JISAYA 14:2 - Tanou Moonsoi Timugon

² Masuang bansa' mangindangan ra ulun ru Israil muli' ra tana' ondo' pinataak ru Tuhan risilo. Giu' no bansa'-bansa' masauk ra ulipon ru Israil. Ilo ondo' galing i nangala ra Israil, kalaan ilo boo ru Israil. Ulun ru Israil mamarinta ra bansa'-bansa' ondo' nakaili' nangimbolo' risilo.

JISAYA 14:2 ပူးပေါင်းရင်းမြစ်များ

JISAYA 61:5

Akau ulun Kuno, ulun bansa' suai mangandoi ramuyun. Ilo magalung ra bibiag mino am mangandoi ra tana' am umo ru anggur mino.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JIRIMIA 30:16

Kaa' raino ngaangai' ondo' monolon ramuyun tolonon, am ngaangai' pantula' min ibiton mugar koson ra ulun rinakop. Ngaangai' ulun ondo' nangimbolo' ramuyun imboloon, am ngaangai' ulun ondo' nantakou ramuyun takawin.

DANIL 7:18

Kaa' ulun ri Aki Kapuuno' Ondo' Masawat Kaga' mangapu ra kuasa' koson mamarinta ra sabubuoi no.”

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

ROMA 15:27

Sala' ka jinajalan ilo raginio, sotopot no ginio musiti' baalon nilo. Sabap ra intor ra ulun ru Jaudi, ulun sala' ka Jaudi nakaapu noyo ra barakat ri Aki Kapuuno'. Ginio kon ra musiti' tupo ulun sala' ka Jaudi mangindangan ra ulun ru Jaudi ra mantayar ra rapu' nilono risilo.

JISAYA 18:7

Bulintok no masuku' paat ra Tuhan Ondo' Maayo Kaga' Kuasa' mangapu ra taak intor ra pagun ondo' pansailan ru sungoi-sungoi, intor ra bansa' ondo' maikang am mapanggol, ulun masawat am makakungkung malumis, am ondo' kalaanin ra titikop ru tana' ti. Matong ilo ra Bulur Sion, intok ru Tuhan Ondo' Maayo Kaga' Kuasa' no sambaan.

MAZMUR 68:18

Ralalom kaaparan ribu ru kurita' kuda Nano ra maayo, matong Tuhan intor ra Sinai mongoi ra intok ondo' matulai no.

IPISUS 4:8

Koson tinulisan ra Buuk Kitab, “Paat ra nagaloi Io giu' ra rasawat kaga', nampaaya' Io po ra masuang ulun rinakop; am nangani' Io ra ulun ra taak.”

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

LUKAS 12:45

Kaa' amon ru kon ru guang ru ulipon no, ‘Mabuoi sagulian ru tuan kuli,’ am tumalimpuun io mampalamba' ra ulipon ra bokon, ungkuyon am ruandu', mangakan am manginum io saboi magauk,

JISAYA 31:8

Asyur pusoon ra pangayawan, kaa' sala' ka ralalom ikang ru ulun. Ulun ru Asyur magiru' mangiruan ra pangayawan, am nasuangan tuu' bagu nilono saukon ra ulipon.

JISAYA 45:14

Mindagu Tuhan ri Israil, “Gogoto' min kalangkayaan ru tana' ru Misir am Itiopia, Ulun-ulun ru Siba ondo' mangaikang masauk ra longgom muno; nabangkil ilo am mugar ra talikuron muno. Migulatur ilo am mangiou, ‘I Aki Kapuuno' totopot minunor ramuyun; Io no i Aki Kapuuno' rondo'-rondo' ayuk!

JISAYA 49:22

Tuhan Raja' mindagu ra ulun Nano, “Aniin Ku ra pulanu ra bansa'-bansa' am pasagulion nilo anak-anak muno; anak-anak muno ra ungkuyon no kubibilon, am anak-anak muno ra ruandu' saanin.

JISAYA 49:25

Tumaam Tuhan, “Ginio noyo kasaukan no. Ulun narakop ru nasuangan saujor ginaau saguli'. Ginaau ru ulun malaat kaga' gaawon poyo. Sabap ra Aku galama' manggal ra pantula' muno; bayagon Ku anak-anak muno.

JISAYA 54:3

Rumuang langka' muno mongoi ra pamiris am kait, namagun muno mayan ra tana' ru bansa'-bansa' am mayan ra bandar-bandar ondo' ragino ti masiluk kaga'.

JIRIMIA 49:2

Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

YEHEZKIEL 39:10

Ginio ra ilo kalo pana manimung ra luton giu' ra umo kapoam mantagar ra puun tataun giu' ra kataunan, sabap ra naukapan ilo ra luton intor ra kuliamos malarom ondo' tinatang no. Tinalingaau nilo am ginaau rapu' ru ulun ondo' ragili nanalingaau am niayuk nampagaau ra rapu' nilo.” Tuhan Raja' nakaindagu noyo.

JOIL 3:8

Anak-anak ungkuyon am ruandu' min talanon ra ulun ru Jiuda; ulun ru Jiuda poyo mantalan risilo ra Syiba, pagun ondo' maalur kaga'. Aku, Tuhan nakaindagu noyo.

OBAJA 1:17

“Kaa' giu' ra rasawat ru Bulur Sion, mokoondo' kukula' ngaulun ondo' maayag, am bulur no masauk ra intok ondo' matulai. Papag ri Jakub momolonggom ra tana' tinungkus nilo.

JAKARIA 2:9

“Tuhan galama' manggal ramuyun. Takawin kau ru ulun ondo' ragili ulipon min galama'.” Paat ra baal raginio masauk, ngaangai' ulun makapandai ra Tuhan Ondo' Maayo' Kaga' Kuasa' nanusub noyo raki'.

IMAMAT 25:44

Amon ru manangulipon kau, mambali kau ra inulipon intor ra ulun bansa' ru bokon ondo' minayan ra liliut mino.

JISAYA 60:4

Ilai' noyo atan masauk ra libung muno; ulun muno timinimung koson muli' rirun. Anak ungkuyon muno minuli' intor ra pagun maalur, am anak ruandu' muno kinubibil.

JISAYA 66:12

Mindagu Tuhan, “Aniin Takamin ra kinalangkayaan ra sabuoi-buoi no. Kinalangkayaan ru pagun-pagun ra bokon tumilis ra pagun muno koson ra sungoi ondo' kalo igondo' kapua'. Masauk kau koson ra anak ondo' patition ru ina' nano, ondo' kubibilon am tagamin.

JAKARIA 2:13

Akau ngaangai' ulun, pongkoror kano ra saang ru Tuhan sabap minintor Io noyo intor ra intok inayanan Nano ondo' matulai.