JISAYA 13:8 - Tanou Moonsoi Timugon

⁸ Mangalaa' ilo am marualan koson ra ruandu' maganak, mototontong ilo ra guang malaa', am bulos nilono malia' sabap mauyu'.

JISAYA 13:8 ပူးပေါင်းရင်းမြစ်များ

2 RAJA'-RAJA' 19:26

Mamagun ra giu' no kalo makalulu', nalaa' am naubong ilo. Ilo koson ra sakot giu' ra padang kapoam sakot ondo' tumuu' ra rasawat ru taap ru baloi, ondo' liminonot paat masiob ru angin sirangon ondo' malasu'.

MAZMUR 48:7

Monontol ilo malaa', mangarualan ilo koson ra ruandu' matipaganak,

JISAYA 26:17

Iou Tuhan, Okou nangkinibit ramon giminolok marualan koson ra sangulun ruandu' maganak.

JIRIMIA 13:21

Atan kia raguon min paat ra ulun ondo' karaan min koson ra rangan, nampaala am niayuk nanguasa' ramuyun? Maaru' makaliman kau ra maruol koson ra ruandu' maganak.

JIRIMIA 30:6

Kinami' karaa' am imumuyi'! Makapaganak kia ungkuyon ra lalagang? Amon ru kalo, kua kakito Ku moonong ungkuyon mangabula' bulos am mampaguut ra tinai' nilo ra kalindu' koson ra ruandu' ondo' maganak?

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 46:5

Pangkuot Tuhan, “Kaa' atan kia ondo' nakito Kutu? Liminugut ilo ra nalaa'. Saujor nilo linamba' paluguto'; nagiru' ilo ra maribok kaga', kalo baani ilo mangkaili sabap ra nalaa' kaga'.

JIRIMIA 48:41

Bandar-bandar am kubu-kubu gaawon. Paat orou raginio saujor-saujor ru Moab mangalaa' koson ra ruandu' tatanga' maganak.

JIRIMIA 49:22

Pantula' mamulunsar ra Bojra koson ra susuit kanui ondo' nanumbit ra kawo miningkal. Paat orou raginio saujor ru Idom mangalaa' koson ra ruandu' ondo' maganak.”

JIRIMIA 49:24

Mamagun ru Damsyik kalo maikang am nagiru' noyo ra nalaa'. Marualan am maimbolo' ilo koson ra ruandu' ondo' maganak.

JIRIMIA 50:43

Raja' ru Babilonia nokorongog ra tanou no, am liminawo. Magalabo guang nano, am maimbolo' koson ra ruandu' ondo' tatanga' maganak.

JIRIMIA 51:30

Saujor-saujor ru Babilonia kalo boo mangayou. Nairu' boo kinabaani nilo, am tatanga' mansibuni giu' ra ralalom ru kubu-kubu; malaa' ilo koson ra ruandu'. Kulobon garabang ru bandar linunsai noyo am baloi-baloi nosolob.

YEHEZKIEL 20:47

Susubo' kataunan giu' ra rabugus rumongog ra atan ondo' raguon Kuno, Tuhan Raja': Mansikit Aku ra apui ondo' monolob ra moonong puun tataun giu' ra kataunan no, iou pana masansam am niayuk ondo' mapua'. Apui ondo' bibilak no kalo maalap ra lasa' kaa' rumalat intor ra rabugus mongoi ra ralayo, am moonong ulun makaliman ra lasu' ru apui no.

GOSIA 13:13

Israil mokoondo' ra kaluagan koson maayag, kaa' Israil sasambungon kaga' saboi kalo pinakai kaluagan raginio. Israil koson ra lalagang ondo' mamaar anakon kaa' marara' mingkual intor ra binunakan ru ina'.

JOIL 2:6

Paat ra gapu' sumuku', ngaangai' ulun malaa', ngaangai' bulos ru ulun malui ra mabula'.

NAGUM 2:10

Napuso noyo Niniwi, nokoloso am masiluk. Sabap ra malaa', nagiru' ambiluo ru ulun; atur monontol, kalo maikang; ngaangai' ulun mabula' bulos.

JUANIS 16:21

Paat ra sangulun ruandu' matipaganak, magalabo io sabap ra masaboi noyo maruol ru maganak nano. Kaa' maanak no ayuk lalagang no, maansukan io am kalo boo makara' no maruol nali sabap ra sangulun lalagang inanak noyo ra tana' ti.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.