JISAYA 13:2 - Tanou Moonsoi Timugon

² Paundoko' noyo bandira' ru mangayou giu' ra rasawat ru bulur ondo' malimparang! Pampiau no ra saujor. Painsawato' longon muno koson rondo' pulanu risilo mongoi pamulunsar giu' ra kulobon-kulobon garabang ru bandar ondo' malilimbau no.

JISAYA 13:2 ပူးပေါင်းရင်းမြစ်များ

MAZMUR 60:4

Ginonggon Mu tana' ti suku' nalapak; punaa' noyo nangapilang no sabap ra tana' ti mauyog.

JISAYA 10:32

Orou raiti' pantula' siminoroi ra bandar Nob; giu' no gonggomon nilo palar tumingkuang ra Bulur Sion, mongoi ra bandar Jirusalim.

JISAYA 11:12

Bilaron ru Tuhan bandira' koson mapabala' ra ngaangai' bansa' ra Io tatanga' manimung saguli' ra mamagun ru Israil am Jiuda ondo' nakapantutuliar ra titikop ru tana' ti am magibit risilo muli'.

JISAYA 11:15

Tuhan mapalasak ra Teluk Suez. Pasiobon No angin malasu' saboi Sungoi Iprat masauk tulu' ngantaun sungoi boborok ondo' maitik, am osoi-osoi pana makasandaup ra monggolob.

JISAYA 18:3

Rongogo' noyo, alii ra ngaangai' namagun ra tana' ti! Inaani' min noyo bandira' ondo' paundokon giu' ra munung ru gunung-gunung! Inaani' min noyo bujung no samputin!

JISAYA 19:16

Bulintok no masuku' paat ra ulun ru Misir masauk koson ra ruandu' matalou. Monontol ilo malaa' paat makakito ra Tuhan Ondo' Maayo Kaga' Kuasa' manulu' koson mangukum risilo.

JISAYA 31:9

Raja' nilono magiru' ra malaa', am nasuangan tingganai ru saujor nilono malaa' kaga' saboi bandira' ru pangayawan tinatang nilo.” Tuhan minindagu – Tuhan ondo' sambaan am urumaton am monolob ra taak simbalui giu' ra Jirusalim.

JISAYA 5:26

Ilai' Tuhan manaak ra pulanu ra bansa' ondo' maalur. Sisiukon No mampiau risilo intor ra pompor ru tana' ti am mataki' ilo matong!

JIRIMIA 50:2

“Pabalaa' noyo tanou raginio ra bansa'-bansa'! Potonowo' noyo tanou no! Pabilaro' noyo bandira' am potonowo' tanou no! Pai' sibunio' tanou no! Naratu' noyo bandar Babil! Mirodak, dewa nano inumok noyo! Sinungkalalaing ru Babil tinauyu' noyo, sinungkalalaing nano ondo' majamol no inumok noyo!

JIRIMIA 50:41

“Ulun tatanga' matong intor ra ralayo, rondo' bansa' ondo' maikang intor ra pagun maalur; masuang raja' tatanga' tumampos koson mangayou.

JIRIMIA 51:12

Pangani' ra pulanu koson mamulunsar ra timbok ru bandar Babil. Kapioto' pagalungan! Posoroyo' saujor-saujor giu' ra intok ru sigagama'! Awangi' pantula'!” Nambaal Tuhan ra atan ondo' rinagu Nano intor ra ulun ru Babilonia.

JIRIMIA 51:25

Okou Babilonia, koson kou ra gunung ondo' mamuso ra titikop ru tana' ti, kaa' Aku, Tuhan noyo pantula' muno. Paakangon Ku kalindu' koson mamparata' rirun am mompoloso rirun mosolob saboi masauk ra kaau.

JIRIMIA 51:58

Timbok ru bandar Babil ondo' maikang no malunsai ra tana', kulobon-kulobon garabang nano ondo' masawat solobon. Pirot ru bansa'-bansa' ngaangai' no papalo ayuk, ngaangai' no ra pupus no makai' kosolob niayuk. Aku, Tuhan Ondo' Maayo Kaga' Kuasa', nakaindagu noyo.”