JISAYA 16:3 - Tanou Moonsoi Timugon

³ Mindagu ilo ra namagun ru Jiuda, “Atan kia baalon mai? Sindungi' akaino koson ra puun ru tataun manindung bulintok ra mampayung orou ondo' malasu', am polosoo' akaino sumindung ra saau muno. Akai ti ulun nagigiru'; pasibunio' akaino am pai' kalaat ramon.

JISAYA 16:3 ပူးပေါင်းရင်းမြစ်များ

1 RAJA'-RAJA' 18:4

Paat ri Ijibil namatoi ra nabi-nabi ru Tuhan, binuni ri Obaja maatus ngaulun nabi giu' ra ralalom ru luang batu. Tinayar no ilo ra ruo ngampulalai, limo ngoopor ngaulun sampulalai. Nangani' io risilo ra akanon am inumon.)

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JISAYA 25:4

Ulun musikin am ulun malawo mongoi Rirun, am makisindung bulintok makakapaganan. Inampin Mu ilo intor ra bagiu', am manindung risilo intor ra orou malasu'. Ulun malaat kaga' mongoi pangayou koson ra bagiu' mapuor bulintok masimu',

JISAYA 32:2

Ilo koson ra intok sindungan intor ra angin am bagiu'. Koson ilo ra sungoi-sungoi ondo' tumilis ra tana' kaagisan, koson ra nasindungan ru batu maayo giu' ra tana' mapua'.

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JISAYA 58:7

Pataako' noyo akanon muno ra ulun naitilan, apuo' noyo ulun-ulun musikin ondo' kolondo' ayanan ra baloi muno. Ulun nagibaang anii' ra saluar am bayang, am pai' inggio' pabukat muno ondo' maaya' indanganon.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

JAKARIA 7:9

“Paat ra galing i, nangani' Aku ra susuban ti ra ulun Kuno, ‘Akau musiti' mambaal ra matimpok, moonsoi guang am makaasi' ra ulun ru akau po ngai'.

MATIUS 25:35

Sabap ra paat ra Aku naitilan, pinaakan min Aku am paat ra Aku pinaason, pinainum min Aku. Ra Aku sangulun bansa' ru bokon, inapu min Aku ra baloi min.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

TINGGANAI RU BANSA' 9:15

Taam bulungkut makaruui no, ‘Amon totopot guang min masaga' ra masauk aku ra raja' min, ibok no sindung ra saau kutu. Kaa' amon ru kalo, mingkual apui intor ra pango-pango kuno ondo' makaruui am monolob ra ngaangai' puun sidar giu' ra Libanon.’ ”