JISAYA 16:2 - Tanou Moonsoi Timugon

² Naginaa ilo ra tobo ru Sungoi Arnon, ruli'-ruli' kolondo' kuayan koson ra susuit ondo' inanjau intor ra bunsut.

JISAYA 16:2 ပူးပေါင်းရင်းမြစ်များ

AMSAL 27:8

Ulun ondo' maalur intor ra baloi, koson ra susuit kolondo' bunsut.

TINGGANAI RU BANSA' 11:18

Ilo pana namparayus ra pangkiralanan mansail ra tana' kaagisan, kaa' kalo nansail ra pagun ru Idom am Moab, kaa' minaya' ra ralan lumiput polos ilo nakasaboi ra tampilon sirangon ru Moab, giu' ra sandaup ru Sungoi Arnon. Nangkim ilo ra giu', kaa' kalo liminaup ra sungoi no sabap nakasimpung sungoi no ra pagun ru Moab.

JIRIMIA 48:20

Tumaam ilo, ‘Naratu' noyo Moab! Tinauyu' noyo Moab; tangii' noyo Moab. Potonowo' noyo giu' ra galur ru Sungoi Arnon ra napuso noyo Moab!’

JISAYA 13:14

Ulun bansa' suai ondo' minayan ra Babil magiru' ra pagun nilo galama'. Mantutuliar ilo koson ra tambang ondo' magiru' intor ra ulun mampalula', kapoam koson ra sampanon ru kambing ondo' kolondo' magagalung.

JOSUA 13:16

Wilayah nilo nakasimpung Aroir (giu' ra kiing ru limayak Sungoi Arnon) am bandar nakatatanga' ra limayak no, nakasimpung titikop ru tana' marata' masawat giu' ra liliut ru Midiba.

SAGULION 3:12

“Mopongo tana' raginio masauk ra longgom takau, nangani' aku ra bansa' ru Rubin am Gad ra tana' giu' ra ralayo ru bandar Aroir, maar ra Sungoi Arnon am santayaran intor ra kabuluran Giliad, nakasimpung bandar ra giu' no.

SAGULION 3:8

Paat raginio, libung giu' ra tampilon sirangon ru Sungoi Jordan, intor ra Sungoi Arnon saboi ra Gunung Girmon, ginaau takau noyo intor ra ruo ngaulun raja' ru Amori no. (

SAGULION 2:36

Tuhan i Aki Kapuuno' takau nangindangan ritakau nampagaau ra ngaangai' bandar, intor ra Aroir giu' ra pompor ru limayak Arnon, am bandar ondo' giu' ra tanga' ru limayak no saboi ra libung Giliad. Kolondo' rondo' pana bandar makatimbok ondo' mapiot kaga' ritakau.

UNTABAN 21:29

Akau ulun ru Moab, mapara' kia usung mino! Akau mongompor ri Kamos, maluus kau! Nopoloso Tuhan mino ra ungkuyon-ungkuyon nasauk ra ulun nagiru', am ruandu'-ruandu' nasauk ra ulun rinakop ru raja' Amori.

2 RAJA'-RAJA' 3:4

Raja' Misa intor ra Moab, mokoondo' ra tinambiag ra domba. Moonong bilor mangani' io ra raja' ru Israil ra cukai suang no 100,000 ngainan anak domba, am bulu domba intor ra 100,000 ngainan domba.

AMSAL 26:2

Koson ra susuit mansiab am sasoyob-soyob giu' ra limbowon, koon niayuk ra pagulasan kalo makatiu' ra ulun kolondo' sala.

JIRIMIA 48:9

Baali' kalalair ra batu tatandu' ra Moab no, pagun no mataki' pusoon. Bandar-bandar nano lunsayon, am kalo boo ayanin ru ulun.”

JIRIMIA 48:46

Pakaasi' no ra ulun ru Moab! Bansa' ondo' sumamba ra Dewa Kamos napuso noyo; anak ungkuyon am anak ruandu' nilo rinakop noyo koson ra ulun rinakop.