JISAYA 12:5 - Tanou Moonsoi Timugon

⁵ Rimbayi' min noyo Tuhan no sabap binaal Nano ra matulai. Musiti' no titikop ru tana' ti mangkirongog ra atan binaal Nano.

JISAYA 12:5 ပူးပေါင်းရင်းမြစ်များ

MAZMUR 105:2

Rimbayo' noyo pangamparan ra Tuhan; tunungo' noyo ngaangai' binaal Nano ondo' makaimuag no.

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

MAZMUR 98:1

Mazmur. Rimbayi' noyo Tuhan no ra rimbai nakabagu; nambaal Io ra kandoi makaimuag! Ralalom ru kuasa' am kaikangan Nano galama', noowot No noyo kamanangan.

KAINGKUALAN 15:1

Parimbai boo i Musa am ulun ru Israil ra rimbai ti ra Tuhan, “Masaga' ku rimbayin Tuhan sabap ra namanang Io ra moonsoi kaga'; namatir Io ra kuda am ondo' kiminura' ra kuda ralalom ru raat.

KAINGKUALAN 15:21

Rinimbayan ri Miriam ilo, “Rimbayi' min Tuhan sabap ra moonsoi kaga' kamanangan noowot Nano; Namatir Io ra kuda am ulun nangura' ra kuda ralalom ru raat.”

JISAYA 24:14

Ulun naayag marimbai maansukan. Ulun tampilon ra kalasaan mapatanou ra katulayan ru Tuhan,

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

JISAYA 42:10

Rimbayi' noyo Tuhan ra rimbai bagu; Omporo' Io no, akau titikop ru tana'! Omporo' Io no, okou raat am ngaangai' suang nano, paririmbai kano, akau mamagun ru pagun-pagun ra maalur!

JISAYA 42:11

Moonsoi poyo tana' kaagisan am bandar-bandar nano mongompor ri Aki Kapuuno'; musiti' namagun ru Kidar mongompor Riso! Musiti' namagun ru bandar Sila magilakup intor ra bujuk-bujuk ru gunung!

JISAYA 44:23

Pagilakup kono maansukan, okou limbowon! Pagilakup kano, alii ra intok-intok malandom ra tana' ti! Pagitapap kano maansukan, akau kagunungan, am kataunan am niayuk nansalinut tutuu' no! Tuhan napakito ra katulayan Nano paat ra Io namayag ra ulun Nano Israil.

ABAKUK 2:14

Kaa' koson ra raat ondo' nototop ra timug, koson raginio noyo ra tana' ti pana mososok ra ulun ondo' makaulig ra Tuhan am kuasa' Nano.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!