JISAYA 13:18 - Tanou Moonsoi Timugon

¹⁸ Ulun mamulok potoyon nilo ra panah am tanggayan nano. Kalo makaasi' ilo ra lalagang kapoam lalaing.

JISAYA 13:18 ပူးပေါင်းရင်းမြစ်များ

2 RAJA'-RAJA' 8:12

Pangkuot i Gajail riso, “Kua kia pantangi' kou?” Taam i Ilisa, “Sabap ra makapandai aku ra baal malaat kaga' baalon muno ra ulun ru Israil. Solobon mu kubu-kubu nilo, mamatoi ra ulun mangamulok nilo ondo' moonsoi kaga', mampalamba' ra anak-anak nilo saboi matoi, am niayuk mangabu' ra tinai' ru ruandu'-ruandu' nilo ondo' maapang.”

2 TUNUNG RU BANSA' ISRAIL 36:17

Ginio ra Tuhan namparatong ra raja' ru Babilonia koson mamulunsar risilo. Namatoi raja' Babilonia ra ulun mamulok ru Jiuda, am poyo ulun soroi giu' ra Baloi ru Tuhan. Kalo nakaasi' raja' no ra osoi pana, mamulok am matutuo, ungkuyon am ruandu', ulun marualan kapoam ulun maligag. Pinataak ri Aki Kapuuno' ilo ngaangai' ra raja' ru Babilonia.

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

JISAYA 13:16

Makakito ilo ra lalagang nilono lambaan saboi matoi, baloi nilono gaawon, am andu' nilono sowoon.”

NAGUM 3:10

Kabalu' pana raginio, mamagun ru Tibi rinakop am pinatiran ra pagun. Giu' ra moonong pisuk ru ralan, anak-anak nilo linamba' saboi minatoi. Tingganai-tingganai nilo rinantai am tinayar-tayar ra gino ngai' ru ulun ondo' namparakop risilo.

NAGUM 2:1

Okou Niniwi, tatanga' kou bulunsaron! Ondo' makakuasa' manutuk rirun nakaratong noyo! Alungi' kubu-kubu sindungan! Pagilai' ralan-ralan! Tampos kano mangayou. (

MAZMUR 127:3

Anak-anak iono pinataak ru Tuhan; sotopot no ilo tangguang.

JISAYA 5:28

Anak ru panah nilono malarom am tanggayan ru panah makatampos palaguron. Salindu ru kuda nilono mokotog koson ra batu ru apui, am luda' ru kurita' kuda nilono musing koson ra bagiu' mapuor.

JISAYA 47:9

Kaa' sangkuliop ayuk, ralalom songorou, karuruo baal raginio masauk. Inda' pana mamakai kou ra guguno am kuasa' ru sihir muno, mailusan kou ra ralaki am anak-anak muno.

JIRIMIA 5:16

Ulun-ulun mamanah nilo saujor ondo' baani; mampatoi ilo ra kalo makaasi'.

JIRIMIA 6:23

Mokoondo' ilo ra panah am ilang; malaat ilo am kalo mangampun. Bolos kinurukup ru kuda nilo ondo' kinuraan koson ra bolos ru raat ondo' mangkinulun. Nakatampos ilo noyo mamulunsar ra Jirusalim.”

JIRIMIA 18:21

Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

JIRIMIA 50:30

Ginio sabap ra ungkuyon mamulok ru Babil potoyon giu' ra ralan-ralan ru bandar, am ngaangai' saujor nano pusoon ra orou raginio. Aku, Tuhan, nakaindagu noyo.

JIRIMIA 50:42

Nanampanah am nanangilang ilo; malaat am masangit ilo. Bolos kinurikap ru kuda koson ra raat mangkinulun, paat ra ilo mangura' ra kuda. Nakatampos ilo no mamulunsar ra Babilonia.

JIRIMIA 51:22

koson mamatoi ra ungkuyon am ruandu', koson mamuso ra ulun matutuo am ulun mamulok, koson mamatoi ra anak ungkuyon am ruandu',

DANIL 7:5

Bibiag karuo no baal nano koson ra baawang am minigor ra rasawat ru kalayam ra bakulung nano. Bibiag no tatanga' mongokot ra talu bungul ru tiagang. Korongog boo bolos ondo' mindagu, “Akan no ra kual maya' ra suang ru kasagaan muno!”