JISAYA 15:5 - Tanou Moonsoi Timugon

⁵ Makaasi' Aku ra Moab. Mamagun nano nagigiru' giu' ra Joar am Iglat-Silisia. Mokoondo' nagaloi ra ralan mongoi ra Lugit liliwa' mantangi'. Mokoondo' niayuk nagiru' giu' ra Oronaim liliwa' mompogolok am mangiluk sabap ra nalumpa' ru karaat.

JISAYA 15:5 ပူးပေါင်းရင်းမြစ်များ

JIRIMIA 48:5

Rongogo' ilo mantangi' ra sasusulikok giu' ra galur ru ralan magaloi mongoi ra bandar Lugit, nantangi' ilo sabap ra mangiluk guang, giu' ra galur ru ralan tumuun mongoi ra bandar Oronaim.

JIRIMIA 4:20

Karaat mansusunu' matong, titikop pagun mapuso. Pulali' ru kim mai linunsai, konoon-konoon no rinilak.

JIRIMIA 17:16

Kaa' iou Tuhan, kalo igondo' aku nampajajal Rirun koson mamparatong ra karaat risilo. Aku kalo niayuk nompogogot ra kapaganan lumampa' risilo. Nakapandai Kou ra baal raginio, iou Tuhan. Nakapandai Kou ra atan ondo' raguon kuno.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

JISAYA 22:5

Gitio noyo bulintok maajag-ajag, kaalaan, am sasou giu' ra Limayak Pinaintalang. Tuhan Raja' Ondo' Maayo Kaga' Kuasa' naparatong ra karaat raginio. Timbok-timbok ru bandar takano nangaaba', am tangi' ru ulun makiindangan mamintanou giu' ra bulur-bulur.

JISAYA 16:14

kaa' ragino mindagu Tuhan, “Ralalom buoi talu ngambilor, nansalinut kinalangkayaan ondo' anggakon ru Moab no mapuso. Namagun nano ra masuang masauk kalo kukula' am malawo.”

2 SAMUIL 15:30

Kalo nangkasut i Daut, am nababaya' ra ngaangai' ulun minaya' riso no, nagaloi ilo ra Bulur Jaitun liliwa' mantangi' am ulu rinundung koson tatandu' mangiluk guang.

2 SAMUIL 15:23

Ngaangai' ulun nantangi' ra mosongou paat ra ngaangai' minaya' ra Raja' Daut no nangiruan ra istana. Kopongo raginio liminaup raja' ra Sungoi Kidron, sunu' ngaangai' pulalai nano, am ugar sumuku' ra tana' kaagisan.

KASAUKAN 19:22

Ribaki', pagiru' no! Sabap ra kolondo' atan-atan mabaal ku ra okou kalo poyo makasaboi ra giu' no.” Sabap sinabit ri Lot bandar raginio boborok, ginio boo ra ininggalanan bandar no ra Joar.

KASAUKAN 13:10

Pulolowo' boo ri Lot liliut am kaimpal no titikop limayak Jordan saboi ra bandar Joar am makamasuang timug koson ra Taman ru Tuhan kapoam koson ra tana' ru Misir. (Ginio noyo baal ra io kalo poyo pinuso ru Tuhan bandar Sodom am Gomora.)

UNTABAN 21:29

Akau ulun ru Moab, mapara' kia usung mino! Akau mongompor ri Kamos, maluus kau! Nopoloso Tuhan mino ra ungkuyon-ungkuyon nasauk ra ulun nagiru', am ruandu'-ruandu' nasauk ra ulun rinakop ru raja' Amori.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

JIRIMIA 48:3

Mamagun ru bandar Oronaim giminolok, ‘Kalaatan! Kapusaan!’

JIRIMIA 50:46

Paat ra Babil maratu', bolos no mosongou kaga' saboi titikop ru tana' ti mogonggon, am tangi' ru mamagun nano morongog ru bansa'-bansa' ra bokon.”