JISAYA 15:3 - Tanou Moonsoi Timugon

³ Ulun mangkiralan nambayang ra konoon ru karung. Giu' ra tana' nalimparang am pinuusan ru baloi, ulun manulaboi am mantangi'.

JISAYA 15:3 ပူးပေါင်းရင်းမြစ်များ

2 SAMUIL 3:31

Kopongo raginio nanusub Raja' Daut ri Joab am ulun-ulun nano namparilak ra bayang nilo, nambayang ra konoon karung am niayuk nanulaboi ri Abnir. Paat ra nampalabangan, Raja' Daut galama' minugar ra tinaulian ru karanda'.

2 RAJA'-RAJA' 6:30

Pokorongog raja' raginio, rilako' no bayang nano sabap ra mangiluk guang. Ngaangai' ru ulun ondo' mamaar ra timbok no nakakito ra raja' no nambayang ra karung pinaralalom ra bayang nano.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 22:1

Gitio noyo tanou ru Tuhan intor ra Limayak Pinaintalang. Akau namagun ru Jirusalim, kua tampak kau ra pinuusan koson mambaal ra pangiantakan?

JISAYA 22:4

Polosoo' aku sangulun koson maupus ra ngaangai' ulun kuno ondo' minatoi. Pai' aku kinami' ansuko'.

JISAYA 3:24

Ragino nagumau ilo ra umau maamis owou, kaa' maagu no moonsor. Abot nilo ra malumis aligin ra abot makalas. Ulu nilo ra makaabuk moonsoi masauk mambulut. Bayang nilo ra mongoonsoi aligin ra konoon mangalaat ondo' makauyuyu'!

JIRIMIA 19:13

Ngaangai' baloi giu' ra Jirusalim am ngaangai' baloi ru raja'-raja' ru Jiuda masauk ra majamol koson ra Topit, sabap giu' ra taap ru baloi, nonolob ulun ra kaminyan tayar ru dewa-dewa ru limbowon am nampataak ra wain ra dewa-dewa ra bokon.”

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

SULABOI 2:10

Ulun matutuo giu' ra Jirusalim nanturung mongkoror ra tana', kaau pinatauk ra ulu am nambayang ra konoon karung. Ralaa-ralaa nampakuku' ra ulu saboi ra tana'.

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

MATIUS 11:21

“Aibui boo ra ulun ru Korajin! Aibui boo ra ulun ru Bitsaida! Amon ru kaimuagan ondo' binaal ra tatanga' min nabaal noyo giu' ra Tirus am Sidon, lair noyo ulun ru giu' no mangulir am manauk ra ulu nilai ra kaau, koson tatandu' ra ilo ti timinalikur noyo intor ra tula nilono!

SAGULION 22:8

“Paat ra akau mambaal ra baloi bagu, musiti' kau manginsor ra liput ru kiing ru taap ru baloi no. Koson raginio kalo pinalansan kau ra amon maratu' sasangulun intor ra rasawat ru taap am matoi.

JAKUBUS 5:1

Am raino, ulun langkaya' kau ngai', rongogo' min gitio! Pantangi' am pangiluk kano sabap ra mokoondo' kapaganan maagat matuum min.

1 SAMUIL 5:12

Ulun ondo' kalo minatoi, natiu' ra maruol lumanit-lanit saboi mamagun ru bandar no giminolok makiindangan ra dewa-dewa nilo.