JISAYA 15:2 - Tanou Moonsoi Timugon

² Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 15:2 ပူးပေါင်းရင်းမြစ်များ

2 SAMUIL 10:4

Raja' Ganun pana namparakop boo ra ngaangai' ulun sinusub ru Raja' Daut, nangaur ra sampiruo intor ra jangut nilo, namutul ra konoon nilo polos ra puun ru paa, am panusub risilo minugar.

1 TUNUNG RU BANSA' ISRAIL 19:4

Rinakop ru Raja' Ganun ulun sinusub ru Raja' Daut, am sinukur jangut nilo, pinutul bayang nilo saboi ra puun ru paa, nalupus raginio sinusub ilo minugar.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

JISAYA 14:31

Pompogolok no am pampiau no makiindangan, alii ra mamagun ru ngaangai' bandar ru Palistin! Musiti' monontol kau ngaangai' malaa', sabap ra kulampun ru kaau makapal masiob ru angin makito ra ralayo, tatandu' ratangan ru sampulalai ondo' maikang kaga'; kolondo' matalou ra sampulalai raginio.

JISAYA 15:3

Ulun mangkiralan nambayang ra konoon ru karung. Giu' ra tana' nalimparang am pinuusan ru baloi, ulun manulaboi am mantangi'.

JISAYA 16:12

Gumogot toojo ulun ru Moab mangkiwa' ra bulur mongoi ra intok sambayangan nilo koson makiasi', kaa' gogot nilono kolondo' onong.

JISAYA 16:7

Mantangi' ulun ru Moab sabap ra kaimbalaan nilo. Mantangi' ilo bulintok ra ilo mangkara' ra akanon maamis ondo' masalok nilo akanon giu' ra Kir-Garisit. Malumpus ilo.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JISAYA 3:24

Ragino nagumau ilo ra umau maamis owou, kaa' maagu no moonsor. Abot nilo ra malumis aligin ra abot makalas. Ulu nilo ra makaabuk moonsoi masauk mambulut. Bayang nilo ra mongoonsoi aligin ra konoon mangalaat ondo' makauyuyu'!

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

JIRIMIA 47:2

“Ilai' noyo, timug tatanga' manggayo giu' ra ralayo, am masakob koson ra sungoi manggayo. Timug no sumakob ra pagun am suang no, bandar-bandar am mamagun ra giu' no. Ulun gumolok makiindangan, moonong ulun ra tana' ti manulaboi.

JIRIMIA 47:5

Mamagun ru Gaja mangiluk kaga' guang, mamagun ru Askilon pana nongkoror. Saboi sanggilan kia ulun ru Palistin mangulir?

JIRIMIA 48:1

Koon raginio noyo ragu ru Tuhan intor ra pagun Moab, “Pakaasi' no ra mamagun ru Nibo – napuso noyo bandar nilo! Ginaau noyo bandar Kiryataim, linunsai noyo kubu nano ra maikang, am mamagun nano tinauyu';

JIRIMIA 48:18

Akau ondo' namagun giu' ra bandar Dibon, tuun no intor ra intok min ondo' naurumat, am turung no ra ralalom ru kaau ra tana'. Ulun mamuso ra Moab nakasaboi noyo, am nampalunsai ra ngaangai' kubu nano.

JIRIMIA 48:31

Ginio noyo sabap ra tangiin Ku ngaangai' mamagun ru pagun Moab am Kir-Giris.

JIRIMIA 48:35

Polonggoon Ku mamagun ru Moab intor ra monolob ra taak simbalui giu' ra intok-intok sambaan nilo, am mopolonggo' risilo mampataak ra taak simbalui ra dewa-dewa nilo. Aku, Tuhan, nakaindagu noyo.

JIRIMIA 49:3

Mamagun kau ru Gisybon, pantangi' no! Bandar Ai napuso noyo! Ruandu' kau ru bandar Raba, pangulir no! Pambayang kano ra konoon karung am pangulir no. Pagiru' no ra giu' am giti ra maubong kaga'. Milkom, dewa min patirin ra pagun mabaya' ra imam-imam am pagawai-pagawai ru pamarinta.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

YEHEZKIEL 27:31

Binulutan nilo abuk sabap ra akau, am nambayang ra konoon karung tatandu' mangiluk guang. Manulaboi ilo ra guang mangiluk.

YEHEZKIEL 30:2

“Okou ulun mapandai matoi, panala' no am potonowo' atan ondo' raguon Kuno, Tuhan Raja'. Golok no am panulaboi no koson ragitio: Orou ru Tuhan mamaar noyo!

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

IMAMAT 13:40

Amon ru naampakan sasangulun ungkuyon tampilon ra saang am tampilon ra bakulung ru ulu nano, kalo majamol ulun no.

IMAMAT 21:5

“Kalo iowon sangulun imam mangaur ra ati pana tayar ra ulu nano, kapoam mopolompor ra jangut nano, kapoam mamilat ra inan nano koson mapakito ra mangulir io.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

UNTABAN 21:28

Igondo' kasaukan ra bandar ragitio, jiminalog saujor ru Raja' Sigon koson ra apui mamuso ra bandar Ar giu' ra Moab, am nonolon ra bulur-bulur giu' ra sisil ru Arnon.

UNTABAN 21:30

Kaa' raino maluus papag nilono, giu' ra galur ru ralan intor ra Gisybon mongoi ra Dibon, intor ra Nasyim mongoi ra Nopa maar ra Midiba.”

UNTABAN 32:3

“Bandar-bandar ondo' inayanan ru ulun takau ra indangan ru Tuhan, moonsoi kaga' ra panambiagan, iono bandar Atarot, Dibon, Jaijir, Nimra, Gisybon, Iliali, Sibam, Nibo am Bion. Sabap ra masuang toojo bibiag tinambiag maino,

UNTABAN 32:38

Nibo, Baal-Mion (inggalan ragitio kinulau noyo) am Sibam. Ininggalanan bagu nilo bandar-bandar ondo' binaal saguli' no.

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

SAGULION 34:1

Iruani' boo ri Musa tana' marata' ru Moab am pagaloi ra Gunung Nibo, mongoi ra tampak ru Gunung Pisga tampilon ra sirangon ru bandar Jiriko. Giu' no nanulu' Tuhan ra titikop ru tana' no riso: wilayah Giliad saboi ra bandar Dan giu' ra ralayo;