JISAYA 13:9 - Tanou Moonsoi Timugon

⁹ Orou ru Tuhan no matong, am paat raginio mampaabus Tuhan ra sangit Nano ondo' makalalaa' kaga'. Tana' ti masauk mapua', am moonong ulun makatula potoyon.

JISAYA 13:9 ပူးပေါင်းရင်းမြစ်များ

MAZMUR 104:35

Polosoon noyo ulun makatula luuson intor ra tana' ti, polosoon noyo ulun malaat maluus. Omporo' noyo Tuhan, alii ra salibuor kuno! Omporo' noyo Tuhan!

AMSAL 2:22

Kaa' ulun malaat am makatula paingkualon ri Aki Kapuuno' intor ra pagun raginio, koson ra sakot binubul intor ra tana'.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 34:8

Ginio noyo bulintok no Tuhan mamayag ra Sion am mansuli' ra pantula'-pantula' ru Sion.

JISAYA 63:4

Bulintok no koson mamayag ra ulun Kuno nasaboi noyo; bulintok no koson mangukum ra pantula'-pantula' Kuno nasuku' noyo.

JISAYA 66:17

Mindagu Tuhan, “Mamaar noyo pupus ru ulun mamasau ra inan koson sumamba ra sinungkalalaing, iono ilo ondo' mugar saguluyur giu' ra taman-taman dewa, am ondo' mangakan ra bauwi, kual ru tikus, am niayuk nansalinut akanon ra majamol.

JISAYA 9:19

Giu' ra titikop ru pagun ulun mamungkayut am mangakan ra atan ayuk maakan, kaa' kalo maasug ilo. Pabukat galama' pana akanon nilo.

YEHEZKIEL 13:5

Kalo nagalung ilo ra intok-intok ondo' napuut timbok no, kapoam mambaal saguli' ra timbok-timbok no, saboi ra Israil kalo maampin paat ra masauk pangayawan ra orou ra Aku, Tuhan matong mangukum.

YEHEZKIEL 30:3

Orou no mamaar noyo, paat Tuhan mimbuor. Orou raginio molondom am mapagon ra tayar ru bansa'-bansa'.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

JOIL 2:1

Samputi' bujung, kosongowo' bolos tatandu' makalalaa' giu' ra Sion, bulur matulai ri Aki Kapuuno'. Ponontol kano, akau mamagun ru Jiuda, sabap ra Orou ru Tuhan matong ra mataki'.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

NAGUM 1:8

Pusoon No ngaangai' pantula' Nano, Io koson ra liur maayo ondo' nakalumpa' risilo. Binutus No painawo ru ulun ondo' manggal ra kasagaan Nano.

JIPANYA 1:15

Orou raginio orou sangitan, orou kapaganan am pagalabaan, orou karatuan am kapusaan, orou kalandaman am maitom, orou ondo' majuut am masait.

JAKARIA 14:1

Mamaar masaboi paat ra Tuhan mimbuor koson ra akim. Paat raginio Jirusalim takawin ru ulun, am kuliamos tokowon no tatayaron ra talupak ru mato nilo galama'.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”