JISAYA 16:12 - Tanou Moonsoi Timugon

¹² Gumogot toojo ulun ru Moab mangkiwa' ra bulur mongoi ra intok sambayangan nilo koson makiasi', kaa' gogot nilono kolondo' onong.

JISAYA 16:12 ပူးပေါင်းရင်းမြစ်များ

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JIRIMIA 48:35

Polonggoon Ku mamagun ru Moab intor ra monolob ra taak simbalui giu' ra intok-intok sambaan nilo, am mopolonggo' risilo mampataak ra taak simbalui ra dewa-dewa nilo. Aku, Tuhan, nakaindagu noyo.

1 RAJA'-RAJA' 18:29

Narayus ilo napaugar raginio saboi namayian kaga', kaa' kolondo' tumaam, am kolondo' bolos morongog.

UNTABAN 23:28

Ginio ra nagibit Raja' Balak ri Biliam mongoi ra tampak ru Gunung Pior ondo' tumingkuang ra tana' kaagisan.

UNTABAN 23:14

Nagibit Raja' Balak ri Biliam giu' ra padang Jopim, giu' ra tampak ru Gunung Pisga. Giu' no nambaal niayuk Raja' Balak ra tulu' altar am napataak ra sanginan sapi' gawayan am sanginan domba gawayan giu' ra rasawat ru moonong altar.

UNTABAN 22:39

Ugar boo i Biliam nabaya' ra Raja' Balak minongoi ra bandar Gujot.

JIRIMIA 48:46

Pakaasi' no ra ulun ru Moab! Bansa' ondo' sumamba ra Dewa Kamos napuso noyo; anak ungkuyon am anak ruandu' nilo rinakop noyo koson ra ulun rinakop.

JIRIMIA 48:13

Kopongo raginio ulun ru Moab sindualin ri Kamos, dewa nilo, koson ra ulun ru Israil sinindualan ri Bitil, dewa ondo' inintopot nilo.

JIRIMIA 48:7

Okou Moab, malansan kou ra kaikangan am kalangkayaan muno, kaa' raino okou pana kalaan; i Kamos, dewa min, nabaya' ra imam-imam am pagawai ru pamarintaan patirin ra pagun ra bokon.

JIRIMIA 10:5

Sinungkalalaing no koson ra inulun-ulun giu' ra umo ru baliburan; sinungkalalaing kalo mindagu; sinungkalalaing musiti' kakaton sabap ra kalo mugar. Pai' kalaa' ra sinungkalalaing; sinungkalalaing kalo mampajamar ramuyun, am kalo mamparatong ra moonsoi ramuyun.”

JISAYA 47:13

Kalo boo manguasa' kou kabalu' pana masuang pinson naapu muno. Polosoon noyo ulun mapandai mangilong mamayag rirun; migigila' ilo ra butitin-butitin, mangurio ra linsuk-linsuk ru limbowon ra moonong bulan, manala' ra atan kasaukan muno ra tauli no.

JISAYA 37:38

Sangarawan ragili, bulintok ra raja' ru Asyur sumambayang ra ralalom ru kuil dewa Nisrok, pinatoi io ri Adramilik am i Sarijir, anak-anak nano namakai ra ilang. Kopongo ragili, nagiru' ilo giu' ra tana' Ararat. I Isaradon, anak nano ra bokon siminuali riso siminauk ra raja'.

JISAYA 26:16

Iou Tuhan, inukum Mu ulun Muno, am ralalom kaimbalaan, mampiau ilo Rirun.

AMSAL 1:28

Bulintok raginio mampiau kau raki', kaa' kalo taamon takamin. Maguyum kau raki' ra ati-ati ayuk kaa' kalo matuum min aku.

2 RAJA'-RAJA' 19:12

Kinamatuaan kuli namuso ra bandar Gojan, Aran am Rijip am niayuk namatoi ra ulun ru Idin ondo' minayan giu' ra Tilasar. Kolondo' rondo' pana dewa nilo nakapamayag risilo.

2 RAJA'-RAJA' 3:27

Ginio ra nagibit raja' ru Moab no ra anak ungkuyon ra katuaan nano minongoi ra rasawat ru timbok ru bandar no am pataako' no io koson ra taak simbalui no ra dewa ru pagun ru Moab. Nangalaa' ulun ru Israil saboi liminugut ilo intor ra bandar no, am uli' ra pagun nilo galama'.

1 RAJA'-RAJA' 11:7

Giu' ra rasawat ru rondo' gunung giu' ra tampilon sirangon ru Jirusalim, Raja' Salomo nambaal ra intok sambaan ra Kamos, dewa makatataman ondo' sambaan ru ulun ru Moab. Nambaal io ra intok sambaan ra Molok, dewa makatataman ondo' sambaan ru ulun ru Amon.

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

UNTABAN 22:41

Iosusuab ru suabon no nagibit Raja' Balak ri Biliam mongoi ra Bamot-Baal. Giu' no nakakito ri Biliam ra santayaran intor ra ulun ru Israil.

UNTABAN 21:28

Igondo' kasaukan ra bandar ragitio, jiminalog saujor ru Raja' Sigon koson ra apui mamuso ra bandar Ar giu' ra Moab, am nonolon ra bulur-bulur giu' ra sisil ru Arnon.

JISAYA 16:13

Gini noyo tanou ondo' ragili pinataak ru Tuhan intor ra Moab;