JISAYA 13:11 - Tanou Moonsoi Timugon

¹¹ Mindagu Tuhan, “Ukumin Ku tana' ti sabap ra kalaatan nano, am ngaangai' ulun sabap ra tula nilo. Paingganaan Ku moonong ulun malilimbau, am mangukum ra moonong ulun ondo' masawat guang am niayuk malaat kaga'.

JISAYA 13:11 ပူးပေါင်းရင်းမြစ်များ

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 5:15

Moonong ulun tauyuon, am ngaangai' ulun malilimbau paingganaan.

JISAYA 26:21

Tuhan matong intor ra intok Nano giu' ra suruga' koson mangukum ra ulun ra tana' ti sabap ra tula nilo. Namatayan ra inopot ra tana' ti masingkual, am lobong pana kalo boo mapasibuni risilo ondo' pinatoi.

JISAYA 14:21

Pangingguluan patalimpuunon noyo. Ngaangai' anak ru raja' ti matoi sabap ra tula ru kinamatuaan nilai. Kolondo' sangulun pana risilo makapamarinta ra tana' ti kapoam mambaal ra bandar-bandar.”

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

JISAYA 3:11

Kaa' alii boo ra ulun malaat! Atan pinamakuan nilo ra ulun bokon, ginio niayuk pamakuan risilo.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

AYUP 40:12

Iou, tantangi' noyo ulun ondo' lumimbau am pakukuo' ilo; umoko' noyo ulun malaat raino niayuk.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

JISAYA 14:5

Pinolonggo' noyo ru Tuhan kuasa' ru namarinta-namarinta ra malaat kaga'

JISAYA 22:14

Tuhan Raja' Ondo' Maayo Kaga' Kuasa' mindagu raki', “Kalaatan nilono totopot kalo boo ampunon saboi ilo matoi. Aku, Tuhan Raja' Ondo' Maayo Kaga' Kuasa' minindagu noyo.”

JISAYA 23:9

Tuhan Ondo' Maayo Kaga' Kuasa' nangatang noyo raginio, maa' raginio malanggaan No limbau nilono ondo' masalok mamanggo ra baalon nilono, am niayuk magasab ra ulun ondo' makainggalan maayo.

JISAYA 24:21

Bulintok nano masuku' paat ra Tuhan mangukum risilo ondo' manguasa' ra limbowon am raja'-raja' ru tana' ti.

JISAYA 25:3

Ngaangai' bansa' ra maikang mongompor Rirun, am kalaanin giu' ra bandar ru bansa'-bansa' ondo' mangalaat.

JISAYA 29:5

Okou Jirusalim, ngaangai' ulun suai ondo' malaat kaga' no mapuso koson ra kaau masiob ru angin. Saujor nilono ondo' mangilalaa' no sasiob-siob koson ra apol. Sangkuliop ayuk am kolondo' nakapampaguang,

JISAYA 29:20

Ginio noyo pupus ru ilo ondo' mangimbolo' ra ulun am niayuk magasab ri Aki Kapuuno'. Moonong ulun makatula pusoon.

JISAYA 65:7

tula nilono am tula ru kinamatuaan nilono. Magasab ilo Raki' ra nonolob ra kaminyan tayar ru dewa-dewa giu' ra intok sambaan giu' ra bulur. Ginio ra mangukum Aku risilo nogondo' koson ra binaal nilo ra galing i.”

JIRIMIA 48:29

Lumimbau kaga' Moab! Nokorongog aku ra mapara' kinasumbung, kinasawat ru guang, kinalimbau ru mamagun ru Moab no! Mangkara' ilo kaga' ra inan galama'.

ABAKUK 2:4

Gitio noyo tanou no: ‘Ulun ondo' nambaal ra kalaatan pusoon, kaa' ulun ondo' nambaal ra kasagaan ri Aki Kapuuno' maayag sabap ra gumagaya' ilo ri Aki Kapuuno'.’ ”

AMSAL 11:31

Amon ru ulun moonsoi pana balasin ra tana' ti, maaru' noyo ra ulun malaat am ulun ra makatula ukumin.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 25:5

am koson ra angin malasu' giu' ra tana' mapua'. Kaa' Okou, iou Tuhan, sinauk Mu pantula' maino ra bobou; pinolonggo' Mu golok ru ulun malaat, koson ra gaun mapalinos ra lasu' ru orou.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.