onong, koson ra pagangan ondo' napilang.

GOSIA 9:11

Kinaayo ru Israil mansiab lumiot koson ra susuit. Kalo boo makaalap ilo ra anak. Ruandu' nilo pana kalo boo maapang.

AMOS 8:14

Ulun ondo' magibot ralalom inggalan ru sinungkalalaing ru Samaria, am mindagu, ‘Ralalom inggalan ru dewa giu' ra Dan’ kapoam ‘Ralalom inggalan ru dewa giu' ra Birsyiba’, maratu' am kalo boo makatirong.”